Jeremia 36:7 - KITABU KITAKATIFU

⁷ Namusia va la leta lisaala lyavo imbiri wa Yahova nokwirana sa mulala kuleka inzira yeye indamano: kigira livihirirwa nobutima bwa Yahova bu veye bunene ligali, bwa ya vola ku avandu yava.

Jeremia 36:7 ပူးပေါင်းရင်းမြစ်များ

2 Avami 22:13

Mu tsie, mu ntevere kandi avandu, kandi Yuda vosi, ku Yahova, ku makuva gekitabu yiki ki nyoleka; kigira ubutima bwa Yahova bu veye ubunene bwa ya ku vihirirwa, kigira vaguga vetu si va huliye kulonda makuva gekitabu yiki, kukola kuli gosi ga ng'odwa ku kwinye.

2 Avami 22:17

Kigira va leka inze, na va vuyidza vimuli ku vanyasaye vandi, va duke kumbihiriridza nemiyinzi gyosi gyamakono gavo; kigira yaga ubutima bwange bu laaka hano, nabwo si bu la siminywa mba.

2 Kyetsinyinga 34:21

Mu tsie, kuntevera Yahova, inze na vatigala vosi va Israeli na Yuda, ku makuva gekitabu kya nyoleka; kigira ubutima bwa Yahova bwa tsukwa ku kwinye bu veye bunene, kigira avaguga vetu va vula kugu mira likuva lya Yahova, kuduka kukola gosi ga ng'odwa mu kitabu yiki.

Jeremia 1:3

Kandi ga duka kuye mu amadiku gelyameha lya Jehoiakim mwana wa Josia, mwami wa Yuda kuduka ku kiheri kyomuhiga gwelikumi na mulala gwelyameha lya Zedekia, mwana wa Josia, mwami wa Yuda, kuduka lihilwa lya Yerusalemi mbuhambe mu mweli gwegitano.

Jeremia 16:10

Kandi ga la duka, lwa u mannya avandu yava makuva yaga gosi, navo ni va ku teva, Yahova ya vola ubudamano yibu bunene ku kwinye kigira ki? Budamano bwetu bu veye ki? Na bwoni bwetu bwa kwa kolera Yahova Nyasaye wetu bu veye ki?

Jeremia 19:15

Yahova wa mahe, Nyasaye wa Israeli, a vola Henza, nda leta ku lidala yili noku tudala twalyo twosi ubudamano yibu bwosi ubwa nda vola kulyo; kigira va kola magoti gavo kuva madinyu, va vule kuhulira makuva gange.

Jeremia 21:5

Na inze mwene nda lwana na mw inye nomukono gwa nyirwa nomukono gwetsingulu, mu livihirirwa, nomu bululu, nomu butima bunene.

Jeremia 25:5

kuvola, Mwirane kalunu sa mulala a leke inzira yeye indamano, mu leke ubudamano bwelikola lyenyu, mu menye mu kivala yiki kya Yahova ya ha mwinye navaguga venyu, kutwula ku madiku ga kale nokutsitsagil'la madiku gosi;

Jeremia 26:3

Namasia va la hulira nokweganira sa mulala kuleka inzira yeye indamano; inze nduke kweganira ku madamano aga nsaavira kuvakolera kigira budamano bwelikola lyavo.

Jeremia 36:3

Namusia inyumba ya Yuda i la hulira makuva gobudamano yibu bwosi bwa nda saavira kuvakolera; va duka kwirana sa mulala kuleka inzira yeye indamano, nduke kuvasameha ubudamano bwavo nobwoni bwavo.

Jeremia 37:20

Kalunu, mwadza, u hulire, O munene wange mwami: u bugirire lisaala lyange, li bugirirwe imbiri wowo; nku saala, u ta nniga kwirana mu inyumba ya Jonathan mung'odi, gase nda kudzira yo.

Jeremia 4:4

Mwekevere ku Yahova, mu twulidze magodo gemyoyo gyenyu, mwi nye avasatsa va Yuda, navamenyi Yerusalemi; gase ubutima bwange kuli muliru, bu laaka, a luhe a vule kuva ho u nyala kubusiminya, kigira ubudamano bwelikola lyenyu.

Jeremia 42:2

ni va volera Jeremia mu profeti, Mwadza, lisaala lyetu li bugirirwe imbiri wowo, na ive u ku saavire ku Yahova Nyasaye wowo, livola li veye ku yavo vosi avatigala: kigira ku tigala vakekeke mu va li avanyingi, kuli tsimoni tsitsyo tsi lolanga kwinye,

Lisyoma lya Jeremia 4:11

Yahova u dukidzi ubutima bwibwe, u tsuki ubutima bwibwe bululu; U fwani muliru mu Zioni, nagwo gu sambi mise gyigye.

