Jeremia 34:11 - KITABU KITAKATIFU

¹¹ navutswa, lwenyima va girunkana, nokwirannya avatugwa vayai navatugwa vakana, ava va li ni va leka avaboholole, na va va vika mu butugwa va ve avatugwa vayai navatugwa vakana vavo.

Jeremia 34:11 ပူးပေါင်းရင်းမြစ်များ

Zaburi 125:5

Navutswa ku yavo ava girunkana nga ku tsinzira tsyobukyamu, Yahova a la vimirira halala navo ava kola ubudamano. Mirembe gyi ve ku Israeli.

Zaburi 36:3

Makuva gomunwa gwigwe gu veye ubukyamu nobugadi: U leki kuva nobugeeri nokukola ubulahi.

Kutwula 8:15

Navutswa Farao, lwa ya lola ha veye nobwiyangu bwokusosa, ya dinnya mwoyo gwigwe, na a vula kuvahulira; kuli Yahova ya vola.

Kutwula 8:8

Hene yaho Farao ya langa Musa na Haruni, na a vola, Mu saale Yahova, a twulidze makere ku inze, noku avandu vange; na nda lakula avandu va tsie kulombera Yahova isadaka.

Kutwula 9:28

Mu saale Yahova; kigira lihirigana linene na imbula yamagina vi duki; na inze nda mu lakula mu tsie, na si mu la lindagira mba.

Tsing'ano 26:11

Kuli imbwa yirana ku maluki gayo, Ni ndiyo a veye musiru u kolanga ubusiru bwibwe hali kaviri.

Kohelethu 8:11

Kigira likalaga likalagangwa ku likola lidamano si li kolangwa bwangu mba, kigira yaga myoyo gya avana vavandu gyi nyo langa tsingulu muvo kukola buda mano.

Jeremia 34:10

Navanene vosi navandu vosi va hulira likuva yilyo, yavo ava li ni vivika mu lilagana yilyo, mundu sa mulala a leke mutugwa wewe muyai, nomutugwa wewe mukana, u mboholole, ha ta va nomundu u va tuga kali mulala; va hulira likuva yilyo nokuvaleka avaboholole:

Jeremia 34:12

Kigira yaga likuva lya Yahova lya duka ku Jeremia, kutwula ku Yahova, kuvola,

Jeremia 34:16

navuswa kandi mwa girunkana nokunyega lieta lyange, nokuleta kandi sa mulala mutugwa muyai wewe, na sa mulala mutugwa mukana wewe, ava mwa li ni mwa leka avaboholole kuli ubuyanzi bwavo avene; na mwa va vika mu butugwa va ve avatugwa vayai na avatugwa vakana.

Jeremia 34:21

Na Zedekia mwami wa Yuda navanene veve nda va vika mmukono gwavasigu vavo, nommukono gwa yavo avenyanga livamwoyo lyavo, nommukono gwelihe lya mwami wa Babuloni, avanegira kutwula ku mwinye.

Jeremia 37:5

Inyinga yeyo lihe lya Farao lya li ni li twuli mu kivala kya Egepeti; na Vakalidei va li ni va kumberidzi Yerusalemi, lwa va nyola makuva ga Vaegepeti, va sambula kutwula ha Yerusalemi.

Hosea 6:4

O Efiraim, nda ku kolera ki? O Yuda, nda ku kolera ki? Kigira ububwenyu bu veye kuli lilesi lyomugamba, na kuli lime li kamanga mabwebwe.

Hosea 7:16

Virana, navutswa si ga li ku uyu u veye igulu; va gwiye kuli ubuta bu ta li nobusoga; avanene vavo va la gwa nekivavi kigira ubululu bwetsinimi tsyavo: inkuva yiyi i la va kihenyahenye kyavo mu kivala kya Egepeti.

Zefania 1:6

na yavo avirana inyima ava leka kulonda Yahova; na yavo ava vula kulonda Yahova, kinga kumwenya.

1 Samweli 24:19

Kigira umundu na a nyola musigu wewe, a la mu leka a tsia nemirembe? Kigira yaga Yahova a tunga ive bulahi kigira yaga wa nkolera lero.

1 Samweli 26:21

Hene yaho Saulo ya vola, Inze nkoli ubwoni: yirana, Daudi mwana wange; kigira inze si nda ku kolera kindu kidamano kandi mba, kigira livamwoyo lyange lya li nobuguli budinyu imbiri wetsimoni tsitsyo lero: henza, nkoli agobusiru, na nkoli amahyolo ligali.