Jeremia 36:12 - KITABU KITAKATIFU

¹² yika nokwingira mu inyumba yomwami, yingira mu inyumba yomung'odi: henza, avanene vosi vikala ho, navo ni yava, Elishama mung'odi, na Delaia mwana wa Shemaia na Elinathan mwana wa Akibor;, na Gemaria mwana wa Shafan, na Zedekia mwana wa Hanania, navanene vosi.

Jeremia 36:12 ပူးပေါင်းရင်းမြစ်များ

2 Avami 22:12

Na mwami ya laga Hilikia musalisi, na Ahikam mwana wa Shafan, na Akibori mwana wa Mikaia, na Shafan mung'odi, na Asaia mutumekiri womwami, na a vola,

2 Avami 22:14

Ma Hilikia musalisi, na Ahikam, na Akibori na Shafan, na Asaia, va tsia ku Huiida wa li mprofeti mukali, muka Shalum mwana wa Tikiva, mwana wa Harihasi, mulindi wetsingubo (mukali uyu ya menya mu Yerusalemi mu lusoma lwa kaviri); navo va volerana naye.

2 Avami 22:3

Na ga duka mu muhiga gwa kola likumi na gyitano negyivaka gwelyameha lya mwami Josia, mwami ya tuma Shafan, mwana wa Azalia mwana wa Meshulam, ya li mung'odi, ya tsia mu inyumba va Yahova, na a vola,

2 Avami 24:8

Jehoiakin ya li wemihiga likumi na gyitano na gyivaka lwa ya tanga kwameha; na yameha mu Yerusalemi myeli gyivaka: lieta lya mama wewe lya langwa Nehushita mukana wa Elinathan we Yerusalemi.

Jeremia 26:10

Ma lwa vanene va Yuda va hulira inkuva yiyi, vanegira kutwula mu inyumba yomwami nokwingira mu inyumba ya Yahova; na vikala mu bwingiriru bwekiribwa kihya kyenyumba ya Yahova.

Jeremia 26:22

na Jehoiakim mwami ya tuma avandu Egepeti; vanga, Elinathan mwana wa Akibori, navandi halala naye, va tsie Egepeti;

Jeremia 26:24

Navutswa mukono gwa Ahikam mwana wa Shafan gwa li halala na Jeremia, va vule kumbika mmakono gavandu kumwiita.

Jeremia 36:25

Navutswa Elinathan na Delaia na Gemaria va goonya mwami a vule kusamba lilinga lyekitabu; navutswa si ya bugirira kuvahulira mba.

Jeremia 38:4

Hene yaho avanene va volera mwami, mwadza, leka mundu uyu yiitwe; kigira a vikanga budedekere ku makono gavandu velihe ava tigala mu lidala yili, noku makono gavandu vosi, ku livola lya a va voleranga makuva kuli yaga; kigira mundu uyu si a saaviranga avandu yava ubulahi mba, navutswa a va saaviranya kivi.

Jeremia 41:1

Na ga duka, ku mweli gu kola gyitano na gyiviri, Ishmaeli mwana wa Nethania, mwana wa Elishama, wolwivulu lwobwami, wa li mulala ku vanyampara vanene womwami, navandu likumi halala naye, ya tsia ku Gedalia mwana wa Ahikam ha Mizipa; na va lia halala ha Mizipa.