Jeremia 36:3 - KITABU KITAKATIFU

³ Namusia inyumba ya Yuda i la hulira makuva gobudamano yibu bwosi bwa nda saavira kuvakolera; va duka kwirana sa mulala kuleka inzira yeye indamano, nduke kuvasameha ubudamano bwavo nobwoni bwavo.

Jeremia 36:3 ပူးပေါင်းရင်းမြစ်များ

Nehemia 1:9

navutswa ni mwirana ku inze, nokugumira lilagana lyange nokuli kola, kali yavo ava kungwa ni va veye ku luvega lwekiheri kyeligulu, nda va vungidza kutwula ha va veye nokuvaleta ha ntovoye, nduke kuvika ho lieta lyange.

Zaburi 139:24

U mbenze u lole ni i va inzira indamano i veye mu inze, Na u nzimirire ku inzira yemihiga nemihiga.

Isaya 6:10

Mwoyo gwavandu yava u gu kole mukomero, namatu gavo u ga kole maliduhu, netsimoni tsyavo u hane; gase va la lola netsimoni tsyavo, na va la hulira namatu gavo, na va la manya nemyoyo gyavo, na veganire, va honywe.

Jeremia 18:11

Kunangwa kalunu, u volere avandu va Yuda, na va menya mu Yerusalemi, u vole, Yahova a vola: Henza, nombanga ubudamano ku mwinye, nokusaavira lisaava ku mwinye: mwirane kalunu sa mulala a leke inzira yeye indamano, mu lombe tsinzira tsyenyu, nevikolwa vyenyu.

Jeremia 18:8

ni i va ihiri zana ya mbola ku makuva gayo, yeganira, nokuleka budamano bwavo, inze ndeganira ku budamano bwa nsaaviye kuvakolera.

Jeremia 23:14

Ku vaprofeti va Yerusalemi ndoli kandi kindu kyokumbihiriridza: va kola ubuheyi, nokugenda mu bubehi; nokuvika tsingulu mmakono ga yavo ava kola bmlamano, kmluka si ha veye nomundu wirana nokuleka ubudamano bwibwe: vosi va gwiye kuli Sodoma ku inze, na va menya mulyo va gwive kuli Gomora.

Jeremia 24:7

Nda va ha myoyo gyokumanya inze, mbeye Yahova: va la va avandu vange, na inze nda va Nyasaye wavo; kigira va lirana ku inze nemyoyo gyavo gyosi.

Jeremia 26:3

Namasia va la hulira nokweganira sa mulala kuleka inzira yeye indamano; inze nduke kweganira ku madamano aga nsaavira kuvakolera kigira budamano bwelikola lyavo.

Jeremia 35:15

Kandi nda leta ku mwinye avatumekiri vange vosi avaproieti, ni mbuka mabwebwe nokuvatuma, ni mbola, Mwirane kalunu sa mulala a leke inzira yeye indamano, mu lombe vikolwa vyenyu, kandi mu ta tsia kulonda avanyasaye vandi kuvatumekira mba, na mu la menya mu kivala yiki kya nda ha mwinye na vaguga venyu; navutswa si mwa tegidza gutu, kinga kuhulira ku inze.

Jeremia 36:7

Namusia va la leta lisaala lyavo imbiri wa Yahova nokwirana sa mulala kuleka inzira yeye indamano: kigira livihirirwa nobutima bwa Yahova bu veye bunene ligali, bwa ya vola ku avandu yava.

Ezekieli 12:3

Kigira yaga, ive mwana womundu, kola viju vivyo vyetegeke ku lyadikidzwa lilyo, wadike inyinga yombasu imbiri wetsimoni tsyavo; na u ladika kutwula hango hoho hano, u tsie ahandi imbiri wetsimoni tsyavo: namusia yavo va la ganagana, kali ni va veye inyumba yobwebaali.

Ezekieli 18:23

Inze nyanza likudza lyomudamano? Mwami Nyasaye a vola; si nyanza bwa ka va ubulahi yirane nokuleka inzira yeye, nokuhindira?

Zefania 2:3

Mwenye Yahova, mwinye vosi avahokya velirova, ava gumiranga likalaga lilye; mwenye ubulungi, kandi mwenye ubuhokya: namusia mu la viswa mu lidiku lyobutima bwa Yahova.

Matayo 13:15

Kigira mwoyo gwavandu yava gu gwiye mudamano, Kandi amatu gavo si ga hulira bulahi Va hannyi tsimoni tsyavo; Gase va la lola netsimoni tsyavo, Nokuhulira namatu gavo Nokumanya mmwoyo gwavo, Nokweganira, Na inze mba honnye.

Marko 4:12

lihenza va henza va vula kulola; lihulira va hulira va vula kumanya; gase va leganira va samefwe ubwoni bwavo.

Luka 20:13

Mwami wekizabibu ya vola, Nda kola ndi? Nda tuma mwana wange wa nyanza; mbula va la mu tia.

Vikolwa 26:18

kuvakunula tsimoni tsyavo va twule mu kisundi va yeke ku buiavu, kandi va twule ku tsingulu tsya Setani va yeke ku Nyasaye, ni va nyola lisamefwa lyobwoni va vugule miyandu halala navo ava takaswa nelisuuvira li veye mu inze.

Vikolwa 26:20

navutswa ku matsyambiri ndilwadza ku va Damasko, kandi mu Yerusalemi nomu kivala kyosi kya Buyuda kyosi, kandi ku vandu ve Tsihiri, veganire, va yeke ku Nyasaye nokukola miyinzi gyi dukana nobweganiri.

Vikolwa 28:27

Kigira mwoyo gwa vandu yava gu gwiye mudamano, Kandi amatu gavo ga hani, Kandi tsimoni tsyavo va mwolidzi; Gase va la lola netsimoni tsyavo, Kandi gase va la hulira namatu gavo, Kandi gase va la manya nomwoyo gwavo, Veganire, Mba honnye.

Vikolwa 3:19

Kigira yiki Mwe ganire, mwirane, ubwoni bwenyu bu twu'idzwe, tsi nyole kudza tsinyinga tsyokusosidza tsi twula imbiri wo Mwami;

Kwidzulitsa 30:2

na wenya kwirana ku Yahova Nyasaye wowo, nokuhulira mwoyo gwigwe kuli gosi ga nku laganga lero, ive navana vovo, no mwoyo gugwo gwosi, naroho gugwo gwosi;

Kwidzulitsa 30:8

Na ive u lirana nokuhulira mwoyo gwa Yahova, nokukola malago gosi gege ga nku laganga lero.

Kwidzulitsa 5:29

Nkano va veye nomwoyo kuli yigu muvo, madiku gosi, gwo kuntia, nokugumira amalago gange gosi madiku gosi, ga duke kuva ubulahi kuvo, noku avana vavo mihiga nemihiga

2 Petro 3:9

Mwami si ya lindagira mu lisuuviridza lilye, kuli avandi va vola lilindagira; navutswa yikudzira ku mwinye, kigira si yenya mundu mulala a dive, navutswa yenya vosi va duke ku lyeganira.

1 Samweli 7:3

Na Samweli ya volera inyumba yosi ya Israeli, na a vola, Mwinye ni mu va ni mwirana ku Yahova nemyoyo gyenyu gyosi, hene yaho mu vike ihale ku mwinye avanyasave vageni, na Ashitarothu va veye hagati henyu, na mu yekidze myoyo gyenyu ku Yahova nokumutumekira yeng'ine; naye a la mu honnya ku makono ga Vafilisiti.