Jeremia 34:3 - KITABU KITAKATIFU

³ na ive si u la hona ku mukono gwigwe mba, navutswa u la gumirwa ligali, nokuvikwa mmukono gwigwe, na tsimoni tsitsye tsi la lola tsimoni tsyomwami wa Babuloni, naye a la volerana nive munwa nomunwa, na ive u la tsia Babuloni.

Jeremia 34:3 ပူးပေါင်းရင်းမြစ်များ

Jeremia 21:7

Na inyima wa yaga, Yahova a vola, Zedekia mwami wa Yuda, navatumekiri veve, navandu vosi ava li tigala mu lidala yili inyima wobulwaye zana, nekivavi, nenzala, nda va vika vosi mmukono gwa Nebukadirezaru mwami wa Babuloni, nommakono gavasigu vavo, nommakono ga yavo avenyanga livamwoyo lyavo: naye a la viita nobwogi bwekivavi; si a la va leka mba, kandi si a la va vererera mba, kinga kuva vera tsimbabasi.

Jeremia 27:22

Viju yivyo vi la hilwa Babuloni, navyo vi la va yo, kuduka ku lidiku lya ndi va luuta, Yahova a vola; hene yaho nda vi leta kandi, nokuvirannya hano.

Jeremia 32:28

Kunangwa Yahova a vola ndi: Henza, nda vika lidala yili mmukono gwa Vakalidei, nommukono gwa Nebukadirezaru mwami wa Babuloni, naye a la li vugula:

Jeremia 32:3

Kigira Zedekia mwami wa Yuda ya mu boha, na a vola, Kigira ki u profeta, nokuvola, Yahova a vola, Henza, nda vika lidala yili mmukono gwomwami wa Babuloni, naye a la li vugula;

Jeremia 32:4

na Zedekia mwami wa Yuda si a la hona kutwula mmakono ga Vakalidei, navutswa ligali a la vikwa mmukono gwomwami wa Babuloni, na a la volerana naye munwa nomunwa, netsimoni tsitsye tsi la lola tsimoni tsitsye;

Jeremia 34:21

Na Zedekia mwami wa Yuda navanene veve nda va vika mmukono gwavasigu vavo, nommukono gwa yavo avenyanga livamwoyo lyavo, nommukono gwelihe lya mwami wa Babuloni, avanegira kutwula ku mwinye.

Jeremia 34:4

Navutswa u hulire likuva lya Yahova, O Zedekia mwami wa Yuda: Yahova a vola ku makuva gogo, Ive si u la kudza nekivavi mba;

Jeremia 37:17

hene yaho Zedekia mwami ya tuma avandu, va tsia kumuleta: nomwami ya mu teva makiriri mu inyumba yeye, na a vola, Li veye ho likuva li twula ku Yahova? Na Jeremia ya vola, Li veye ho. Kandi ya vola, Ive u la vikwa mmukono gwomwami wa Babuloni.

Jeremia 38:18

Naw tswa ive nu u va nu u sula kutwula kutsia ku vanene vomwami wa Babuloni, hene yaho lidala yili li la vikwa mmakono ga Vakalidei, navo va la li samba nomuliru, na ive si u la hona mmakono gavo mba.

Jeremia 38:23

Navo va la twulidza avakali vovo vosi navana vovo vosi kuha Vakalidei: na ive si u la hona ku makono gavo mba, na wtswa u la gumirwa nomukono gwomwami wa Babuloni: na u la kola lidala yili li sambwe nomuliru.

Ezekieli 12:13

Nda vika muluvo gwange kuye, na a la hambwa mu mutego gwange; na nda mu hila Babuloni kuduka mu kivala kya Vakalidei; navutswa kandi si a la ki lola mba, kali na a kudzira yo.

Ezekieli 17:15

Navutswa yebaala kuye kigira ya hila avatumwa veve kutsia Egepeti, va duke kumuha tsiparasi, navandu vanyingi. A la gasidzwa? U yu u kolanga vindu kuli yivi a la hona? A lononnya lilagana, nokuhona?

Ezekieli 17:16

Kuli inze mbeye mwoyo, Mwami Nyasaye a vola, Ligali ha a menyanga uyu mwami wa mwamehidza, wa ya lega lyesuha lilye, nokwononnya lilagana lilye, kali halala na uyu hagati ha Babuloni a la kudzira ho.

Ezekieli 21:25

Ive, mudamano watwa tsing'oma tsyokwiita, munene wa Israeli, welidiku lilye li duki, ku inyinga yobudamano bwekiheri;