Jeremia 37:18 - KITABU KITAKATIFU

¹⁸ Na Jeremia ya volera mwami Zedekia, na a rola, Inze nkoli ubwoni ki ku ive, naho ku vatumwa vovo, naho ku avandu yava, kuduka ni mu mbika mu buhambe?

Jeremia 37:18 ပူးပေါင်းရင်းမြစ်များ

Litanga 31:36

Na Yakobo ya vihirirwa, na a lembana na Labani: na Yakobo ya tivula na a volera Labani, Lihyola lyange li veye ki? Ubwoni bwange bu veye ikindu ki, kuduka ive u nondereye nobutima?

Tsing'ano 17:13

Ku vosi uyu u tunga ubudamano mbugono bwobulahi, Ubudamano si bu la twula mu inyumba yeye.

Tsing'ano 17:26

Kandi kuha mulungi amageli si bu veye bulahi, Kandi si bu veye bulahi kukuya avagoosi kigira ubulungi bwavo.

Jeremia 26:19

Hezekia mwami wa Yuda na Yuda vosi viita uyu Mika? Hezekia si ya tia Yahova, nokusaala tsimbabasi tsya Yahova na Yahova yeganira ku budamano bwa ya li na a voye kuvo? Na ndiyo ku va kuiiii Jeremia nkano ku koli ubudamano ubunene ku myoyo gyetu avene.

Danyeli 6:22

Nyasaye wange u tumi ingelosi wewe, u hani minwa gyeving'ang'a, na vi vuli kundira; kigira ndolekanga imbiri wewe bugira kindu; kandi imbiri wowo, O mwami, si nzoni kindu kali kilala.

Yohana 10:32

Yesu ya va tivulira, Miyinzi milahi minyingi mmu mannya gyi twulanga ku Dada; ku miyinzi yigyo ni gu li ha gwa mu ndasira magina?

Vikolwa 23:1

Ma Paulo yumika kyina na a vola, Avamitu, ng'endi imbiri wa Nyasaye nomwoyo mulahi kuduka lero.

Vikolwa 24:16

Ku yaga nzidinyiridza kazozo nduke kuva nomwoyo gu ta li nekindu kidamano imbiri wa Nyasaye kandi imbiri wavandu.

Vikolwa 25:11

Ni mba ni ndona, kinga ni nkola kindu kya nduka kwiitwa, si nda sula kukudza; naw tswa vindu yivi vya va nzalira ni va ta li vyeligali, si ha veye nomundu u nyala kumbika mu makono gavo. Nzanira ku Kaisari.

Vikolwa 25:25

Navutswa inze nda lola si ya kola kindu kali kilala kya a duka kwiitirwa: kandi kigira mwene yanira mwami munene, inze nda saavira kumuhila.

Vikolwa 25:8

kandi Paulo ya tivula, Si nzononnya lilaga lya Vayuda, kali litempeli, kali mu nwa gwa Kaisari.

Vikolwa 26:31

lwa va twula va volerana ni va vola, Mundu uyu si a veye nekindu ki duka a kudze kinga a bofwe.

Vagalatia 4:16

Kunangwa mbeye musigu wenyu, kigira nda mu volera ageligali?