Jeremia 4:22 - KITABU KITAKATIFU

²² Kigira avandu vange va veye avasiru, si va manya inze; va veye avana avemitwe midinyu, si va veye nelimanya; va veye nobugeeri kukola budamano navutswa si va veye nelimanya kukola bulahi.

Jeremia 4:22 ပူးပေါင်းရင်းမြစ်များ

Litanga 39:16

Naye ya vika ingubo yeye himbi naye, kuduka lwa mwami wewe yirana ingo.

2 Samweli 13:3

Navutswa Amnon ya li nomulina wewe, wa langwa Jonadabu, mwana wa Shimea, amwavo wa Daudi: na Jonadabu ya li mundu mugalama ligali.

Zaburi 36:3

Makuva gomunwa gwigwe gu veye ubukyamu nobugadi: U leki kuva nobugeeri nokukola ubulahi.

Zaburi 36:4

A ganagana ubudamano ku kitali kikye; Yevika mwene ku inzira i ta liindahi; Si a dunyira ububi mba.

Zaburi 53:4

Ava kola ubudamano si va veye nelimanya, Ava litsanga avandu vange kuli va lagira ubukima, Na si vanira Nyasaye?

Zaburi 82:5

Si va manya, kandi si va manyiridza; Va gendanga yiyi na yiyi mu kisundi: Mise gyosi gyelirova gyi degeridzwa.

Tsing'ano 28:5

Avandu avadamano si va manya likalaga; Navutswa yavo avenyenga Yahova, va manya vyosi.

Isaya 1:3

Ing'ombe i manyanga umwene yo, na isukiri i manyanga ligungi lyomwene yo; navutswa Israeli si a manyi mba, avandu vange si va ganagana mba.

Isaya 27:11

Tsisya tsyalyo lwa tsyuma, tsi la vunanywa; avakali va ladza, nokutsyaakidza umuliru; kigira va veye avandu ava ta li nelimanya: kigira yaga uyu wa va lomba si a la va vererera mba, uyu wa va longa si a la va vanza mba.

Jeremia 10:8

Navutswa va veye kuli tsinyama nobusiru halala: lyegidza lyevifwananyi li veye kitinya kyomusala vutswa.

Jeremia 13:23

Muethiopia a nyala kugirunkannya ligodo lilye, naho ingo i nyala kugirunkannya ubusalago bwayo? Nu u va nu u nyala yaga hene yaho na mwinye mu la nyala kukola bulahi, ava mwa nala kukola budamano.

Jeremia 2:8

Avasalisi si va teva, Yahova a veye haliha? Na va tumikiranga lilaga si va manya inze mba: avamehanga ve baala ku inze, navaprofeti va profeta na Baal, na va tsia kulonda vindu vi ta duka.

Jeremia 4:21

Nda lola ibe ndera kuduka inyinga ki, nokuhulira mwoyo gwekisiliva?

Jeremia 5:21

Mu hulire likuva yili, mwinye avandu avasiru, ava ta li nelimanya; ava veye netsimoni, na si mu lolanga; ava veye namatu, na si mu huliranga:

Jeremia 5:4

Hene yaho nda vola, Ligali yava va veye vadaka; va veye avasiru; kigira si va manya inzira ya Yahova, kinga lilaga lya Nyasaye wavo:

Jeremia 9:2

Nkano mbeye na hokugona mu kyangalangwi ku avandu ve tsing'endo, nduke kuleka avandu vange, ntwule kuvo kigira va veye avaheyi vosi, li veye livugana lya vasatsa vagadi.

Jeremia 9:3

Va hingiranga tsinimi tsyavo, kuli ubuta, va duke kuvola bubehi; va gwiye avetsingulu mu kivala, navutswa si ga li ku geligali mba: kigira va tsitsagil'langa kutwula ku budamano kuduka ku budamano, si va manya inze, Yahova a vola.

Jeremia 9:5

Va la gadana sa mulala nowakye, si va la vola geligali mba: va mali kwegidza tsinimi tsyavo kuvola makuva gobubehi; veluhidze avene kuduka kukola ubudamano.

Ezekieli 16:30

Mwoyo gugwo gu veye mudedekere ndi, Mwami Nyasaye a vola, na u kolanga vindu yivi vyosi, navyo vi veye miyinzi gyomukali wamalaya wamahangali;

Hosea 4:1

Mu hulire likuva lya Yahova, mwinye avana va Israeli; kigira Yahova a veye nelihing'ana ku vamenyanga mkivala yikyo, kigira si ha veye na geligali, kinga tsimbabasi, kinga limanya Nyasaye mu kivala.

Hosea 4:6

Avandu vange vononnywa kigira va daka limanya: kigira u suye limanya, na inze nda ku sula, ive u ta va musalisi ku inze mba: kigira wivirira lilaga lya Nyasaye wowo, inze ndivirira avana vovo.

Hosea 5:4

Likola lyavo si li va leka kuduka va girunkane ku Nyasaye wavo; kigira mwoyo gwa malaya gu veye muvo, na si va manyi Yahova mba.

Amosi 3:10

Kigira si va manya kukola bulahi, Yahova a vola yavo ava vikanga akiba yekirage nobwivi mu tsinyumba tsyavo tsyobwami.

Mika 2:1

O bayaye ku yavo ava saaviranga vidamano nokukola budamano ku vitali vyavo lwa bu kyedzanga, va bu tumekiranga, kigira bu veye mu bunyali bwa makono gavo.

Mika 7:3

Amakono gavo ga gumiye vyobudamano va duke kubukola netsingulu; munene a tevanga, nomukalagi yetegeki kuvugula vikukula; nomunene a volanga ubukyamu bwa a veye nabwo mmwoyo gwigwe: ni ndiyo va navanga vindu yivi.

Luka 16:8

Mwami wewe yidzominya mulindi muganga, kigira ya kola nobugeeri: kigira avana avomulirova ku likula lyavo va veye nobugeeri kuvita avana avobulavu.

Yohana 16:3

Kandi yaga va la kola kigira si va manya Dada, kandi inze.

Varumi 1:22

Mu livola lyavo avene ku veye avageeri, va gwa avasiru,

Varumi 1:28

Kandi kuli va sula kuva na Nyasaye mu limanya lyavo, Nyasaye ya va leka nomwoyo gwokuvihiriridza, va kole vindu vi ta dukana.

Varumi 16:19

Kigira lihulira lyenyu li vuuliki mu vandu vosi. Kunangwa nyanza ligali kigira mwinye: navutswa nyenyu mu ve avageeri ku malahi, kandi mu vule kuva nobugeeri ku madamano.

Varumi 3:11

Si ha veye nomanyi mba, Si ha veye nowenya Nyasaye;

1 Vakorintho 14:20

Avamitu, mu ta va avana mu bugeeri bwenyu: navutswa mu imbodoka mu ve kuli avana, navutswa mu ve avakulundu mu bugeeri.

Kwidzulitsa 32:28

Kigira va veye ihiri i ta li nobugeeri, Na ava vula kuva nelimanya muvo.

Kwidzulitsa 32:6

Lisantidza lya mu hedzanga Yahova ni yili, Mwinye avandu avasiru, ava ta li nobugeeri? Si a li dada wowo wa ku gula? Niye wa ku lomba, nokukudinyeridza.