Jeremia 38:23 - KITABU KITAKATIFU

²³ Navo va la twulidza avakali vovo vosi navana vovo vosi kuha Vakalidei: na ive si u la hona ku makono gavo mba, na wtswa u la gumirwa nomukono gwomwami wa Babuloni: na u la kola lidala yili li sambwe nomuliru.

Jeremia 38:23 ပူးပေါင်းရင်းမြစ်များ

2 Avami 25:7

Na viita avana va Zedekia avayai imbiri wetsimoni tsitsye, na va hudula Zedekia tsimoni, nokumu mbika mmunyororo, ni va mu hila Babuloni.

Jeremia 21:10

Kigira mmali kuhenzidza mumoni mwange ku lidala yili kuleta ubudamano, si ga li kuleta ubulahi, Yahova a vola: li la vikwa mmukono gwomwami wa Babuloni, naye a la li samba nomuliru.

Jeremia 32:4

na Zedekia mwami wa Yuda si a la hona kutwula mmakono ga Vakalidei, navutswa ligali a la vikwa mmukono gwomwami wa Babuloni, na a la volerana naye munwa nomunwa, netsimoni tsitsye tsi la lola tsimoni tsitsye;

Jeremia 34:3

na ive si u la hona ku mukono gwigwe mba, navutswa u la gumirwa ligali, nokuvikwa mmukono gwigwe, na tsimoni tsitsye tsi la lola tsimoni tsyomwami wa Babuloni, naye a la volerana nive munwa nomunwa, na ive u la tsia Babuloni.

Jeremia 37:8

Na Vakalidei va ladza kandi, nokulwana nelidala yili; navo va la li vugula, nokulisamba nomuliru.

Jeremia 38:18

Naw tswa ive nu u va nu u sula kutwula kutsia ku vanene vomwami wa Babuloni, hene yaho lidala yili li la vikwa mmakono ga Vakalidei, navo va la li samba nomuliru, na ive si u la hona mmakono gavo mba.

Jeremia 38:24

Hene yaho Zedekia ya volera Jeremia, U ta leka mundu kali mulala a manye makuva yaga, na ive si u la kudza mba.

Jeremia 39:5

Navutswa lihe lya Vakalidei lya va londerera, na va nyola Zedekia mu vireremu vya Yeriko: na lwa va mu gumira va mu hila ku Nebukadirezaru mwami wa Babuloni wa li ha Ribila mu kivala kya Hamathu; naye ya mu kalagira.

Jeremia 39:6

Hene yaho mwami wa Babuloni yiita avana va Zedekia mu Ribila, imbiri wetsimoni tsitsye: kandi mwami wa Babuloni yiita avanene vosi va Yuda.

Jeremia 41:10

Hene yaho Ishmaeli ya hila avahambe avandu vosi va tigala ha Mizipa, kali avakana vomwami, navandu vosi va tigala ha Mizipa, ava uyu Nebuzaradan munyampara wavalindi ya li ni ya va vika mmakono gwa Gedalia mwana wa Ahikam; Ishmaeli mwana wa Nethania ya va hila vahambe, na ya twula ho kutsia ku avana va Amon.

Jeremia 6:12

Netsinyumba tsyavo tsi la va tsya vandu vandi, milimi gyavo navakali vavo halala; kigira nda nyira mukono gwa nge ku avandu vekivala, Yahova a vola.

Ezekieli 14:9

Kandi ni i va muprofeti uyu ya gadwa nokuvola likuva ku gosi Ninze, Yahova, wa gada muprofeti uyu, na nda nyira mukono gwange kuye, nokumudividza a twula hagati ha vandu vange Israeli.

Ezekieli 17:15

Navutswa yebaala kuye kigira ya hila avatumwa veve kutsia Egepeti, va duke kumuha tsiparasi, navandu vanyingi. A la gasidzwa? U yu u kolanga vindu kuli yivi a la hona? A lononnya lilagana, nokuhona?

Ezekieli 43:3

Na liloleka lilye lya li kuli liloleka lyamalola ga nda lola, amalola ga nda lola lwa ndadza kwononnya lidala; namalola ga li kuli lilola lya nda lola ahimbi nomugera gwa Kebari; na nda gwa hasi mammama.

Livalidza 4:18

Mu ta twulidza ihiri yobwiko bwa Vakohathu ku Valevi;