Jeremia 38:2 - KITABU KITAKATIFU

² Yahova a vola, Uyu u menyanga mu lidala yili a la kudza nekivavi, nenzala, nobulwaye; navutswa uyu u twulanga kutsia ku Vakalidei a la va mwoyo, na livamwoyo lilye li la va vilanye kuye, naye a la va mwoyo.

Jeremia 38:2 ပူးပေါင်းရင်းမြစ်များ

Jeremia 21:4

Yahova, Nyasaye wa Israeli, a ku volera, Henza, nda girunkannya vyuma vyobulwani vi veye mmakono genyu, vya mu lwaniranga nomwami wa Babuloni na Vakalidei ava mu kumbiridza kyova wa madigi getsingaga tsyenyu; nda va vungidza hagati helidala yili.

Jeremia 24:8

Na ku makuva gamakuyu madamano, aga ta libwa, ku liva lya ga veye madamano ligali; ligali Yahova a vola, Ni ndiyo ndi twulidza Zedekia mwami wa Yuda, navanene veve, nelitigala lya Yerusalemi, ava tigala mu kivala yiki, nava menyanga mu kivala kya Egepeti,

Jeremia 27:11

Navutswa ihiri i la vika ligoti lyavo isi wenira yomwami wa Babuloni, nokumutumekira, nda leka ihiri yiyi i menya mu kivala kyavo avene, Yahova a vola; navo va la ki lima, nokumenya mukyo.

Jeremia 27:13

Mu tsitsa mu likudza kigira ki, ive navandu vovo, ku kivavi, nenzala, nobulwaye, kuli Yahova ya vola ku makuva gehiri i la vula kutumekira mwami wa Babuloni?

Jeremia 29:16

kigira yaga Yahova a vola ku makuva gomwami uyu wikaye ku intebe yobwami ya Daudi, noku makuva gavandu vosi ava menya mu lidala yili, avamwavo venyu ava vula kuhilwa mbuhambe halala na mwinye;

Jeremia 29:18

Nda va londerera nekivavi, nenzala, nobulwaye, nda va twulidza va sigiswe yiyi neyiyi mu bwami bwosi bwelirova, va duke kuva lilaamwa, neligenyerwa, nelikunukirwa, nelinyegwa, mu tsihiri yitsyo tsyosi tsya nda va hila mu;

Jeremia 34:17

Kigira yaga Yahova a vola: Mwinye si mu huliye inze mba, kulandidzanira makuva gelibohololwa, mundu sa mulala namwavo wewe, na sa mulala nowakye: henza, inze nandidzira mwinye amakuva gelibohololwa, Yahova a vola, li veye libohololwa lyekivavi, nobulwaye, nenzala; na nda kola mwinye ku sigiswa yiyi neyiyi mu bwami bwosi bwomu lirova.

Jeremia 39:18

Kigira inze ligali nda honnya ive, na ive u la vula kugwa ku kivavi, navutswa livamwoyo lilyo u la va nalyo kuva kilanye ku ive: kigira wa suuvira inze, Yahova a vola.

Jeremia 42:17

Ni ndiyo ga li va ku avandu yavo vosi ava li henzidza mmoni mwavo kutsia Egepeti kumenya yo; va la kudza nekivavi, nenzala, nobulwaye; si ha veye nomundu kali mulala kuvo u li tigala king kuhona ku budamano bwa ndi leta kuvo.

Jeremia 42:22

Kalunu kigira yaga mu manye ligali mu la kudza nekivavi, nenzala, nobulwaye, ha mwenya kutsia kumenya.

Jeremia 44:13

Kigira nda va ha mageli yavo ava menyanga mu kivala kya Egepeti, kuli nda ha Yerusalemi mageli, nekivavi, nenzala, nobulwaye;

Jeremia 45:5

Na ive weyenyeranga mwene vindu vinene? U ta vyenya mba; kigira, henza, nda leta buda mano ku mibiri gyosi, Yahova a vola; navutswa nda ku ha livamwoyo lilyo li ve vilanye ku ive hosi ha u tsitsanga.

Ezekieli 14:21

Kigira Mwami Nyasaye a vola ndi: Ga la va kuvita kuli ndi lwa ndeta gokukalaga gange gane yaga bululu ku Yerusalemi, kivavi, nenzala, netsinyama tsindamano, nobulwaye, kuduka kutwulidza ku kivala avandu nemitugu

Ezekieli 6:11

Mwami Nyasaye a vola: Kong'onda nomukono gugwo, kandi duya hasi nekirenge kikyo, u vole, O bayaye kigira kivihiri kidamano kyosi kyenyumba ya Israeli: kigira va la gwa ku kivavi, nenzala, nobulwaye.

Ezekieli 7:15

Kivavi ki veye kyova, nobulwaye nenzala vi veye mugati: u veye kyova mu mulimi a la kudza nekivavi; na u veye mu lidala, inzala nobulwaye bu la mu lia.