Jeremia 36:9 - KITABU KITAKATIFU

⁹ Na ga duka mu muhiga gwa kola gyitano gwa Jehoiakim mwana wa Josia, mwami wa Yuda, ku mweli gwegyitano na gyine, avandu vosi ava Yerusalemi na vosi ava twula mmadala ga Yuda kuduka Yerusalemi va landidza lihonga lilia imbiri wa Yahova.

Jeremia 36:9 ပူးပေါင်းရင်းမြစ်များ

2 Kyetsinyinga 20:3

Jehoshafatu ya tia, ni yevika mu lyenya ku Yahova; ya landidza lilaga lyelihonga lilia mu Yuda mwosi.

Nehemia 9:1

Kunangwa ku lidiku lya makumi gaviri na gane lyomweli zana avana va Israeli va vugana halala nokuhonga lilia, na vivika tsingubo tsyamagunia, nokwevaka ubudohi.

Esther 4:16

Tsia, u vungidze Avayuda vosi ava veye ha Shushan, mu honge lilia kigira inze, mu vule kulia kinga kunwa kuduka madiku gavaka, ubudiku kinga mbasu: na inze navatugwa vange ku la honga lilia ndiyo; na ndiyo ndingira ku mwami, i veye inkuva i ta li kuli malago: ni mba ni ndiva, ndive.

Jeremia 36:1

Na ga duka ku muhiga gwa gyine gwelyameha lya Jehoiakim mwana wa Josia, mwami wa Yuda, likuva yili lya duka ku Jeremia kutwula ku Yahova, kuvola,

Jeremia 36:22

Ma mwami ya li ni yikaye mu inyumba i tumekirangwa inyinga yobukindu, gwa li mweli gwegyitano na gyine: ha zana ha li nomuliru gwokwaaka ku mahiga imbiri wewe.

Jeremia 36:6

kunangwa ive u tsie, u some mu lilinga zana, lya wa ng'oda kutwula munwa gwange, u some makuva ga Yahova mu amatu gavandu mu inyumba ya Yahova ku lidiku lyelihonga lilya; kandi u la ga soma mmatu ga Yuda gosi, vosi ava twula mu madala gavo.

Joeli 1:13

Mwebohe na magunia, mu syome mwinye avasalisi; mu kupe tsikwili, mwinye ava tumikanga ku bwali; mudze, mu gone ubudiku bwosi mu magunia, mwinye avatumekiri va Nyasaye wange: kigira kihaanwa kyobusie na kihaanwa kyokunwa vigaliywi vi ta va mu inyumba ya Nyasaye wenyu.

Joeli 1:14

Mu takase lihonga lilia, mu lange livugana litakatifu, mu vungidze avasakulu, na vosi avamenya mu kivala, va vunge mu inyumba ya Yahova Nyasaye wenyu, mwanire Yahova.

Kyavalevi 23:27

Navutswa ku lidiku lyelikumi lyomweli yigu gwegyitano na gyiviri, li veye lidiku lyokulomba kyokukunika ubwoni: li la va livugana litakatifu ku mwinye, na mu levika mu kivi; na mu la letera Yahova kihaanwa kyokulombwa nomuliru.

Jona 3:5

Na avandu va Nineve va suuvira Nyasaye; ni va landidza lilaga, Lihonga lilia li ve, na vivika magunia, kutwula ku munene kuduka ku mukekeke kuvo.

Zekaria 8:19

Yahova wa mahe a vola: Lihonga lilia lyomueli gwe gyine nelihonga lilia mu mweli gwe gyitano, nomu mweli gwe gyitano na gyiviri, nomu mweli gwelikumi, ga la va ubuyanzi nobusangali bwenyumba ya Yuda, na malia gokuleminya mwoyo; kigira yaga mu yanza geligali nemire mbe.

Vakalagi 20:26

Hene yaho avana va Israeli vosi, navandu vosi, vanegira, na va tsia Beth-eli, nokulira, na vikala ho imbiri wa Yahova, na va honga lilia lidiku yilyo kuduka mgolova; na va haana vihaanwa vyokusambwa, nevihaanwa vyemirembe imbiri wa Yahova.

1 Samweli 7:6

Ma va vugana halala ha Mizipa, na va daha madzi, ni va ga tsuka hasi imbiri wa Yahova, navo va honga lilia lidiku yilyo, na va vola ha zana amakura yaga, Kwinye ku koleye Yahova ubwoni. Na uyu Samweli ya kalagira avana va Israeli mu Mizipa.