Jeremia 4:24 - KITABU KITAKATIFU

²⁴ Nda lola vigulu, henza, vya degera, notu gulu twosi twa tumatuma.

Jeremia 4:24 ပူးပေါင်းရင်းမြစ်များ

1 Avami 19:11

Naye ya mu volera, Tsia kyova, u singire mu kigulu imbiri wa Yahova. Na, henza, Yahova ya vita ha zana, nekihudzudzi kinene kyetsingulu kya tandula vigulu, na kwatanya tsinyanda imbiri wa Yahova; navutswa Yahova si ya li mu kihudzudzi zana mba: inyima weki hudzudzi yikyo lidegera lyekivala lya li ho, navutswa Yahova si ya li mu lidegera zana yilyo mba:

Zaburi 18:7

Hene yaho lirova lya degera nokudengeya; Imise gyevigulu kandi gya degera Kya degera, kigira ya li nobutima.

Zaburi 77:18

Mwoyo gwenkupa yoyo gwa li mukihudzudzi; Tsimpeni tsya hemahema mu lirova: Lirova lya degera, nokudengeya.

Zaburi 97:4

Luheni lwilwe lwa hema mu lirova: Lirova lya lola ni li degera.

Kutwula 19:18

Na kigulu kya Sinai kya vuya mwoki tsirnbega tsyosi, kigira Yahova yika kukyo mu muliru; na mwoki gwakyo gwa duuma kuli mwoki gwekisambiru kinene, na kigulu kyosi kya degara ligali.

Isaya 13:13

Kigira yaga nda degeridza ligulu, nelirova yili li la sung'uswa li twule ha li vedzanga, mu ubutima bwa Yahova mu amahe, mu lidiku lyobutima bwibwe bululu.

Isaya 24:20

Lirova li la yekayeka kuli muhambiki, nokuhungudzwa yiyi neyiyi kuli mwinuya; nelihyolo lyalyo li la va liliduhu kulyo, na li la gwa, nokuvula kuvuka kandi.

Isaya 5:25

Kigira yaga ubutima bwa Yahova bwaaki ku avandu veve, naye unyiye mukono gwigwe kuvo, nokuvakuya; nevigulu vi degera, nemibiri gyavo mikudzu gyi gwiye kuli amavivi hagati ha mahasi. Ku yaga gosi ubutima bwibwe bu kikiri ku girunkanywa, navutswa mukono gwigwe gu nyireywi kuduka kalunu.

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Jeremia 8:16

Na lisiala lyamolo ga tsiparasi tsitsye li hulirwa kutwula Dan: na ku mwoyo gwavetsingulu veve kivala kyosi ki degeranga; kigira va duka, nokudividza kivala na vyosi vi veye mukyo: lidala, na vosi ava menya mulyo.

Jeremia 9:10

Nda lirira vigulu nokuvisyomera, noku milimi nda tanga lisyoma kigira gyi hiye; kuduka si ha veye nomundu u vita hagati hakyo; kandi si ha veye nomundu, u nyala kuhulira myoyo gyetsing'ombe: na manyonyi gombwerefu netsinyama tsyombulimu halala vi twuli, vi tsiye.

Ezekieli 38:20

kuduka tsisudzi tsi veye mu inyanza, namanyonyi gombwerefu, netsinyama tsyomwigendanyama, na vi molanga ku lirova vyosi, navandu vosi ava veye mmoni mwekivala, va la degera imbiri wommoni mwange, nevigulu vi la tsomwa hasi, na vyanegiru vi la gwa, namadigi sa lilala li la gwa hasi.

Mika 1:4

Kandi vigulu vi la yinguka isi wewe, na mavona ga latanywa, kuli masang'asa imbiri womuliru, kuli amadzi ga sundulwa ku yongovera ku kisulungutu.

Habakuk 3:10

Viguli vya ku lola, na vya tia; Kihi kyamadzi kya vita; Luliva lwa ginga mwoyo gwalwo, Nokuginga makono galwo igulu.

Habakuk 3:6

Ya singira, na a gera lirova; Ya henza, na a salannya tsihiri; Vigulu vyemihiga nemihiga va salannywa kandi; Tugulu twemihiga nemihiga twinaminya mitwe gyatwo; Tsing'endo tsitsye tsya li kuli tsya kale.

Likunula 6:14

Kandi ligulu lya twulidzwa kuli lududu inyinga lu lingangwa; kandi viguh; vyosi nevisulu vyosi vya twulidzwa ha vi vedzanga.