Jeremia 4:27 - KITABU KITAKATIFU

²⁷ Kigira Yahova a vola ndi Kivala kyosi ki la va vutswa, halala na yaga si nda ki mala ligali.

Jeremia 4:27 ပူးပေါင်းရင်းမြစ်များ

2 Kyetsinyinga 36:21

kudukidza likuva lya Yahova ku munwa gwa Jeremia, kuduka kivala kya dukidza masa bato gakyo; kigira kya li nelisabato ku madiku gosi gelyoneka lyakyo, kuduka mihiga makumi gatano na gaviri.

Nehemia 9:31

Navutswa mu tsimbabasi tsitsyo tsinene si wa va mala ligali mba, kandi si wa va leka; kigira u veye Nyasaye wetsimbabasi tsinene.

Isaya 17:6

Halala na yaga vyang'alika vi la tigala mu, kuli lisung'usa mizeituni, tsinzoli tsi viri, kinga tsivaka ku isonga yolusya igulu ligali, tsinzoli tsine kinga tsitano ku tsisya tsyekyova tsyomusala gwa manga ligali Yahova, Nyasaye wa Israeli a voia.

Isaya 24:1

Henza, Yahova a kola lirova kuva lyere, na a li kola kuva vutswa, nokulitung'aminya, na ya salannya avamenyi mulyo.

Jeremia 18:16

va duke kukola kivala kyavo kuva a kyokugenya, nokukunukirwa kazozo; sa mulala u vita ho a la genya, nokusung'usa mutwe gwigwe.

Jeremia 25:11

Na kivala yiki kyosi ki la va kyere, neligenya; na tsihiri yitsi tsi la tumekira mwami wa Babuloni mihiga makumi gatano na gaviri.

Jeremia 30:11

Kigira inze mbe halala nive, Yahova a vola, kukuhonya: kigira nda heridza ligali tsihiri yitsyo tsyosi ha nda ku salannya, navutswa si nda heridza ive mba; navutswa nda ku ha mageli nelikalaga, kandi si nda ku leka bugira kukuha mageli kali hakuzu mba.

Jeremia 4:20

Ubudivi igulu wo budivi bu lilirangwa; kigira kivala kyosi ki lanyeywi: mahema gange ga lanyeywi nonoho, netsingitu tsyange ku idagika indala.

Jeremia 4:7

King'ang'a kyanegiye kutwula mu liginga lyakyo, nomudividzi wetsihiri; a veye mu inzira, u mali kutwula hango hehe a duke kukola kivala kikyo kuva vutswa, amadala gogo ga kolwe vyanyi ga vule kuva nomundu mugo.

Jeremia 44:6

Kigira yaga ubutima bwange nelivihiririrwa lyange vya sunduka, na lyaaka ku madala ga Yuda, noku mahasi ga Yerusalemi: na rnadala yago ga lekwa vutswa, bugira mundu mugo, kuli ga veye lero.

Jeremia 46:28

Ive u ta tia mba, O Yakobo mutumekiri wange, Yahova a vola; kigira inze mbeye halala nive: kigira inze nda heridza ligali tsihiri yitsyo tsyosi tsya nda ku kunga kutsia mutsyo, navutswa si nda heridza ive mba, navutswa nda ku gondokera nelikalaga, kandi si nda ku leka bugira kukuha mageli kali hakuzu.

Jeremia 5:10

Mu nine ku madigi gege, mu dividze; navutswa mu ta dividza ligali: mu twulidze tsisya tsyalyo; kigira si tsi veye tsya Yahova.

Jeremia 5:18

Navutswa mu madiku yago, Yahova a vola, Si nda heridza mwinye ligali mba.

Jeremia 7:34

Inyinga yeyo nda heridza mu madala ga Yuda, nomu tsinzira tsye Yerusalemi, mwoyo gwobusangali, mwoyo gwesango, nomwoyo gwosereye, nomwoyo gwo mwiha; kigira kivala ki la va vutswa.

Jeremia 9:11

Nda kola Yerusale ni kuva vitumi, ubumenyo vyevibwe; kandi nda kola madala ga Yuda vyanyi, avandu va vule kumenya mugo.

Lisyoma lya Jeremia 2:7

Yahova ya ta ubwali bwibwe, kandi ya ta hatakatifu hehe, Ya vika mmukono gwa avasigu madigi getsinyumba tsitsye tsyobwami: Va koli liyoga mu inyumba ya Yahova, kuli lya li ku lidiku lyelivugana.

Ezekieli 11:13

Na ga duka, lwa nda profeta, Pelatia mwana wa Benaia ya kudza. Hene yaho nda gwa hasi mammama, na nda hanzuka nomwoyo munene, ni mbola, O, Mwami Nyasaye u la heridza ligali litigala lya Israeli?

Ezekieli 20:17

Navutswa kandi imoni yange ya va vererera, mbule kuvadividza ligali, kandi mbule kuvamalira mu kyangalangwi.

Ezekieli 33:28

Na nda kola kivala kuva hatswa na kyokugenya; nobwegingiri bwobunyali bwibwe bu la hera; nevigulu vya Israeli vi la va hatswa, kuduka mundu ku vosi a vule kuvita hagati hakyo.

Ezekieli 6:14

Na nda nyira mukono gwange kuvo, na nda kola kivala hatswa na kyanyi, kutwula mwigendanyama ku luvega lwa Dibila, nokuvita hokumenya havo hosi; na va la manya inze mbeye Yahova.

Kyavalevi 26:31

Na nda kola madala genyu ga gwe vyanyi, na hatakatifu henyu, nda kola hatswa, na si nda funyeridza lifunya lyomwayu gwenyu.

Kyavalevi 26:44

Navutswa ku yaga gosi, lwa va veye mu kivala kya vasigu vavo, inze si nda va sula ligali, kandi si nda va lega, kuduka va dividzwe ligali, nokwononya lilagana lyange navo; kigira inze mbeye Yahova Nyasaye wavo;

Zefania 1:18

Ifetha yavo si i nyala kuvahonnya, kinga ithahabu yavo, mu lidiku lyobutima bwa Yahova; navutswa kivala kyosi ki la sambwa nomuliru gwelikendeka lilye: kigira a la heridza, yee, ha la va neliheridza lyokutihidza, ku vosi ava menyanga mu kivala yiki.