Jeremia 38:18 - KITABU KITAKATIFU

¹⁸ Naw tswa ive nu u va nu u sula kutwula kutsia ku vanene vomwami wa Babuloni, hene yaho lidala yili li la vikwa mmakono ga Vakalidei, navo va la li samba nomuliru, na ive si u la hona mmakono gavo mba.

Jeremia 38:18 ပူးပေါင်းရင်းမြစ်များ

2 Avami 24:12

na Jehoiakin mwami wa Yuda ya twula kutsia ku mwami wa Babuloni, uyu, na mama wewe, navatumekiri veve, navanene vavandu veve, navanya mpara veve: nomwami wa Babuloni ya mu gumira muhambe, mu muhiga gwa kola gyitano negyivaka gwelya meha lilye.

Jeremia 21:10

Kigira mmali kuhenzidza mumoni mwange ku lidala yili kuleta ubudamano, si ga li kuleta ubulahi, Yahova a vola: li la vikwa mmukono gwomwami wa Babuloni, naye a la li samba nomuliru.

Jeremia 27:8

Na ga la duka, ihiri yeyo nobwami yibwo bu sula kutumekira mwami Nebukadinezaru wa Babuloni, yavo ava sula kuvika magoti gavo isi wenira yomwami Nebukadinezaru, ihiri yiyi, Yahova a vola, nda gi ha mageli, nekivavi, nenzala, nobulwaye, kuduka lwa mmala kuvadividza nomukono gwigwe.

Jeremia 37:8

Na Vakalidei va ladza kandi, nokulwana nelidala yili; navo va la li vugula, nokulisamba nomuliru.

Jeremia 38:23

Navo va la twulidza avakali vovo vosi navana vovo vosi kuha Vakalidei: na ive si u la hona ku makono gavo mba, na wtswa u la gumirwa nomukono gwomwami wa Babuloni: na u la kola lidala yili li sambwe nomuliru.

Jeremia 38:3

Yahova a vola, Lidala yili li la vikwa mu makono gelihe lyomwami wa Babuloni ligali, naye a la li vugula.

Jeremia 39:3

avanene vosi avomwami wa Babuloni vingira mugati, na vikala mu kiribwa kya hagati, navo ni yava, Nerigalisharezeru, na Samgarinebo, na Sarisekim, na Rabisarisi, na Nerigalisharezeru, Rabimagu, halala navanene vo mwami wa Babuloni ava tigala.

Jeremia 39:8

Avakalidei va samba inyumba yomwami, halala netsinyumba tsyavandu, nomuliru, na va sasugula madigi ga Yerusalemi.

Ezekieli 12:13

Nda vika muluvo gwange kuye, na a la hambwa mu mutego gwange; na nda mu hila Babuloni kuduka mu kivala kya Vakalidei; navutswa kandi si a la ki lola mba, kali na a kudzira yo.

Ezekieli 17:15

Navutswa yebaala kuye kigira ya hila avatumwa veve kutsia Egepeti, va duke kumuha tsiparasi, navandu vanyingi. A la gasidzwa? U yu u kolanga vindu kuli yivi a la hona? A lononnya lilagana, nokuhona?