Jeremia 37:10 - KITABU KITAKATIFU

¹⁰ Kigira kali ni mwa kuya lihe lyosi lya Vakalidei li lwananga na mwinye, va tigala hagati havo avandu ava tumitwa veng'ine, kali nkano va ka wka, vosi sa mulala mu lihema lilye, nokusamba lidala yili nomuliru.

Jeremia 37:10 ပူးပေါင်းရင်းမြစ်များ

Isaya 10:4

Bugira inze va linama isi wa vahambe, nokugwa isi wa yavo aviitwa. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 13:15

Sa mulala u li nyoleka a la todzwa; na sa mulala u li gumirwa a la gwa ku kivavi.

Isaya 14:19

Navutswa ive u tebeywi kyova ihale nekilindwa kikyo kuli lusya lwokuvihiriridza, wa vikwa yavo aviitwa, yavo avatumitwa nekivavi, yavo avikanga mu magina gombogo; kuli mubiri mukudzu gwa duvagirwa hasi nevirenge.

Isaya 30:17

Ava elfu indala va liruka ku ligondoka lyomulala; ku ligondoka lya vatano mu liruka: kuduka mu la lekwa kuva kuli kilolero ku isonga yekigulu, na kuli ibendera ku kigulu.

Jeremia 21:10

Kigira mmali kuhenzidza mumoni mwange ku lidala yili kuleta ubudamano, si ga li kuleta ubulahi, Yahova a vola: li la vikwa mmukono gwomwami wa Babuloni, naye a la li samba nomuliru.

Jeremia 32:29

na Vakalidei, ava lwananga nelidala yili, va ladza nokuvika muliru ku lidala yili, nokulisamba, halala netsinyumba tsyalyo, tsya va vuyidzira Baal vimuli ku visegesi vyatsyo, nokutsuka vihaanwa vyevyokunwa ku vanyasaye vandi, kuduka ku mbihiriridza.

Jeremia 37:11

Na ga duka, lwa lihe lya Vakalidei lya sambula kutwula Yerusalemi kigira va tia lihe lya Farao,

Jeremia 37:8

Na Vakalidei va ladza kandi, nokulwana nelidala yili; navo va la li vugula, nokulisamba nomuliru.

Jeremia 49:20

Kigira yaga mu hulire livola lya Yahova, lya ya kola ku Edom; nelisaavira lilye, lya a saaviye ku vamenyanga ha Teman: Ligali va la va twulidza nelikwesa, kali avakekeke vekyayo; ligali a la kola ubumenyo bwavo kuva vyanyi kuvo.

Jeremia 50:45

Kunangwa mu hulire livola lya Yahova, lya ya kola ku Babuloni, nelisaavira lilye lya ya saavira ku kivala kya Vakalidei: Lioali va la va kwesa va tsie navo, kali avakekeke vekyayo; ligali a la kola ubumenyo bwavo kuva vyanyi kuvo.

Jeremia 51:4

Navo va la gwa ni va kudzi mu kivala kya Vaka lidei, nokutumitwa mmahasi gakyo.

Lisyoma lya Jeremia 1:15

Yahova u tung'aminyi avaluviriri vange vosi hagati hange; U langi livugana ku inze kushonolonnya vasoleli vange: Yahova u duvagi mukana mugima wa Yuda kuli va duvaganga mu kyokumina iwaini.

Joeli 2:11

Na Yahova a vola nomwoyo gwigwe imbiri welihe lilye; kigira hokusosa hehe na hanene; kigira a veye netsingulu u kolanga likuva lilye; kigira lidiku lya Yahova li veye linene nelyokutihidza; ibwaha u nyala kwikudzera kulyo?