Jeremia 39:5 - KITABU KITAKATIFU

⁵ Navutswa lihe lya Vakalidei lya va londerera, na va nyola Zedekia mu vireremu vya Yeriko: na lwa va mu gumira va mu hila ku Nebukadirezaru mwami wa Babuloni wa li ha Ribila mu kivala kya Hamathu; naye ya mu kalagira.

Jeremia 39:5 ပူးပေါင်းရင်းမြစ်များ

2 Samweli 8:9

Kandi Toi mwami wa Hamathu lwa ya hulira Daudi u kuyi lihe lyosi lya Hadadezeri,

2 Avami 17:24

Na mwami wa Asuria ya leta vandu kutwula Babuloni, na Kutha, na Ava, na Hamathu, na Sefarivaim, na ya va vika mmadala ga Samaria mbugono bwavana va Israeli; na va gumira Samaria, nokumenya mmadala galyo.

2 Avami 23:33

Na Faraoneko ya mu boha ha Ribila mu kivala kya Hamathu, a vule kwameha mu Yerusaelmi; na ya ng'oda kivala ki tungidzwe mitu ngu tsitalenta mia tsyefetha, neta lenta indala yethahabu.

2 Avami 25:6

Ma va vugula mwami, nokumuhila ku mwami wa Babuloni mu Ribila; na va mu kalagira mzkuva gege.

2 Kyetsinyinga 33:11

Ma Yahova ya leta kuvo avanya mpara velihe lyomwami wa Asuria wa vugula Manase na a boheywi munyororo, ni va mu vika kivya, na va tsia naye Babuloni.

Isaya 22:3

Avamehanga vovo vosi viruka halala, avatumekiranga ubuta va va boha; avandu vovo vosi ava loleka va bofwa halala; viruka ni va tsia ihale.

Jeremia 21:7

Na inyima wa yaga, Yahova a vola, Zedekia mwami wa Yuda, navatumekiri veve, navandu vosi ava li tigala mu lidala yili inyima wobulwaye zana, nekivavi, nenzala, nda va vika vosi mmukono gwa Nebukadirezaru mwami wa Babuloni, nommakono gavasigu vavo, nommakono ga yavo avenyanga livamwoyo lyavo: naye a la viita nobwogi bwekivavi; si a la va leka mba, kandi si a la va vererera mba, kinga kuva vera tsimbabasi.

Jeremia 24:8

Na ku makuva gamakuyu madamano, aga ta libwa, ku liva lya ga veye madamano ligali; ligali Yahova a vola, Ni ndiyo ndi twulidza Zedekia mwami wa Yuda, navanene veve, nelitigala lya Yerusalemi, ava tigala mu kivala yiki, nava menyanga mu kivala kya Egepeti,

Jeremia 38:18

Naw tswa ive nu u va nu u sula kutwula kutsia ku vanene vomwami wa Babuloni, hene yaho lidala yili li la vikwa mmakono ga Vakalidei, navo va la li samba nomuliru, na ive si u la hona mmakono gavo mba.

Jeremia 38:23

Navo va la twulidza avakali vovo vosi navana vovo vosi kuha Vakalidei: na ive si u la hona ku makono gavo mba, na wtswa u la gumirwa nomukono gwomwami wa Babuloni: na u la kola lidala yili li sambwe nomuliru.

Jeremia 4:12

imbuudza yizula i twulanga hadi guluku i ladza kigira inze: kalunu nda vola likalaga kuvo.

Jeremia 44:30

Yahova a vola ndi, He nza, nda vika Farao Hofira mwami wa Egepeti mmakono ga vasigu veve, na mmakono ga yavo avenyanga mwoyo gwigwe; kuli wa nda vika Zedekia mwami wa Yuda mmukono gwa Nebukadirezaru mwami wa Babuloni, musigu wewe, wenyanga mwoyo gwigwe.

Jeremia 49:23

Ku Damasko. Hamathu li nyoye tsisoni, na Aripadi halala; kigira va huliye makuva madamano, va yinguki: ha veye neliverera linyingi ku inyanza; si i nyala kwehodzeridza.

Lisyoma lya Jeremia 1:3

Yuda u tsiye mu lyadikidzwa ki gira lidambidzwa, kandi kigira ubutugwa bunene; A menyanga hagati he tsihiri, si a veye nobwelemeridzi kali hakuzu: Ava mu dambidza vosi va mu nyolera ha lumbatania.

Lisyoma lya Jeremia 4:20

Miyika gya umolo getu, wa Yahova ya mu vaka maguta, ya gumirwa mu bogo bwavo; Wa kwa vola kuye, Ku la menya isi wekiriri kikye hagati hetsihiri.

Ezekieli 23:24

Va ladza ku ive nevyuma vyavo, namagari gobulwani, namagari geviju, nobunyingi bwavandu; va la lomba lihe ku ive, netsingavo, netsikuti na tsigudwa tsyobulwani, kukukumbiridza: na nda va ha likalaga navo va la ku kalagira kuli likalaga lyavo.

Habakuk 1:7

Va veye avokutihidza, avadamano ligali; likalaga lyavo, na ubukumi bwavo, vi twulanga muvo avene.

Livalidza 13:21

Kunangwa vanegira, ni va luta kivala kutwula mu kangalangwi kya Zin kuduka Rehobu, kuduka hokwingira Hamathu.

Joshua 13:5

nekivala kya Vagebali, na Lebanon hosi, ku luvega lwobutwuliru bweliuva, kutwula Baalgadi isi we kigulu kya Herimon kuduka ho kwingirira Hamathu;

Joshua 4:13

va duka kuli avandu tsielfu makumi gane, livalidzwa lya yavo vivika vyuma kwetegeka ku bulwani avambuka imbiri wa Yahova, vs tsie mbulwani, kuduka mkivala kyekereremu kya Yeriko.

Joshua 5:10

Na avana va Israeli vombaka mahema gavo ha Gilgali; na va lomba lilia lya lipasaka ku lidiku li kola likumi na gane gomweli, mgolova mu kivala kyekereremu kya Yeriko.

Vakalagi 3:3

navo navanene vatano va Vafilisiti, na Vaknnani vosi, na Vasidone, na Vahivi ava menya mkigulu kya Lebanon, kutwula mkigulu kya Baal-herimon, kuduka hokwingira ha Hamathu.