Jeremia 37:13 - KITABU KITAKATIFU

¹³ Na lwa ya li ha kiribwa kya Benjamini, munyampara mulala ya li ho, welilinda, wa langwa lieta lilye Irija, ya li mwana wa Shelemia, mwana wa Hanania; naye ya gumira muprofeti Jeremia, nokumuvolera, Ive u tsitsanga kwivika ku Vakalidei.

Jeremia 37:13 ပူးပေါင်းရင်းမြစ်များ

Jeremia 18:18

Hene yaho va vola, Genda, ku tsie kusaavira lisaava ku Jeremia; kigira lilaga yili si li la vula kuva ku musalisi; kandi amakuva si ga la vula kuva ku vageeri, kinga livola ku mprofeti. Hamba, ku mu kuye netsinimi tsyetu, ku vule kuvika amakuva gege kali lilala mu myoyo.

Jeremia 20:10

Kigira mbuiiye linyega lyavandu vanyingi, litihidza li nkumbiridzi. Avalina vange vosi ava veye ahimbi, yavo ava lindiriranga ubuleema bwange, va vola, Yale, na kwinye ku la mu yala. Namusia a la goonyeka, na ku la mu guuta, na ku la vanza kisalya kyetu kuye.

Jeremia 20:2

Ma Pashuri ya kuya Jeremia muprofeti, na a mu boha mu mikatale gya li ha zana mu kiribwa kyeluhya kya Benjamini, kya li mu inyumba ya Yahova.

Jeremia 21:9

Uyu u menya mu lidala yili a la kudza nekivavi, nenzala nobulwaye; navutswa uyu u twula nokwivika ku Vakalidei ava kumbiridza mwinye, a la hona, nelivamwoyo lilye li la va kilanye kuye.

Jeremia 27:6

Na kalunu vivala yivi vyosi mmali kuvivika mmukono gwa Nebukadinezaru mwami wa Babuloni, mutumekiri wange; netsinyama tsyomwigendenyama, mmali kuha uyu tsi mu tumekire.

Jeremia 28:14

Kigira Yahova wa mahe, Nyasaye wa Israeli a vola ndi: Inze mbiki inira yekivya ku magoti getsihiri yitsi tsyosi, va duke kutumekira Nebukadinezaru mwami wa Babuloni; va la mu tumekira kandi nda mu ha tsinyama tsyombulimu.

Jeremia 36:12

yika nokwingira mu inyumba yomwami, yingira mu inyumba yomung'odi: henza, avanene vosi vikala ho, navo ni yava, Elishama mung'odi, na Delaia mwana wa Shemaia na Elinathan mwana wa Akibor;, na Gemaria mwana wa Shafan, na Zedekia mwana wa Hanania, navanene vosi.

Jeremia 38:1

Na Shefatia mwana wa Matan, na Gedalia mwana wa Pashuri, na Jukali mwana wa Shelemia, na Pashuri mwana wa Malikija, va hulira makuva ga Jeremia ya volera avandu vosi, lwa ya vola,

Jeremia 38:4

Hene yaho avanene va volera mwami, mwadza, leka mundu uyu yiitwe; kigira a vikanga budedekere ku makono gavandu velihe ava tigala mu lidala yili, noku makono gavandu vosi, ku livola lya a va voleranga makuva kuli yaga; kigira mundu uyu si a saaviranga avandu yava ubulahi mba, navutswa a va saaviranya kivi.

Jeremia 38:7

Ma Ebedi-meleku Muethiopia kitsiri, wa li mu inyumba yomwami lwa ya hulira va viki Jeremia mbogo (nomwami inyinga yeyo ya li ni yikaye mu kiribwa kya Benjamini),

Lisyoma lya Jeremia 4:18

Va himanga tsinduvatiru tsyetu, si ku nyala kugenda ku sinzira tsyetu: Kiheri kyetu ki veye himbi, amadiku getu ga dukidzi livalidza lyago; kigira kiheri kyetu ki duki.

Amosi 7:10

Kunangwa Amazia musalisi wa Beth-eli ya tuma avandu ku Jeroboam mwami wa Israeli, na a vola, Amosi u ku koleye tsimbemba hagati ha inyumba ya Israeli: na kivala si ki nyala kuginga makuva gege gosi.

Zekaria 14:10

Na kivala kyosi ki la girunkannya kuli kivala kereremu, kutwula Geba kuduka Rimon ku luvega lwa kusini wa Yerusalemi; na li la gingwa igulu, nokumenya habugono halyo, kutwula ku kiribwa kya Benjamini kuduka ku kiribwa kyokutanga, kuduka ku kiribwa kyolwiga, nokutwula ku kitaradzi kya Hananeli kuduka ku vyokumina iwaini vyomwami.

Luka 23:2

Va tanga kumuyala, ni va vola, Kwa nyola mundu uyu na a girunkannya ihiri yetu, na a vambaka nnya kutunga Kaisari ubushutu, na a vola, mwene a veye Kristo, mwami.

Vikolwa 24:13

Kandi si va nyala kulungikidza ku ive amakuva ga va nzalira.

Vikolwa 6:11

Ku, va leta avandu galaha ava vola, Kwa li ku hulira uyu na a vola amakuva gokunyega Musa na Nyasaye.

2 Vakorintho 6:8

ku bukumi, kandi ku livula kuva nobukumi, ku liginwa nokulidzominywa: kuli avagadi navutswa aveligali: