Jeremia 4:1 - KITABU KITAKATIFU

¹ Nu u va ni wirana kandi, O Israeli, Yahova a vola, nu u lirana ku inze; nu u va nu u twulidza livihiriridza lilyo li vule kuva imbiri wetsimoni tsyange; hene yaho u la vula kutwulidzwa;

Jeremia 4:1 ပူးပေါင်းရင်းမြစ်များ

Litanga 35:2

Kunangwa Yakobo ya volera avenyumba yeye, na vosi ava li halala naye, Mu vike haluvega avanyasaye avageni ava li halala nemwinye, na mwetakase avene, na mwivike tsingubo tsindi:

2 Avami 23:13

Na hadiguluku ha li imbiri wa Yerusalemi, ku luvega lwa mukono mulungi lwekigulu kyobwoneku, ha Solomoni mwami wa Israeli yombakira Ashitorethu livihiriridza lya Vasidon, na Kemoshu livihiriridza lya Vamoabu, na Milikom livihiri- ridza lyavana va Amon, mwami yononya ha zana.

2 Avami 23:24

Kandi yavo ava volerana ne myoyo mibi, navakumu, navanya saye, nevifwananyi, na vyokuvihiri ridza vyosi vya loleka mu kivala kya Yuda nomu Yerusalemi, Josia ya vi twulidza ligali, a duke kudinyeridza makuva gelilaga ago ng'odwa mu kitabu kya Hilikia musalisi ya nyola mu inyumba ya Yahova.

2 Kyetsinyinga 15:8

Na lwa Asa ya hulira makuva yaga, neliprofeta lyomuprofeti Odedi, ya lema mwoyo, na ya vika ha luvega ubudamano bwosi bwa twula mu kivala kyosi kya Buyuda na Benja mini, nokutwula madala ga ya vugula mu kivala kyevigulu kya Efiraim; na ya digulula ubwali bwa Yahova, bwa li imbiri wolusimbu lwa Yahova.

2 Kyetsinyinga 33:8

kandi induvatiru ya va Israeli si nda gi twulidza kandi mu kivala kya nda vikira avaguga venyu, ni va va ni va linda nokukola aga nda va laga gosi, nago ga veye lilaga lyosi na malago nelikalaga ku mukono gwa Musa.

2 Kyetsinyinga 34:33

Na Josia ya twulidza vyokuvihirirldza vyosi mu vivala vyosi vyavana va Israeli, ya kola vosi ava nyoleka mu Israeli kutumika, va tumekira mu bu tumwa bwa Yahova Nyasaye wavo. Madiku gege gosi si va leka kulonda Yahova, Nyasaye wavaguga vavo.

Isaya 31:6

Mu girunkane mu yeke ku uyu wa mu tinguhi ligali, O avana va Israeli.

Jeremia 15:19

Kigira yaga Yahova a vola, Nu u va ni wirana, hene yaho inze nda ku leta kandi, u duke kusingira imbiri wange; nu u va nu u twulidza kyobuguli budinyu mu ki veye kidamano, u la va kuli munwa gwange: va lirana ku ive, navutswa ive u la vula kwirana kuvo.

Jeremia 15:4

Nda kola va sigiswe yiyi neyiyi mu bwami bwosi bwelirova, kigira Manase, mwana wa Hezekia, mwami wa Yuda, kigira inkuva ya ya kola ha Yerusalemi.

Jeremia 18:11

Kunangwa kalunu, u volere avandu va Yuda, na va menya mu Yerusalemi, u vole, Yahova a vola: Henza, nombanga ubudamano ku mwinye, nokusaavira lisaava ku mwinye: mwirane kalunu sa mulala a leke inzira yeye indamano, mu lombe tsinzira tsyenyu, nevikolwa vyenyu.

Jeremia 24:9

nda va twulidza va sigiswe yiyi na yiyi hagati ho ubwami bwelirova bwosi, ku budamano; va duka kuva linyega, nolugano, nekihenyahenye, nelilaamwa, hosi ha ndi va komolola yo.

Jeremia 25:5

kuvola, Mwirane kalunu sa mulala a leke inzira yeye indamano, mu leke ubudamano bwelikola lyenyu, mu menye mu kivala yiki kya Yahova ya ha mwinye navaguga venyu, kutwula ku madiku ga kale nokutsitsagil'la madiku gosi;

Jeremia 3:1

Va vola, Musatsa na a kunga mukali wewe, naye na a tsia, nokugwa mukali womusatsa wundi, musatsa wokutanga a lirana kuye kandi? Kivala yikyo si ki la kolwa kidamano ligali? Navutswa u tumikiye ubuheyi halala navayanzi avanyingi navutswa wirane ku inze, Yahova a vola.

Jeremia 3:12

Tsia, wilwadze makuva yaga ku luvega lwa kasikasini, u vole, Wirane, O Israeli yirani inyima, Yahova a vola; si nda henza mwinye nobutima mba; kigira mbeye netsimbabasi, Yahova a vola, si ntsitsagil'la nobutima madiku gosi mba.

Jeremia 3:14

Mwirane mwinye avana, avirani inyima, Yahova a vola; kigira mbeye musatsa wenyu: na nda vugula mulala welidala, na vaviri ku bwiko bulala, na nda leta mwinye Zioni.

