Jeremia 35:4 - KITABU KITAKATIFU

⁴ nda va leta mu inyumba ya Yahova, mu inyumba yavana va Hanan, mwana wa Igidalia, mundu wa Nyasaye, ya li ahimbi nenyumba yavanene, nayo ya li igulu ku inyumba ya Maaseia mwana wa Shalum, wa li mulindi wekiliango.

Jeremia 35:4 ပူးပေါင်းရင်းမြစ်များ

1 Avami 12:22

Navutswa makuva ga Nyasaye ga duka ku Shemaia mundu wa Nyasaye, kuvola,

1 Avami 13:1

Na, henza, mundu wa Nyasaye yadza kutwula Buyuda ku likuva lya Yahova kuduka Betheli: na Jeroboam ya li na a singiye ahimbi ku bwali kuvuyidza vimuli.

1 Avami 13:26

Na lwa muprofeti wa mwiranyira ku inzira ya hulira, ya vola, A veye mundu wa Nyasaye, wa vula kuhulira munwa gwa Yahova: kuna ngwa Yahova u mbiki ku king'ang'a, kya mu tandula, nokumwiita, kuli likuva lya Yahova, ya mu volera.

1 Avami 17:18

Naye ya volera Elija, Nda ku kolera ki, O ive mundu wa Nyasaye? U duki hano ku inze kwidzulitsa ubwoni bwange, nokwiita mwana wange

1 Avami 17:24

Nomukali ya volera Elija, Kalunu manya ive u veye mundu wa Nyasaye, na makuva ga Yahova mmunwa gugwo ga veye geligali.

1 Avami 20:28

Na mundu wa Nyasaye yesunda himbi na a volera mwami wa Israeli, na a mu volera, Yahova a vola ndi, Kigira Avasiria va voye, Yahova a veye munyasaye wevigulu, navutswa uyu si a veye munyasaye wamavona mba; kigira yaga nda ku vikira kiduma yiki kyosi kinene mmukono gugwo, na mwinye mu la manya mbeye Yahova.

2 Avami 1:9

Ma mu ami ya tuma munyampara wavasikari makumi gatano halala navasikari veve makumi gatano. Na yanegira kuye: henza, ya li ni yikaye ku kigulu. Ya mu volera, Ive mundu wa Nyasaye, mwami a vola, Yika.

2 Avami 12:9

Navutswa Jehoiada musalisi ya vugula lisanduku, na ya hudula muluhu ku kikuniko kyalyo, na ya li vika himbi nobwali, ku luvega lwomukono mulungi lwa wingiranga mu inyumba ya Yahova: navasalisi va linda kiliango va vika mulyo ifetha yosi ya letwa mu inyumba ya Yahova.

2 Avami 25:18

Na munyampara wavalindi ya vugula Seraia wa li musalisi munene na Zefania musalisi wa kaviri, navalindi vavaka vekiliango:

2 Avami 5:14

Hene yaho ya sulunguta, ni yeyina mu madzi gomugera gwa Yordani hali gatano na gaviri, kuli livola lyomundu wa Nyasaye; nenyama yeye yomubiri yirana kuli inyama yomwana mudoto, naye ya li munifu.

2 Avami 5:20

Navutswa Gehazi, mutumekiri wa Elisha mundu wa Nyasaye, ya vola, Henza, munene wange u lekeye Naaman Musiria uyu, kigira si a vuguye mu mukono gwigwe kya ya leta: kuli Yahova a veye mwoyo, nda mu londerera tsimbiru, nokuvugula kindu kuye.

2 Avami 6:10

Mwami wa Israeli ya tuma vatumwa ha zana ha mundu wa Nyasaye ya mu volera, nokumugerihidza; na yehonya ha zana, si i veye inyinga indala kinga hali kaviri.

2 Avami 7:17

Na mwami ya vika munyampara wa yedira ku mukono gwigwe, a ve mulindi wekiribwa: navandu va mu duvagira ha kiribwa, na a kudza kuli livola lyo mundu wa Nyasaye, ya vola lwa mwami ya sulunguta kuye.