Ezekieli 12:3

Kigira yaga, ive mwana womundu, kola viju vivyo vyetegeke ku lyadikidzwa lilyo, wadike inyinga yombasu imbiri wetsimoni tsyavo; na u ladika kutwula hango hoho hano, u tsie ahandi imbiri wetsimoni tsyavo: namusia yavo va la ganagana, kali ni va veye inyumba yobwebaali.

Ezekieli 13:13

Kigira yaga Mwami Nyasaye a vola: Inze nda li tandula nekihi mu ubutima bwange: kandi ha la va nembula yizulanga amadzi namagina manene gembula mu livihirirwa kulidividza ligali.

Ezekieli 20:33

Kuli mbeye mwoyo, Mwami Nyasaye a vola, ligali inze nomukono gwobunyali, nomukono gwa nyirwa, nobutima bwa tsukwa, nda va mwami ku mwinye.

Ezekieli 22:20

Kuli va vungidzanga halala ifetha nomugasa nekivya nelisasi nelibang'a hagati hekisambiru kufwana muliru kuvyo, kuvisalula; ni ndiyo ndi mu vungidza halala mu butima bwange nomu livihirirwa lyange, na ndaalira mwinye, nokumusa lula.

Ezekieli 5:13

Ni ndiyo ubutima bwange bu la dukidzwa, na nda malira ubutima bwange kuvo, na nda leminywa mwoyo: navo va la manya inze, Yahova, mbola mu likendeka lyange lwa ndi twekidza ubutima bwange kuvo.

Ezekieli 8:18

Kigira yaga inze kandi nda kola mu butima bwange; imoni yange si i la leka, kandi si nda va netsimbabasi mba; kali ni va hanzuka mu matu gange, si nda va hulira mba.

Danyeli 9:13

Kuli ga ng'owa mu malago ga Musa, kivi yiki kyosi ki duki ku kwinye: navutswa si ku saala liverererwa lya Yahova Nyasaye wetu, kweganire kuleka ubudamano bwetu, nokuva nelimanya mu ageligali gogo.

Danyeli 9:18

O Nyasaye wange, u tegidze ugutu gugwo, u hulire; u kunule tsimoni tsitsyo, u henze ubwoneku bwetu, na lidala li langwa ku lieta lilyo: kigira si ku sunda masaava getu imbiri wowo kigira ubulungi bwetu avene, navutswa kigira tsimbabasi tsitsyo tsinene.

Hosea 5:15

Nda tsia kwirana hango hange, kuduka lwa veyama mahyolo gavo, nokwenya mmoni mwange: mu kivi kyavo va la nyenya ligali.

Joeli 2:12

Navutswa kali kalunu, Yahova a vola, Mu girunkane, mu yeke ku inze nomwoyo gwenyu gwosi, kandi nelihonga lilia, nelilira, nelisyoma:

Joeli 2:13

Mu tandule mwoyo, mu ta tandula tsingubo tsyenyu, mwirane ku Yahova Nyasaye wenyu; kigira uyu a veye netsimbabasi na livererera, si a vihirirangwa bwangu, a veye netsimbabasi tsinyingi, na yeganiranga ku kivi.

Jona 3:8

navutswa vivika tsingubo tsyamagunia, avandu kandi imitugu, nokwanira Nyasaye ligali netsingulu tsyosi: yee, va girunkane vosi sa mulala, nokuleka inzira yeye indamano, nokuleka kirage ki veye mu makono gege.

Zekaria 1:4

Mu ta va kuli avadada venyu va li, avaprofeti vokutanga va va gambira, ni va vola, Yahova wa mahe a vola yaga, Mwirane kalunu mu leke tsinzira tsyenyu tsindamano na vikolwa vyenyu vidamano, mu vi leke: navutswa si va hulira, kandi si va mbulira, Yahova a vola.

Kwidzulitsa 31:16

Na Yahova ya volera Musa, Henza, ive u la gona navaguga vovo; navandu yava va la vuka, nokukola ubuheyi ku lilonda vanyasaye vageni avekivala, kya va tsitsanga yo kuva hagati havo, va la ndeka, nokwononya lilagana lyange lya nda kola halala navo.

Kwidzulitsa 31:17

Hene yaho ubutima bwange bu laaka kuvo lidiku yilyo, na nda va leka, na nda visa mmoni mwange kuvo, va duke kumirwa, nobudamano bunyingi nekivi vi la duka kuvo, kuduka va vole lidiku yilyo, Ubudamano bunyingi yibu bu duki ku kwinye si ga veye kigira Nyasaye wetu si a veye hagati hetu?