Jeremia 4:13 - KITABU KITAKATIFU

¹³ Henza a lanegira kuli amalesi, namagari gege gobulwani ga la va kuli kihudzudzi: tsiparasi tsitsye tsi veye netsimbiru kuvita tsindidzu. Bayaye ku kwinye kigira ku lanyeywi.

Jeremia 4:13 ပူးပေါင်းရင်းမြစ်များ

2 Samweli 1:23

Saulo na Jonathan va li avalahi avokuyanzidza, mu livamwoyo ki lyavo, Kandi mu likudza lyavo va vula kwavukanywa: Va li netsimbiru kuvita tsindidzu, Va li netsingulu kuvita ving'ang'a.

Isaya 13:5

Va twula mu kivala kyehale, kutwula ku i kiheri kyegulu a veye Yahova, nevyuma vyobutima bwibwe, kudividza kivala kyosi.

Isaya 19:1

Ubuliduhu bwa Egepeti. Henza, Yahova a ninanga ku lilesi li gendanga bwangu nokuduka Egepeti: nevifwananyi vyokusigami rwa vya Egepeti vi la dengeya imbiri wewe; nomwoyo gwa Egepeti gu la yenguka hagati hakyo.

Isaya 3:8

Kigira Yerusalemi li sambuywe, ne Buyuda bu gwiye; kigira tsinimi tsyavo nevikolwa vyavo vi hing'ana na Yahova, kuvihiriridza tsimoni tsyobukumi bwibwe.

Isaya 5:28

avandu ave mibano gyavo gyi veye miyogi ligali nobuta bwavo bwekumbi kwetegeka; tsimbagayu tsyetsiparasi tsyavo tsi la ganaganwa tsi veye magina madinyu, netsingida tsyatsyo kuli kihudzudzi:

Isaya 66:15

Kigira, henza, Yahova a ladza nomuliru, na magari gege gobulwani ga la va kuli kihudzudzi; kutunga ubutima bwibwe nobululu, neligondoka lilye lyolumemo lwomuliru.

Jeremia 10:19

O bayaye ku inze kigira ulugoma lwange inkwagu yange i tsunanga ligali: navutswa nda vola, Ligali bu veye ubuverere bwange ga ndukira ku bu ginga.

Jeremia 4:12

imbuudza yizula i twulanga hadi guluku i ladza kigira inze: kalunu nda vola likalaga kuvo.

Jeremia 4:31

Kigira mbuliye mwoyo kuli muoyo gwomukali u veye mu lilumwa, litsunwa kuli uyu wivulanga mwana wewe wokutanga, mwoyo gwomukana wa Zioni, uherananga kunyola mwika, nokunyira amakono gege, na a vola, O bayaye ku inze kalunu kigira mwoyo gwange gu kudzanga imbiri wa valumindi.

Jeremia 46:18

Kuli inze mbeye mwoyo, Mwami a vola, welieta lilye li veye Yahova wa mahe, ligali kuli liva lya Taboru mu vigulu, kandi kuli liva lya Karimeli himbi nenyanza, ni ndiyo uyu a lidza.

Jeremia 48:40

Kigira Yahova ya vola ndi: Henza, a la buluka kuli indidzu, na a nyira tsimbaha tsitsye ku Moabu.

Jeremia 49:22

Henza a lanegira nokubuluka kuli indidzu, nokuvambula tsimbaha tsitsye ku Bozra: nelidiku yilyo mwoyo gwavaluviriri va Edom gu la va kuli mwoyo gwomukali u lumangwa.

Jeremia 6:23

Va gumira ubuta nelitimu; va veye avalulu, si va veye netsimbabasi mba; mwoyo gwavo gu luumanga kuli inyanza, na va nina ku tsiparasi tsyavo, sa indala ya lombwa kuli musatsa wobulwani, ku ive, mukana wa Zioni.

