20 Navutswa Jeremia ya mu volera, Si va la ku haana mba. Nku goonya, mwadza, u hulire mwoyo gwa Yahova, mu yaga aga nku voleranga: ni ndiyo ga li va ubulahi ku ive, nomwoyo gugwo gu la hindira.
Na va vuka mabwebwe, ni va twula kutsia mu kyangalangwi kya Tekoa: na lwa va twula, Jehoshafatu ya singira, na a va volera, Mu mbulire, Yuda na vamenyi Yerusalemi: mu suuvire Yahova Nyasaye wenyu, na ndiyo mu la dinyeridzwa; mu suuvire vaprofeti veve, na ndiyo mu la gasidzwa.
Mu tegidze matu genyu, mudze ku inze; mu hulire, na myoyo gyenyu gyi la va mwoyo: na nda kola lilagana nemwinye li hongeranga mihiga nemihiga, nalyo li veye ubugasu bwa Daudi bu veye nobusuuvirifu.
lya nda laga avaguga venyu ku lidiku lya nda va leta kutwula mu kivala kya Egepeti, kutwula mu kisambiru kyekivya, nokuvavolera, Mu hulire mwoyo gwange, mu kole, kuleng'ana na yaga gosi aga mmu laganga: na ndiyo mu la va avandu vange, na inze nda va Nyasaye wenyu;
Navutswa si va hulira, kinga kutegidza amatu, navutswa va genda sa mulala mu bukyamu bwomwoyo gwigwe mudamano: kigira yaga nda leta kuvo makuva gosi gelilagana yili, lya nda va laga va kole, navutswa va vula kugakola.
Kunangwa kalunu mu lombe tsing'endo tsyenyu nelikola lyenyu, na mu hulire mwoyo gwa Yahova Nyasaye wenyu; na Yahova a leganira ku budamano bwa ya li na a voye ku mwinye.
navutswa nda va laga inkuva yiyi, ni mbola, Mu hulire mwoyo gwange, na nda va Nyasaye wenyu, na mwinye mu la va avandu vange: mu gende mu inzira yosi ya mmu laga, bu duke kuva bulahi ku mwinye.
Kunangwa, kigira yaga, O mwami, amakuva gange ga bugirike ku ive, u leke ubwoni bubwo mu likola bulungi, na ubudamano bubwo mu livera avadaka tsimbabasi; mbula ubuIahi bubwo bu la medeka.
Paulo ya vola, Nsaala Nyasaye, ni bu va bukekeke kinga ubunene, si a li ive weng'ine navutswa vosi ava mbulira lero, va ve kuli inze ligali, ni li ta li libofwa yili.
Kunangwa kigira ku manya litibwa lyo Mwami, ku girunkannya myoyo gyavandu, navutswa ku lang'aminyeywi ku Nyasaye; na inze nsuuvira ku lang'aminyeywi mu myoyo gyenyu kandi.