Jeremia 37:3 - KITABU KITAKATIFU

³ Na mwami Zedekia ya tuma Jehukali mwana wa Shelemia, na Zefania mwana wa Maaseia, musalisi va tsie ku Jeremia muprofeti, kuvola U ku saalire kalunu ku Yahova Nyasaye wetu.

Jeremia 37:3 ပူးပေါင်းရင်းမြစ်များ

1 Avami 13:6

Na mwami ya tivula na a volera mundu wa Nyasaye, Kalunu u goonye Yahova Nyasaye wowo, u saalire inze, nduke kwiranyirwa mukono gwange kandi. Na mundu wa Nyasaye ya goonya Yahova, na mukono gwomwami gwi ranywa kandi, ni gu va kuli gwa li ku matsyambiri.

Kutwula 10:17

Kunangwa kalunu, mwadza, mu samehe ubwoni bwange inyinga indala vutswa, mu saale Yahova Nyasaye wenyu, a twulidze ku inze likudza yili lyeng'ine.

Kutwula 8:28

Na Farao ya vola, Nda mu ha munwa kutsia kulombera Yahova Nyasaye wenyu isadaka mwigendinyama; navutswa si mu la tsia ihale mba: mu nsaalire.

Kutwula 8:8

Hene yaho Farao ya langa Musa na Haruni, na a vola, Mu saale Yahova, a twulidze makere ku inze, noku avandu vange; na nda lakula avandu va tsie kulombera Yahova isadaka.

Kutwula 9:28

Mu saale Yahova; kigira lihirigana linene na imbula yamagina vi duki; na inze nda mu lakula mu tsie, na si mu la lindagira mba.

Jeremia 15:11

Yahova ya vola, Ligali nda ku vika tsingulu mu ubulahi; ligali nda niga musigu a saave ive inyinga yobudamano nomu inyinga yekivi.

Jeremia 2:27

yavo ava voleranga kitinya kyomusala, Ive u veye dada wange; nokuvolera ligina, Ni ive wa nzivula: kigira va nkupi migongo gyavo, si va viki mmoni mwavo ku inze mba; navutswa ku inyinga yekivi kyavo va la vola, Vuka, u ku honnye.

Jeremia 29:21

Yahova wa mahe, Nyasaye wa Israeli, a vola ndi, ku makuva ga Ahabu mwana wa Kolaia, noku makuva ga Zedekia mwana wa Maaseia, ava profetera mwinye ububehi mu lieta lyange: Henza, nda va vika mmukono gwa Nebukadirezaru mwami wa Babuloni; naye a la viitira imbiri wetsimoni tsyenyu;

Jeremia 29:25

Yahova wa mahe, Nyasaye wa Israeli, a vola ndi kukuvolera, Kigira ive wa hila tsibaruwa ku avandu vosi ava Yerusalemi, noku Zefania mwana wa Maaseia, musalisi, noku vasalisi vosi, mu lieta lilyo, kuvavolera

Jeremia 37:17

hene yaho Zedekia mwami ya tuma avandu, va tsia kumuleta: nomwami ya mu teva makiriri mu inyumba yeye, na a vola, Li veye ho likuva li twula ku Yahova? Na Jeremia ya vola, Li veye ho. Kandi ya vola, Ive u la vikwa mmukono gwomwami wa Babuloni.

Jeremia 37:7

Yahova, Nyasaye wa Israeli a vola: Mwinye mu la volera mwami wa Yuda, wa mu tuma kuduka ku inze kuteva makuva yaga: Henza, lihe lya Farao, li twulanga li duka ku konya mwinye li lirana Egepeti mu kivala kyavo avene.

Jeremia 38:1

Na Shefatia mwana wa Matan, na Gedalia mwana wa Pashuri, na Jukali mwana wa Shelemia, na Pashuri mwana wa Malikija, va hulira makuva ga Jeremia ya volera avandu vosi, lwa ya vola,

Jeremia 42:1

Hene yaho avanyampara vosi velihe, na Johanan mwana wa Karea, na Jezania mwana wa Hoshaia, navandu vosi kutwula ku mukekeke kuduka ku munene, visunda himbi,

Jeremia 42:20

Kigira mu koli ubugadi ku mwinye avene; kigira mwa tuma inze ntsie ku Yahova, Nyasave wenyu, ni mu vola, U ku saavire ku Yahova Nyasaye wetu; na u ku vuulire kuli gosi ga Yahova Nyasaye wetu a vola, na kwinye ku la kola ga zana.

Jeremia 52:24

Na munyampara wavalindi ya hila Seraia musalisi munene, na Zefania musalisi wa kaviri, navalindi vekiribwa vavaka:

Livalidza 21:7

Na avandu va tsia ku Musa, nokuvola, Ku koli ubwoni, kigira ku hing'ani na Yahova, na ive; u saale Yahova a twulidze tsinzoka ku kwinye. Na Musa ya saalira avandu.

Vikolwa 8:24

Simoni ya tivula na a vola, Mu nsaalire mwinye ku Mwami, vindu yi vi vya mu vola vi ta duka ku inze.

1 Samweli 12:19

Navandu vosi va volera Samweli, U saalire kwinye avatumekiri vovo ku Yahova Nyasaye wowo, ku vule kukudza; kigira ku medi ku bwoni bwetu bwosi, ubudamano yibu, bwokweyenyera kwinye avane, umwami.