Jeremia 36:32 - KITABU KITAKATIFU

³² Hene yaho Jeremia ya vugula lilinga lyekitabu kindi, na a ha mung'odi Baruku, mwana wa Neria, naye ya ga ng'oda mukyo, makuva gosi ga twula mmunwa gwa Jeremia, ga Jehoiakim mwami wa Yuda ya samba ku muliru; kandi ya meda makuva gandi manyingi ku lugano lwa yago.

Jeremia 36:32 ပူးပေါင်းရင်းမြစ်များ

Jeremia 36:4

Hene yaho Jeremia ya langa Baruku mwana wa Neria, na Baruku ya ng'oda makuva gosi ga Yahova, aga twula mmunwa gwa Jeremia, ga veye amakuva ga Yahova ya mu volera, va ga ng'odn mu lilinga lyekitabu.

Jeremia 36:18

Hene yaho Baruku ya tivula, na a vola, Uyu ya mbolera makuva yaga gosi nomunwa gwigwe, na inze nda ga ng'oda mu kitabu nobwino.

Likunula 22:18

Ndolekidziranga mundu sa mulala u huliranga amakuva gobuprofeti bwekitabu yiki, Ku vosi mundu na a va na a ga meda, Nyasaye a la meda kuye maduywa aga ng'odwa mu kitabu yiki:

Varumi 16:22

Inze Teritio, wa ng'oda ibaruwa yiyi, nchelidza mwinye mu Mwami.

Danyeli 3:19

Hene yaho Nebukadinezaru yizula ubutima ubululu, na ligondo lyommoni mumwe lya galula ku Shadaraka, Meshaka, na Abedi-nego: ma ya vola, na a laga va vike muliru ml: kisambiru nokumeda mu kuduka hal katano na kaviri kuvita gu vedzanga gwamadiku gosi.

Jeremia 36:23

Na gaduka, Jehudi lwa ya mala kusoma miliango gyivaka kinga gyine, mwami ya li kalaga na kabano, na a li ta ku muliru gwa li gwaakanga ku mahiga, kuduka ni li mala ku hya lilinga lyekitabu kyosi mu muliru gwa li ku mahiga.

Kyavalevi 26:28

inze kandi nda genda nelihing'ana ku mwinye mu butima bwange; na kandi nda mu kupidza kivi hali katano na kaviri kigira ubwoni bwenyu.

Kyavalevi 26:24

inze kandi nda genda nelihing'ana ku mwinye; na nda mu duya, yee inze, nda mu duya hali katano na kaviri kigira ubwoni bwenyu.

Kyavalevi 26:21

Kandi ni mu va ni mu genda mu lihing'ana ku inze, ni mu vula kumbulira, nda leta amaduywa ku mwinye hali katano na kaviri kuvita, kuli ubwoni bwenyu.

Kyavalevi 26:18

Kandi mwinye ku yaga, ni mu va ni mu vula kumbulira, hene yaho nda mu li dambidza kuvita hali katano na kaviri kigira ubwoni bwenyu.

Kutwula 34:1

Kandi Yahova ya volera Musa, Wevadzire vibao vyamagina viviri kuli vyembiri: na inze nda ng'oda ku vibao makuva aga li ku vibao vyembiri, vya ive wononya.

Danyeli 7:1

Mu muhiga gwokutanga gwe lyameha lya Belishazaru mwami wa Babuloni, Danyeli ya lota liloto na malola gomutwe gwigwe ku kitali kikye: ma va ng'oda liloto na a vola liduka lyevindu zana.