Jeremia 33:6 - KITABU KITAKATIFU

⁶ Henza, nda leta kulyo ubulamu nobuhonnyi, nda va honnya, nda va lang'aminyira ubunyingi bwemirembe nobwa geligali.

Jeremia 33:6 ပူးပေါင်းရင်းမြစ်များ

Zaburi 147:3

A honnyanga avemyoyo gya vunika, Na a boha tsing'oma tsyavo.

Zaburi 37:11

Navutswa avahoma va la nyola miyandu gyekivala, Na va la sangala mu bunyingi bwemirembe.

Zaburi 67:2

Inzira yoyo i manyekane ku lirova, Na ubuhonyi bubwo ku avetsihiri tsyosi.

Zaburi 72:7

Mu madiku gege avalungi va la gasidzwa, Na mirembe minyingi kuduka mweli gu fweye.

Kutwula 34:6

Na Yahova ya vita imbiri wewe, ni yilwadza, Yahova, Yahova, Nyasaye wetsimbabasi nowobugasu, umuhoma, wa galaha ku butima, nomuhinda wobuyanzi na ageligali;

Kohelethu 3:3

inyi nga yokwiita, nenyinga yokuhonnya; inyinga yokusambula, nenyinga yo kwombaka;

Isaya 2:4

Naye a la kalaga hagati hetsihiri, nokuha tsihiri tsinyingi tsyavandu amageli; navo va la tuula vivavi vyavo kuvikola tsimbago, na matimu gavo va la ga lomba tsinkonono; ihiri yiyi i la vula kuginga kivavi ku ihiri yindi, kandi va la vula kwega ubulwani.

Isaya 30:26

Kuvita yaga ubulavu bwomweli bu la leng'ana nobulavu bweliuva, nobulavu bweliuva bu la medeka hali gatano na gaviri, kuli ubulavu bwa madiku gatano na gaviri, mu lidiku lya Yahova a boha maduya gavandu veve, nokuhonnya liduya lyobutumiti lyavo.

Isaya 39:8

Ma Hezekia ya volera Isaya, Li veye likuva lilahi lya Yahova lya ive u voye. Na ya meda na a mu volera, Kigira mirembe gyi la va ho na geligali mu madiku gange.

Isaya 54:13

Na avana vovo vosi va legidzwa ku Yahova; nemirembe gyavana vovo gyi la va minene.

Isaya 55:7

mudamano a leke inzira yeye, nomundu u ta li mulungi a leke tsi ganagani tsitsye; yirane ku Yahova, naye a la mbererera; yirane ku Nya saye wetu, naye a la mu sameha ligali.

Isaya 57:18

Ndoli tsinzira tsitsve, nda mu honnya: nda mwimirira kandi, nokumwirannyira vyokumuleminya noku yavo ava syomanga.

Isaya 57:19

Inze mbeye mulombi wa makuyu geminwa: Mirembe, mirembe, ku uyu u veye ihale noku uyu u veye ahimbi, Yahova a vola; nda mu honnya.

Isaya 58:8

Hene yaho ubulavu bubwo bu la kya kuli mugamba, na lihonywa lilyo li la sebuka bwangu: nobulungi bubwo bu limirira imbiri wowo; nobukumi bwa Yahova bu la ku londa.

Isaya 66:12

Kigira Yahova a vola ndi, Henza, nda meda kuye mirembe kuli mugera, nobukumi bwa vetsihiri kuli mugera gwizuye: na mu la nuna kugwo; mu la hagatwa, nokukinywa ku magulu.

Jeremia 17:14

U mbonnye, O Yahova, na nda hona; u mbonnye, na nda hona: kigira ive u veye lidzominywa lyange.

Jeremia 29:11

Kigira mmanya tsiganagani tsya nganagananga ku mwinye, Yahova a vola, tsi veye tsiganagani tsyemirembe, si tsi veye tsiganagani tsyobudamano mba, kumuha kisuuviri mmadiku genyu gekiheri.

Jeremia 3:22

Mwirane, avana ava mwirani inyima, nda honnya lirana inyima lyenyu. Henza, kudzanga ku ive; kigira ive u veye Yahova Nyasaye wetu.

Hosea 6:1

Hambi, kwirane ku Yahova: kigira ya tandula, naye a la ku honnya; ya duya, naye a la ku boherera.

Hosea 7:1

Lwa nyanza kuhonnya Israeli, hene yaho ubudamano bwa Efiraim bu lang'aminyeywi, na ububi bwa Samaria; kigira va kola ububehi, nomwivi yingiranga mugati, nekiduma kyavanuli vononnyanga kyova.

Mika 4:3

naye a la kalaga hagati ha avandu vanyingi, na a la gondokera tsihiri tsyetsingulu tsya ihale, va la tula vivavi vyavo kulomba tsimbago, na matimo gavo kulomba mihidzu; ihiri i la vula kuginga kivavi ku ihiri yindi, kandi si va legidzwa ubulwani kandi mba.

Mika 7:20

Na u la dukidzira Yakobo ageligali, na tsimbabasi u la dukidzira Abrahamu, vya wesuhira vaguga vetu kutwula madiku ga kale.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Yohana 10:10

Mwivi si yadza bugira kwiva, nokwiita, nokwononnya: inze ndadza va nyola livamwoyo, kandi va li nyole linyingi.

Vafeso 6:23

Kandi mirembe gyi ve ku vamitu vetu, nobuyanzi nelisuuvira, vi twulanga ku Nyasaye Dada, noku Mwami Yesu Kristo.

Kwidzulitsa 32:39

Henzi kalunu, Inze, ligali mbeye lye, Si ha veye nomunyasaye halala ninze: Nziitanga nokusimugukidza; Nzatanga lugoma, nokuhonnya; Na si ha veye nowundi u nyala kuhonnya mmukono gwange.

1 Petro 1:3

A gasidzwe Nyasaye Dada wo Mwami wetu Yesu Kristo, u kwivuye hali kaviri, kuli tsimbabasi tsitsye tsinene, ku duke ku lisuuviridzwa li veye mwoyo, ku lisimugukidzwa lya Yesu Kristo kutwula mu vakudzu,