2 Avami 7:2

Hene yaho munyampara womwami yedira ku mukono gwigwe ya tivulira mundu wa Nyasaye, na a vola, Yahova na a va na a kola madirisha mwigulu, inkuva yiyi i nyala kuva ho? Na ya mu volera, Henza ive u la lola netsimoni tsitsyo, navutswa si u la lia ku mba.

1 Kyetsinyinga 9:27

Na va gona ku tsimbega tsyenyu mba ya Nyasaye, kigira miyinzi gyobulindi bwa li kuvo; kandi gya li miyinzi gyavo kwigura miliango mugamba nomugamba.

2 Kyetsinyinga 8:14

Ya vika, kuli lilaga lya dada wewe Daudi, ubulohidzi bwelitovoka lyavasalisi ku butumiki bwavo, na lya Valevi ku bulindi bwavo, ku li santidza, nokutumika imbiri wava salisi, kuli lyenya lyemiluka gyama diku gosi; navalindi veviribwa ku litovoka lyavo mu kiribwa se kilala: kigira ni ndiyo Daudi mundu wa Nyasaye ya laga.

Zaburi 84:10

Kigira lidiku lilala mu mahema gogo li veye lilahi kuvita elfu. Nyanza kuva mulindi wekiliango kyenyumba ya Nyasaye wange, Kuvita limenya mu mahema gobudamano.

Jeremia 21:1

Likuva lya duka ku Jeremia kutwula ku Yahova, lwa mwami Zedekia ya leta kuye Pashuri mwana wa Malikija, na Zefania mwana wa Maaseia, musalisi, kuvola,

Jeremia 26:10

Ma lwa vanene va Yuda va hulira inkuva yiyi, vanegira kutwula mu inyumba yomwami nokwingira mu inyumba ya Yahova; na vikala mu bwingiriru bwekiribwa kihya kyenyumba ya Yahova.

Jeremia 35:3

Hene yaho nda vugula Jaazania mwana wa Jeremia, mwana wa Habazinia, halala navamwavo veve, navana veve vosi, navenyumba vosi va Varekabu;

Jeremia 52:24

Na munyampara wavalindi ya hila Seraia musalisi munene, na Zefania musalisi wa kaviri, navalindi vekiribwa vavaka:

Ezekieli 40:38

Na kigodola na kiliango kyakyo kya li himbi ne vigutu vyeviribwa; ha zana vogidzira kihaanwa kyokusambwa.

Ezekieli 43:8

ku livika umukingi gwavo ahimbi nomukingi gwange, nekigutu kyavo ahimbi nekigutu kyange, kandi ha li nelidigi lyere hagati hange navo; navo vononnya lieta lyange litakatifu ku kivihiri kyavo kya va kola: kunangwa kigira yaga va heridzi mu butima bwange.

Kwidzulitsa 33:1

Na yibu nobugasu, bwa Musa mundu wa Nyasaye ya gasidza avana va Israeli na a kikiri kukudza.

1 Timoteo 6:11

Navutswa ive, O mundu wa Nyasaye wiruke vindu yivi; u londe buiungi, nelitibwa lya Nyasaye, nelisuuvira, nobuyanzi, nobwikudziri, nobuhooma.

2 Timoteo 3:17

mundu wa Nyasaye a duke kuva nobudukiru, nolombeywi ku miyinzi gyosi milahi.

Joshua 14:6

Inyinga zana avana va Yuda visunda himbi ku Joshua ha Gilgali: na Kalebu mwana wa Jefune Mukenizi ya mu volera, Ive u manya likuva lya Yahova ya volera Musa mundu wa Nyasaye ku makuva gange nolsu makuva gogo lwa kwa li mu Kadeshibarnea.

1 Samweli 2:27

Kandi mundu wa Nyasaye ya duka ku Eli na a mu volera, Yahova a vola yaga Inze si nda vuulika ku inyumba ya dada wowo, lwa va li mu Egepeti mu butugua mu inyumba ya Farao?