Jeremia 39:8 - KITABU KITAKATIFU

⁸ Avakalidei va samba inyumba yomwami, halala netsinyumba tsyavandu, nomuliru, na va sasugula madigi ga Yerusalemi.

Jeremia 39:8 ပူးပေါင်းရင်းမြစ်များ

2 Avami 25:8

Kunangwa ku mweli gwegyitano, ku lidiku lya gatano na gaviri lyomweli, nagwo gwa li muhiga gwa kola likumi na gyitano na gyine gwelyameha lya Nebukadinezaru, mwami wa Babuloni, Nebuzaradan, munya mpara wavalindi, mutumekiri wo mwami wa Babuloni, yadza Yerusa lemi.

2 Kyetsinyinga 36:19

Na va samba inyu mba ya Nyasaye, na va sambula lidigi lyolugaga lwa Yerusalemi, na va samba tsinyumba tsyalyo tsyosi tsyobwami nomuliru, na vononnya viju vyosi vilahi vyalyo.

Nehemia 1:3

Navo va mbolera, Avandu va tigala ku velyadikidzwa mu kivala va veye mu kivi kinene nokunyegwa: lidigi lya Yerusalemi li sambuliywi, na viribwa vyalyo vi sambeywi nomuliru.

Zaburi 79:7

Kigira va mali kumira Yakobo, Na va koli ubumenyo bwibwo kuva vutswa

Isaya 5:9

Mu amatu gange, Yahova wa mahe a vola, Ligali tsinyumba tsinyingi tsi la lekwa tsing'anye, kali tsi veye tsinene na tsindahi, tsi la va bugira avandu.

Jeremia 17:27

Navutswa ni mu sula kuhulira inze kutakasa lidiku lyelisabato, kuvula kuginga musigo nokwingira mu viribwa vya Yerusalemi ku lidiku lyelisabato; hene yaho nda Swana muliru ha viribwa vyalyo, nagwo gu la samba tsinyumba tsyobwami tsya Yerusalemi, si gu la siminywa mba.

Jeremia 21:10

Kigira mmali kuhenzidza mumoni mwange ku lidala yili kuleta ubudamano, si ga li kuleta ubulahi, Yahova a vola: li la vikwa mmukono gwomwami wa Babuloni, naye a la li samba nomuliru.

Jeremia 32:29

na Vakalidei, ava lwananga nelidala yili, va ladza nokuvika muliru ku lidala yili, nokulisamba, halala netsinyumba tsyalyo, tsya va vuyidzira Baal vimuli ku visegesi vyatsyo, nokutsuka vihaanwa vyevyokunwa ku vanyasaye vandi, kuduka ku mbihiriridza.

Jeremia 34:2

Yahova, Nyasaye wa Israeli, a ku volera, Tsia, u volere Zedekia mwami wa Yuda, u mu volere, Yahova a ku volera, Henza, nda vika lidala yili mmukono gwomwami wa Babuloni, naye a la li samba nomuliru:

Jeremia 34:22

Henza, nda laga, Yahova a vola, nda va leta kandi virane mu lidala yili: na va la lwana nalyo, nokulivugula, nokulisamba nomuliru: na nda kola madala ga Yuda kuva hatswa, ga vule kuva nomundu kumenya mugo.

Jeremia 37:10

Kigira kali ni mwa kuya lihe lyosi lya Vakalidei li lwananga na mwinye, va tigala hagati havo avandu ava tumitwa veng'ine, kali nkano va ka wka, vosi sa mulala mu lihema lilye, nokusamba lidala yili nomuliru.

Jeremia 38:18

Naw tswa ive nu u va nu u sula kutwula kutsia ku vanene vomwami wa Babuloni, hene yaho lidala yili li la vikwa mmakono ga Vakalidei, navo va la li samba nomuliru, na ive si u la hona mmakono gavo mba.

Jeremia 5:10

Mu nine ku madigi gege, mu dividze; navutswa mu ta dividza ligali: mu twulidze tsisya tsyalyo; kigira si tsi veye tsya Yahova.

Jeremia 7:20

Kigira yaga Mwami Nyasaye a vola: Henza, ubutima bwange nelivihiririrwa lyange vi la tsukwa hango hano, ku vandu, noku mitugu, noku misala gyemilimi noku makuyu gekivala; ga la hya, kandi si gu la siminywa mba.

Lisyoma lya Jeremia 1:10

Mudambidzi u nyiye mukono gwigwe ku vindu vivye vyosi vyokuyanzidza: Kigira u loli ava ta suuvira vingiranga ha butakatifu bwibwe, Ava wa laga kuvo va ta bugirirwa kali kwingira mu livugana lilyo.

Lisyoma lya Jeremia 2:2

Yahova u miri ubumenyo bwosi bwa Yakobo, na si ya li netsimbabasi mba: Tsimpinga tsyomukana wa Yuda ya tsi sambula mu butima bwibwe; U tsi tsomi kuduka hasi; u viki ubudamano ku bwami noku vanene vabwo.

Lisyoma lya Jeremia 2:7

Yahova ya ta ubwali bwibwe, kandi ya ta hatakatifu hehe, Ya vika mmukono gwa avasigu madigi getsinyumba tsitsye tsyobwami: Va koli liyoga mu inyumba ya Yahova, kuli lya li ku lidiku lyelivugana.

Ezekieli 16:41

Na tsinyumba tsitsyo va la tsi samba nomuliru, nokudukidza likalaga ku ive imbiri wetsimoni tsyavakali vanyingi; na nda ku heridzera litumikira amalaya, na si u la haana amadanyi kandi mba.

Ezekieli 23:47

Nobunyingi bwavandu bu la va lasa magina, nokuviita nevivavi vyavo; va liita avana vavo avayai navakana netsinyumba tsyavo va la tsi samba nomuliru.

Ezekieli 33:21

Na ga duka mu muhiga gwelikumi na gyiviri gwelyadikidzwa lyetu, ku mueli gwelikumi, ku lidiku lya gatano lyomweli, mundu mulala wiruka kutwula Yerusalemi yadza ku inze, ni ya mbolera, Lidala li kuyeywi.

Amosi 2:5

Navutswa nda leta muliru ku Yuda na gu la samba tsinyumba tsyobwami tsya Yerusalemi.

Mika 3:12

Kunangwa Zioni li la limwa kigira mwinye, na Yerusalemi li la gwa vitumi, na kigulu kyenyumb ki la va kuli hadiguluku homulitu.