Jeremia 3:22

Mwirane, avana ava mwirani inyima, nda honnya lirana inyima lyenyu. Henza, kudzanga ku ive; kigira ive u veye Yahova Nyasaye wetu.

Jeremia 35:15

Kandi nda leta ku mwinye avatumekiri vange vosi avaproieti, ni mbuka mabwebwe nokuvatuma, ni mbola, Mwirane kalunu sa mulala a leke inzira yeye indamano, mu lombe vikolwa vyenyu, kandi mu ta tsia kulonda avanyasaye vandi kuvatumekira mba, na mu la menya mu kivala yiki kya nda ha mwinye na vaguga venyu; navutswa si mwa tegidza gutu, kinga kuhulira ku inze.

Jeremia 36:3

Namusia inyumba ya Yuda i la hulira makuva gobudamano yibu bwosi bwa nda saavira kuvakolera; va duka kwirana sa mulala kuleka inzira yeye indamano, nduke kuvasameha ubudamano bwavo nobwoni bwavo.

Jeremia 4:4

Mwekevere ku Yahova, mu twulidze magodo gemyoyo gyenyu, mwi nye avasatsa va Yuda, navamenyi Yerusalemi; gase ubutima bwange kuli muliru, bu laaka, a luhe a vule kuva ho u nyala kubusiminya, kigira ubudamano bwelikola lyenyu.

Jeremia 7:3

Yahova wa mahe, Nyasaye wa Israeli, a vola ndi, Mu lombe tsinzira tsyenyu nevikolwa vyenyu, na nda mu mennya hano.

Jeremia 7:5

Kigira ni mu lomba tsinzira tsyenyu nevikolwa vyenyu ligali; nokukalaga bulungi hagati homundu nowakye;

Jeremia 7:7

hene yaho nda mu mennya hango hano, mu kivala kya nda ha vaguga venyu, kutwula ku madiku ga kale, kuduka mihiga nemihiga.

Ezekieli 11:18

Na va la duka hano, na va la twulidza vindu vyalyo vyosi vyekivihiri, nekivihiri kyalyokyosi kutwula ha zana.

Ezekieli 18:13

wa haana ifetha kunyola vyambeti, wa vugula vya medeka; mundu uyu a la hindira? Si a la hindira mba; u mali kukola kivihiri yiki kyosi; ligali a la kudza; amasahi gege ga la va kuye.

Ezekieli 43:9

Kunangwa va te ihale makuva gavo ga malaya, nemibiri mikudzu gyavami vavo, gyi ve ihale ninze, na nda menya hagati havo mihiga nemihiga.

Hosea 14:1

O Israeli, wirane ku Yahova Nyasaye wowo; kigira u gwiye mbudamano bubwo.

Hosea 2:2

Mu hing'ane na mama wenyu mu hing'ane; kigira si a veye mukali wange, kandi si mbeye musatsa wewe; a vike ihale ubuheyi bwibwe bu twule imbiri wewe, namakuva gobuheyi a ga twulidze hagati he tsimbere tsitsye;

Hosea 7:16

Virana, navutswa si ga li ku uyu u veye igulu; va gwiye kuli ubuta bu ta li nobusoga; avanene vavo va la gwa nekivavi kigira ubululu bwetsinimi tsyavo: inkuva yiyi i la va kihenyahenye kyavo mu kivala kya Egepeti.

Joeli 2:12

Navutswa kali kalunu, Yahova a vola, Mu girunkane, mu yeke ku inze nomwoyo gwenyu gwosi, kandi nelihonga lilia, nelilira, nelisyoma:

Zekaria 1:4

Mu ta va kuli avadada venyu va li, avaprofeti vokutanga va va gambira, ni va vola, Yahova wa mahe a vola yaga, Mwirane kalunu mu leke tsinzira tsyenyu tsindamano na vikolwa vyenyu vidamano, mu vi leke: navutswa si va hulira, kandi si va mbulira, Yahova a vola.

Kwidzulitsa 27:15

A laamwe umundu u lombanga kifwananyi ki vadzwa kinga kutuulwa, ki veye livihiriridza ku Yahova, gyi veye miyinzi gyamakono gomusidza, na a ki singeridza makiriri. Navandu vosi va tivule va vole, Amini.

Kwidzulitsa 4:30

Inyinga u veye mu kivi, nevindu yivi vyosi vi duka ku ive, mmadiku gekiheri u lirana ku Yahova Nyasaye wowo, nokuhulira mwoyo gwigwe:

Joshua 24:14

Kunangwa kalunu mu tie Yahova, nokumutumekira mu libugirira nomu geligali; na mu vike ihale avanyasaye ava vaguga venyu va tumekira engereka ya Mugera, nomu Egepeti; na mu tumekire Yahova.

Vakalagi 10:16

Navo va twulidza vanyasaye vageni ava li hagati havo, na va tumekira Yahova: nomwoyo gwigwe gwa verera kigira kivi kya Israeli.

1 Samweli 7:3

Na Samweli ya volera inyumba yosi ya Israeli, na a vola, Mwinye ni mu va ni mwirana ku Yahova nemyoyo gyenyu gyosi, hene yaho mu vike ihale ku mwinye avanyasave vageni, na Ashitarothu va veye hagati henyu, na mu yekidze myoyo gyenyu ku Yahova nokumutumekira yeng'ine; naye a la mu honnya ku makono ga Vafilisiti.