Jeremia 9:19

Kigira mwoyo gwelisyoma gu hulirwa kutwula Zioni, kuvola, Ai, kwa lanywa kuli ndi ku genya ligali, kigira ku leki kivala, kigira va sambuye tsinyumba tsyetu.

Lisyoma lya Jeremia 4:19

Ava londereranga kwinye va li netsimbiru kuvita tsindidzu tsyomigulu: Va ku kunga ku vigulu, na va ku goneka mwigendanyama.

Ezekieli 26:10

Kigira ubunyingi bwetsiparasi tsitsye ulugukyi lwatsyo lu la ku kunika: amadigi gogo ga la degera kigira umuliviti gwavanina ku tsiparasi, na gwa magari ageviju, na gwa magari agobulwani, lwa yingira mu viribwa vivyo, kuli wa avandu vingiranga mu lidala lya sasugulwa.

Ezekieli 38:9

Na ive u lanegira, u la duka kuli kihi, u la va kuli lilesi kukunika kivala, ive, na viduma vivyo vyosi, na avandu vanyingi halala nive.

Danyeli 11:40

Kandi inyinga yekiheri mwami wa kusini a la hing'ana naye; na mwami wa kasikasini a la mu twulira kuli kihuudzudzi halala namagari gobulwani, navasikari vokunina ku tsiparasi, nobwato bunyingi; naye a lingira mu vivala yevyo, nokusalama, nokuvita hagati.

Danyeli 7:4

Yokutanga ya li nelifwana lyeking'ang'a, na ya li ne tsimbaha tsyendidzu: na inze nda henza kuduka tsimbaha tsyayo tsya manyulwa, na ya gingwa ku twula ku lirova, nokusingeridzwa ne virenge viviri kuli mundu; na ya hebwa mwoyo gwomundu.

Hosea 8:1

Vika kisiliva ku munwa gugwo. Kuli indidzu a twulira inyumba ya Yahova, kigira vononnyi lilagana lyange, nokuhyola ku malago gange.

Mika 2:4

Mu lidiku yilyo va la kupa lugano ku mwinye, nokulira nelilira lyobuvereri, nokuvola, Ku mali kwononnywa ligali: u girunkannya kidieli kyavandu vange: ga veye ndi kuli a twulidzanga kuinze ya gavuliranga avebaali milimi gyetu.

Nahum 1:3

Yahova a veye wagalaha ku butima, na a veye munene mu bunyali, si a la kola uyu u veye nekindu kuye kuva ougira mahyolo mba: Yahova a veye nenzira yeye mu kihudzudzi nomu kihi, amalesi ga veye lugukyi lwevirenge vivye.

Habakuk 1:8

Tsiparasi tsyavo tsi veye netsimbiru kuvita engo, na tsindulu kuvita kisalang'ongo kyamgolova; avasikari vetsiparasi velandidzanga: yee, avasikari vavo vetsiparasi va twula ihale liga'i; va bulukanga kuli indidzu i gendanga tsimbiru kulia.

Zekaria 6:1

Na kandi nda ginga tsimoni tsyange, nokulola, na henza, magari gobulwani gane gadzanga kutwula hagati hevigulu viviri; na vigulu zana vya li vyomugasa.

Matayo 24:30

kunangwaheneyaho ki la lolekana migulu kilolekidzu kyo Mwana wa Adamu: ma tsihiri tsyosi tsyelirova tsi la lira, kandi va la lola Mwana wa Adamu yadza ku malesi gegulu netsingulu nobukumi bunene.

Kwidzulitsa 28:49

Yahova a la leta ku ive ihiri i twula ihale, ku nyasi kwelirova, bwangu kuli libuluka lyendidzu ihiri ya u ta manya lulimi lwayo,

Likunula 1:7

Henza, yadza mu malesi; kandi tsimoni tsyosi tsi la mu lola, kandi ava mu tumita; kandi tsihiri tsyosi tsyelirova tsi la lira kuye. Yee, Amini.