Jeremia 33:7 - KITABU KITAKATIFU

⁷ Na ndirannya lyadikidzwa lya Yuda nelyadikidzwa lya Israeli, nokuvonbaka, kuli matsyambiri.

Jeremia 33:7 ပူးပေါင်းရင်းမြစ်များ

Zaburi 126:1

Lwa Yahova ya leta avirana Zioni Kwa li kuli yavo ava lola ma loto.

Zaburi 126:4

Wirannye, O Yahova, lilanywa lyetu, Kuli migera gyekivala kya Kusini.

Zaburi 14:7

Nkano ubuhonyi bwa Israeli bwa twula Zioni Lwa Yahova yirannya lilanywa lya avandu veve, Hene yaho Yakobo a la sangala, na Israeli a la yanza.

Zaburi 85:1

O Yahova wa vera tsimbabasi kivala kikyo; Wiranyi lilanywa lya Yakobo.

Isaya 1:26

na ndi rannya avakalagi vovo kuli matsyambiri, na vavoli vovo kuli ma tsyambiri: na inyima wa yaga u la langwa Lidala lyobulungi, lidala lyo busuuvirifu.

Isaya 52:8

Mwoyo gwa valindi vovo va ginga myoyo gyavo, vimba halala; kigira va la lola moni na moni, inyinga Yahova yirana Zioni.

Jeremia 23:3

Na nda vungidza li tigala lyekyavo kyange kutwula vivala vyosi ha mba hili, na nda va leta kandi mu kego kyavo, na va livulana nokumedeka.

Jeremia 24:6

Kigira nda vumika nobulahi, na nda va leta vingire mu kivala yiki kandi; na nda vombaka, si nda va sambula mba; nda va simika, si nda viha mba.

Jeremia 29:14

Kandi nda nyoleka ku mwinye, Yahova a vola, nda girunkannya ubuhambe bwenyu, nda vungidza mwinye, mu twule mu tsihiri yitsyo tsyosi, nokutwula hosi ha nda mwadikidzira, Yahova a vola; nda mu leta kandi ha nda mu kola kutwula ho kuhilwa mbuhambe.

Jeremia 30:18

Yahova a vola: Henza, ndirannya kandi lyadikidzwa lya mahema ga Yakobo, na nda vererera ubumenyo bwibwe; nelidala li lombakwa ku vyanyi vyalyo vyene, nenyumba yobwami i la menywa ku lilonda mwimagwayo.

Jeremia 30:20

Na avana vavo va la va kuli ku matsyambiri nelivugana lyavo li la dinyeridzwa imbiri wange; na nda ha mageli vosi ava li va dambidza.

Jeremia 30:3

Kigira, henza amadiku gadzanga, Yahova a vola mu madiku yago nda girunkannya kandi lyadikidzwa lyavandu vange Israeli na Yuda, Yahova a vola; nda virannya virane mu kivala kya nda ha avaguga vavo, na va li ki gumira.

Jeremia 31:28

Na ga la duka, kuli nda va henza nduke kwiha, nokusambula, nokutung'aminya, nokudividza, nokudambidza; ni ndiyo ndi va henza kwombaka, nokusimika, Yahova a vola.

Jeremia 31:38

Henza, amadiku gadzanga, Yahova a vola, mu madiku yago lidala li lombakirwa Yahova kutwula ku kitaradzi kya Hananeli kuduka ku kiribwa kyekona.

Jeremia 31:4

Hali kaviri nda kwombaka, na ive u lombakwa ive mukana mugima wa Israeli kandi u la syafwa netsisugudi tsitsyo, na u la twulira mbukino bwa yavo ava kinanga.

Jeremia 32:44

Avandu va la gula milimi nefetha, nokung'oda ameta ku tsibaruwa, nokutsivika mihuri nokulanga avaloli, mu kivala kya a Benjamini, na hosi kutsimbega tsya Yerusalemi, nomu madala ga Yuda, nomu madala gekivala kyevigulu, nomu madala gekivala kyekereremu, nomu madala ga Kusini: kigira inze ndirznnya lyadikidzwa lyavo, Yahova a vola.

Jeremia 33:11

gu la hulirwa kandi mwoyo gwobuyanzi nomwoyo gwobusangali, nomwoyo gwa usereye nomwoyo gwomwiha, nemyoyo gya yavo ava volanga, Mu santidze Yahova wa mahe kigira uyu Yahova a veye mulahi kigira tsimbabasi tsitsye tsi tsitsagil'langa mihiga nemihiga; nemyoyo gya avahaananga vihaanwa vyelisantidza mu inyumba ya Yahova. Kigira ndirannya lyadikidzwa lyekivala kuli matsyambiri, Yahova a vola.

Jeremia 33:26

hene yaho nda ta kisukululwi kya Yakobo, nekya Daudi mutumekiri wange, nduhe mbule kuvugula ku kisukululwi kikye ava lyameha ku kisukululwi kikye kya Abrahamu, na Isaka, na Yakobo; kigira ndirannya lyadikidzwa lyavo, na nda va vererera.

Jeremia 42:10

Mwinye ni mu va ni mu kikiri kumenya mu kivala yiki, hene yaho nda mwombaka, si nda mu tsoma hasi mba, nda mu simika, si nda mwiha mba: kigira nzeganira ku budamano bwa nda mu kola.

Jeremia 50:4

Mu madiku yago, inyinga yeyo, avana va Israeli va ladza, Yahova a vola, yavo navana va Yuda halala; va la tsia ku inzira yavo nelilira, nokwenya Yahova Nyasaye wavo

Lisyoma lya Jeremia 4:22

Lihebwa mageli lyobudamano bubwo bu duki, O mukana wa Zioni; si a la ku hila kandi mu lyadikidzwa: A ladza ku ubwoni bubwo, O mukana wa Edom, a la vambula ubwoni bubwo.

Ezekieli 39:25

Kigira yaga Mwami Nyasaye a vola: Kalunu ndirannya kandi lyadikidzwa lya Yakobo, nokuvererera inyumba yosi ya Israeli; na nda kendekira lieta lyange litakatifu.

Hosea 2:15

Na nda mu ha milimi gyigye gyemizabibu kutwula ha zana, nelivona lya Akori kuva muhango gwelisuuviridza; naye a la tivulira yo, kuli ya kola mu madiku gobusoleli bwibwe, kandi kuli ya kola ku lidiku lya yanegira kutwula mu kivala kya Egepeti.

Zefania 3:20

Inyinga yeyo nda leta mwinye ku mwingeridza, inyinga yeyo nda mu vungidza halala; kigira nda mu kolera lieta nelidzominywa mu avandu vetsihiri tsyosi tsyomu lirova, lwa ngalukidza lyadikidzwa lyenyu imbiri wetsimoni tsyenyu, Yahova a vola.

Zekaria 1:17

Hanzuka kandi hali kaviri, u vole, Yahova wa mahe a vola yaga: Madala gange ku ligasidzwa yili ga la meda yiyi na yiyi; Na kandi Yahova a la leminya Zioni, kandi a la tovola Yerusalemi.