Jeremia 37:21 - KITABU KITAKATIFU

²¹ Hene yaho mwami Zedekia ya laga, navo va vika Jeremia mmugidzi gwavalindi: na va mu ha lidiku sa lilala ubukima imango indala ya twula ku valugi, kuduka ubukima bwosi bwa fwa mu lidala. Ni ndiyo Jeremia ya menya mmugidzi gwavalindi.

Jeremia 37:21 ပူးပေါင်းရင်းမြစ်များ

2 Avami 25:3

Noku lidiku lya kola gatano na gane lyomweli gwa kane, inzala ya li inene ligali mu lidala zana, kuduka vyokulia vya vula ku vandu vekivala.

Ayubu 5:20

Inyinga y enzala a la ku tungira u twule ku likudza; Noku bulwani a la ku tungira u twule ku tsingulu tsyekivavi.

Zaburi 37:19

Si va la va isoni mmadiku madamano; Na mu madiku genzala va liguta.

Zaburi 37:3

U suuvire Yahova, na u kole bu lahi; U menye mu kivala, na u lie ubusuuvirifu bwibwe.

Tsing'ano 16:7

Tsinzira tsyomundu ni tsi yanzidza Yahova A kolanga kali avasigu veve kuva nemirembe kuye.

Tsing'ano 21:1

Mwoyo gwomwami gu veye mmukono gwa Yahova kuli migera: A gu girunkannyanga hosi ha yenya.

Isaya 33:16

uyu a la menya igulu; hokuhonera hehe ha la va tsimpinga tsyomulwanda; a la hebwa vyokulia vivye; amadzi gege si ga la vula kuva ho.

Jeremia 20:2

Ma Pashuri ya kuya Jeremia muprofeti, na a mu boha mu mikatale gya li ha zana mu kiribwa kyeluhya kya Benjamini, kya li mu inyumba ya Yahova.

Jeremia 32:2

Inyinga yeyo lihe lyomwami wa Babuloni lya kumbiridza Yerusalemi; na Jeremia mprofeti ya li muhambe mmugidzi gwa valindi, gwa li mu inyumba yomwami wa Yuda.

Jeremia 32:8

Ma Hanameli musiara wange yadza ku inze mmugidzi gwavalindi kuli likuva lya Yahova, na ya mbolera, Mwadza, gula mulimi gwange gu veye ha Anathothu, li veye mu kivala kya Benjamini; kigira li dukana lyemiyandu ni lilyo, neligula ni lilyo; wegulire ive mwene. Hene yaho nda manya yili lya li likuva lya Yahova.

Jeremia 33:1

Kandi likuva lya Yahova lya duka ku Jeremia hali kaviri lwa ya li na a kikiri mu libofwa mu mugidzi gwa valifidi, kuvola,

Jeremia 38:13

Kunangwa va twulidza Jeremia nemigoye, ni va mu vika kyova wobogo: na Jeremia ya menya mmugidzi gwavalindi.

Jeremia 38:28

Ma Jeremia ya menya mu mugidzi gwavalindi kuduka ku lidiku lya Yerusalemi lya vugulwa. Na ga duka lwa Yerusalemi ya.

Jeremia 38:6

Ma va gumira Jeremia, ni va mu ta mbogo bwa Malikija mwana womwami, bwa li mu mugidzi gwavalindi: na vikidza Jeremia nemigoye. Si ha li na madzi mbogo zana navutswa budohi; na Jeremia ya sikira mu budohi.

Jeremia 38:9

O munene wange mwami, avandu yava va koli budamano ku vindu yivi vyosi vya va kolera muprofeti Jeremia, wa va teye mbogo; naye namusia a la kudzira ha a veye zana, kigira inzala: kigira si ha veye nobukima mu lidala mba.

Jeremia 52:6

Mu mweli gwa gyine, ku lidiku lya gatano na gane gyomweli, inzala ya kira ligali mu lidala, kuduka ubukima ni bu vula kuva ho ku avandu vekivala.

Lisyoma lya Jeremia 5:10

Ligodo lyetu li veye limwamu kuli amahiga Kigira uluya lwenzala lu sambanga.

Matayo 6:33

Navutswa mu tange kwenya ubwami bwibwe, nobu lungi bwibwe; na yivi vyosi mu la dasirwa.

Vikolwa 12:5

Kunangwa Petro Ya lindwa mu inyumba yavahambe: navutswa livugana lya saala Nyasaye netsingulu kigira iye.

Vikolwa 24:27

Navutswa lwa gya vita imihiga gyiviri Porikio Festo ya hila ubwami bwa Felike; na Felike kigira yenya kukolera Avayuda kindu kya va mu yanzira, ya leka Paulo mu libofwa.

Vikolwa 28:16

Lwa kwa duka Romi, munyampara ya vika avahambi mu mukono gwomunene wavalindi: navutswa Paulo ya hebwa munwa kumenya yeng'ine nomusikari wa mu linda.

Vikolwa 28:30

Kandi ya menya mihiga gyiviri mu inyumba ya ya tunga mwene, ni yingiridza vosi avingira ha ya li,

Vafeso 4:1

Kunangwa, inze muhambe mu Mwami, mmu goonya mu gende kuli ga mu dukira mu lilangwa lyenyu lya mwa langwa,

Vafeso 6:20

ya mbeye mutumwa wayo mu libofwa neminyororo, nduke kuvola mu nobuluviriri kuli ga ndukira kuvola.

2 Timoteo 1:8

U ta va netsisoni ku lilolekidza lyo Mwami wetu, kandi u ta va netsisoni ku inze muhambe wewe: navutswa wikudzire mu kivi halala nevangeli kuli tsingulu tsya Nyasaye,

2 Timoteo 2:9

ya nda nyolera mu ubusaliri kuduka libofwa, kuli mukoli wobudamano, navutswa likuva lya Nyasaye si li bofwa mba.