Jeremia 4:10 - KITABU KITAKATIFU

¹⁰ Hene yaho nda vola, Ai, Mwami Nyasaye ligali ive u gadi avandu yavo ligali na Yerusalemi, lwa wa vola, Mwinye mu la va nemirembe; navutswa kivavi ki duki kali mu myoyo.

Jeremia 4:10 ပူးပေါင်းရင်းမြစ်များ

Kutwula 5:22

Na Musa yirana ku Yahova, na a vola, Mwami, kigira ki u kolanga avandu vovo ubudamano? Kigira ki u ntumi?

Kutwula 9:14

Kigira ku inyinga yiyi nda leta maduya gange gosi ku mwoyo gugwo, noku avatumekiri vovo, noku avandu vovo; u duke kumanya si ha veye na wundi kuli inze mu lirova lyosi.

Isaya 30:10

va veye avandu ava voleranga valoli, Mu ta lola mba; na va volera avaprofeti, Mu ta profeta vindu vilahi, mu ku volere vindu vidoto, mu profete bugadi,

Isaya 37:35

Kigira inze nda sola lidala yili kulihonnya, kigira inze mwene, na kigira Daudi, mutumekiri wange.

Isaya 63:17

O Yahova, kigira ki u ku gotidzanga ku tsinzira tsitsyo, nokukola myoyo gyetu kuva miliduhu mu litibwa lilyo? Yirana kigira avatumekiri vovo, tsihiri tsye miyandu gyigyo.

Jeremia 1:6

Hene yaho nda vola, Ai, Mwami Nyasaye henza, si nyala kuvola; kigira mbeye mwana.

Jeremia 23:17

Va voleranga kazozo yavo ava leganga inze, va vola, Yahova a voye, Mu la nyola mirembe; nomundu sa mulala u gendanga nobudinyu bwomwoyo gwigwe va mu volera, Ubudamano kali bulala si bu la mu nyola mba.

Jeremia 32:17

O Mwami Yahova henza, ive u lombi ligulu nelirova nobunyali bubwo bunene nomukono gugwo gwa nyirwa; si ha veye nekindu kidinyu kuguuta ive,

Jeremia 4:18

Inzira yoyo nelikola lilyo vi ku nyoleye inkuva yiyi; henza ubudamano bubwo; kigira bu veye bululu, kigira bu dukanga ku mwoyo gugwo.

Jeremia 5:12

Vambakani Yahova, nokuvola, Uyu si a li iye mba; kandi si ku la lola kivavi kinga inzala mba:

Jeremia 6:14

Va honnyi ulugoma lwa avandu vange hakekeke vutswa, ni va vola, Mirembe, mirembe; inyinga mirembe gyi ta veye ho.

Jeremia 8:11

Va honnyi ulugoma lwomukana wavandu vange hakekeke, nokuvola, Mirembe, mirembe; lwa mirembe gvi ta veye ho.

Lisyoma lya Jeremia 2:21

Muyai nomusakulu va gona hasi mu mahasi; Avakana vagima vange navasoleli vange va gwiye ku kivavi: U viiti ku lidiku lyobutima bu bwo; u viiti, na si u va vereye tsimbabasi mba.

Ezekieli 11:13

Na ga duka, lwa nda profeta, Pelatia mwana wa Benaia ya kudza. Hene yaho nda gwa hasi mammama, na nda hanzuka nomwoyo munene, ni mbola, O, Mwami Nyasaye u la heridza ligali litigala lya Israeli?

Varumi 1:24

Kigira yaga Nyasaye ya va leka mu likayirwa lyemyoyo gyavo lidamano, kukola kifwabwi va duke kwononnya ubukumi bwemibiri gyavo avene navene:

Varumi 1:26

Kigira yaga Nyasaye ya va leka mu likayirwa lyetsisoni. Kigira avakali vavo va girunkannya ubutumiki bwomwima gwene bulahi, ni va kola bu ta li bwomwima:

Varumi 1:28

Kandi kuli va sula kuva na Nyasaye mu limanya lyavo, Nyasaye ya va leka nomwoyo gwokuvihiriridza, va kole vindu vi ta dukana.