Jeremia 4:30 - KITABU KITAKATIFU

³⁰ Na ive lwa u lanywa u la kola ndi? Kali ni wiviki tsingubo tsinzakanyu, kali ni wisyahi vyokwisyaha vyethahabu, kali nu u buula tsimoni tsitsyo na imunyi, na gawtswa ga wekolanga mulahi; ava yanze Doro va ku lega, venyanga livamwoyo lilyo.

Jeremia 4:30 ပူးပေါင်းရင်းမြစ်များ

2 Avami 9:30

Na lwa Jehu yadza Jezireeli, Jezebeli ya hulira; yebula kibala mmoni, nokuboha mutwe, nokuhenzera mu lidirisha.

Tsing'ano 6:25

U ta kayirwa ubulahi bwibwe mu mwoyo gugwo; Kandi u ta bugirira a ku tege nevigohe vyetsimoni tsitsye.

Tsing'ano 7:10

Na henza, mukali ya vugana naye Wevika tsingubo tsyamalaya, womwoyo gwobugadi.

Isaya 10:3

Na mu la kola ki mu lidiku lyokuhenzwa, nomu lidividza li la twula ihale? Mu lirukira ku bwaha kunyola bukonyi? Nobukumi bwenyu mu la bu vika haliha?

Isaya 20:6

Uyu u menyanga mu kivala kyo luginga yilu a la vola mu lidiku yilyo Henza, yili ni lisuuvira lyetu, ha kwirukira yo kukonywa ku mwami wa Asuria: na kwinye ku la honera ku inzira ki?

Isaya 33:14

Avobwoni va veye mu Zioni va tiye; lidegera li va gumiye yavo ava vula kutia Nyasaye: Ni bwaha ku kwinye u nyala kumenya halala nomuliru gu sambanga? Ni bwaha ku kwinye u nyala kumenya halala nomuliru gu sambanga mihiga nemihiga?

Jeremia 13:21

U la vola ki ive lwa a vika yavo kuva mutwe ku ive, wa ive mwene u vegidza va ve avalina vovo? Ubusaliri si bu la ku gumira kuli mukali u veye mu lilumwa lilyei

Jeremia 22:23

O ive u menyanga Lebanon, wombakanga kyaalira kikyo mu mitaragwa, kuli ga li ku dukira ku vereerwa lwa lilumwa li duka ku ive lilumwa kuli lyomukali wivulangai.

Jeremia 30:14

Vosi ava li ni va ku yanza va kwiviriye; si va kwenya mba: kigira nkwati ulugoma, kuli lwomusigu, nelikuya lyowekirage; kigira ubunene bwobudamano bubwo kigira ubwoni bubwo bwa medeka.

Jeremia 5:31

avavrofeti va profetanga bubehi, navasalisi vameha netsingulu tsyobutugi bwavo; na vandu vange va yanza vindu yivi ndiyo: na mu la kola ki ku kiheri kyavyo?

Lisyoma lya Jeremia 1:19

Nda langa avayanze vange, navutswa ngada: Vasalisi vange na vakulundu vange va kudzera mu lidala, Lwa va li ni venyanga vyokulia va duke kwirannya myoyo gyavo ubuhya.

Lisyoma lya Jeremia 1:2

A liranga ligali inyinga yobudiku, amaliga gege gi doolanga ku tsindama tsitsye; Mu vosi avayanze veve si va veye nomulala u mu leminya mwoyo: Avalina veve vosi va mu koleye agobugadi; va gwiye avasigu veve.

Lisyoma lya Jeremia 4:17

Tsimoni tsyetu tsi kuvuki kulihenza likonywa lyetu lya vutswa: Mu lilindirira lyetu ku lindiriranga ihiri i ta nyala kuhonya.

Ezekieli 28:13

Ive wa li mu Edeni, mulimi gwa Nyasaye; ligina sa lilala lyobuguli budinyu lya li kyokwefuma kikyo, lyakanyu, nelyetopazi, nalimasi, neberulo, nasokamu, nejasipi, nesafiro, nezumuradi, nesaridoniki, nethahabu: miyinzi gyevikupangwa vivyo ku lugano lwesuguti, namalere gogo aga li mu ive; vya lombwa kwetegeka ku lidiku lyelilombwa lilyo.

Ezekieli 28:9

Kuduka kalunu u la vola imbiri wa uyu wiitanga ive, Inze mbe ye Nyasaye? Navutswa u veye mundu, si u veye Nyasaye, mmukono gwa uyu u kwata tsing'oma.

Obadia 1:7

Avandu vosi avelihambana lilyo va ku hila imbiri ku inzira yoyo, kuduka ku lwako: avandu va li nemirembe ku ive va ku gada, na va ku guuta; yava ava lagiranga ubukima bubwo va tegi mutego isi wowo: si a veye nelimanya muye.

Vahebraina 2:3

kwinye ku la hona ndi ni ku va ni ku legeridza ubuhonnyi ubunene ndi? Bwo Mwami ya tanga kuvola, kandi bwa yava ava bu hulira va bu kola bwetsingulu ku kwinye;

Likunula 17:13

Yava va veye nomwoyo mulala, kandi va ha inyama linyala lyavo netsingulu tsyavo.

Likunula 17:2

wavami velirova va heya naye, nava menya mu lirova va hambikidzwa newaini yobuheyi bwibwe.

Likunula 17:4

Kandi mukali ya vikwa ingubo yeligondo lyekiforosadi nenzakanyu, hokulombwa nethahabu namagina malahi nelulu, kandi ya li nekikombe kyethahabu mu mukono gwigwe, kizula vivihiriridzi, yivi vi veye vindu vyekifwabwi kyobuheyi bwi bwe,