Jeremia 33:3 - KITABU KITAKATIFU

³ Wanire inze, na inze nda ku tivulira, na nda ku mannya vindu vinene ni vidinyu, vya ive u ta manya.

Jeremia 33:3 ပူးပေါင်းရင်းမြစ်များ

Zaburi 145:18

Yahova a veye himbi ku vosi ava mwaniranga, Ku vosi ava mwanira mu ageligali.

Zaburi 25:14

Aga viswa ga Yahova ga veye ga yavo ava mu tidzanga; Naye a la va mannya lilagana lilye.

Zaburi 50:15

Na wanire inze ku lidiku lyekivi: Nda ku honnya, na ive u la nkuminya.

Zaburi 91:15

A lanira inze, na inze nda mu tivulira; Nda va halala naye mu lidambidzwa: Nda mu honnya, nokumwidzominya.

Isaya 45:3

nda ha ive ubutugi bwekisundi, nemiyandu gya viswa hamwamu, u duke kumanya inze mbeye Yahova, u ku langanga lieta lilyo, mbeye Nyasaye wa Israeli.

Isaya 48:6

Ive u huliye likuva yili: henza vindu yivi vyosi; na mwinye, si mu la li lang'aminya? Inze nku vuuliye vindu vihya kutwula inyinga ya kalunu, kali vindu vya viswa, vya ive wa vula kumanya.

Isaya 65:24

Na ga la duka kuva, ni va kikiri kunanga, nda bugirirana lwa va veye mu livola, nda hulira.

Jeremia 23:35

Mundu sa mulala a la volera wakye, na sa mulala a la volera amwavo wewe, Yahova a tivula kindu ki? Kandi Yahova u voye ki?

Jeremia 29:12

Na mwinye mu lanira inze, mu la tsia kusaala inze, na nda mu hulira.

Jeremia 32:17

O Mwami Yahova henza, ive u lombi ligulu nelirova nobunyali bubwo bunene nomukono gugwo gwa nyirwa; si ha veye nekindu kidinyu kuguuta ive,

Jeremia 32:27

Henza, inze mbeye Yahova, Nyasaye wa vemibiri vosi: ha veye nekindu kidinyu ki nyala kuguuta inze?

Danyeli 2:18

va saale ku Nyasaye womigulu, tsimbabasi ku likuva yili li viseywi, Danyeli na avakye veve va vule kudividzwa halala na avandi avandu avageeri va Babuloni.

Danyeli 2:22

a vuulanga ivindu vi veye mu luliva nomu liviswa; a manyanga vi veye mu kisundi, na ubulavu bu menyanga halala naye.

Danyeli 2:23

Nsantidzanga, nokukwidzominya, ive Nyasaye wavaguga vange, wa mpa ubugeeri netsingulu, na kalunu u mali kumannya inze likuva lya kwa teva ku ive; kigira u ku vuuliye likuva lyomwami.

Joeli 2:32

Na ga la va, ku vosi u lyanira ku lieta lya Yahova a la honnywa: kigira mu kigulu kya Zioni, na mu Yerusalemi, va la va ho yavo avalala ava hona, kuli Ya hova ya vola, na mu yava ava tigaye va la va ho ava Yahova a langa.

Amosi 3:7

Ligali Mwami Nyasaye si a la kola kindu, navutswa aga viswa gege a la vuulira avatumwa veve avaprofeti.

Mika 7:15

Kuli ga li mu madiku gelitwula lilyo mu kivala kya Egepeti nda mu mannya vyokugenya.

Matayo 13:35

Ga duke aga volwa nomunwa gwomuprofeti, na a vola, Nda kunula munwa gwange kukupa tsing'ano; Nda vola vindu vya yiswa kutwula inyinga yelirova lya lombwa.

Vikolwa 2:21

Kandi ga la va, ku vandu vosi u lyanira ku lieta lyo Mwami a la honnywa.

1 Vakorintho 1:2

ibaruwa yetu yiyi i dukire livugana lya Nyasaye li veye mu Korintho, yava ava takaswa mu Kristo Yesu, ava langwa va ve avatakatifu, halala na yavo vosi ava veye mu tsimbega tsyosi avanira ku lieta lyo Mwami wetu Yesu Kristo, Mwami wavo kandi wetu.

Vafeso 3:20

Kalunu ku uyu u nyalanga kukukolera ligali kuvita ga ku nyala kusaava naga kuganagana, kuli tsingulu tsi yinziranga mu kwinye,

Kwidzulitsa 4:29

Navutswa kutwula ha zana u lenya Yahova, Nyasaye wowo, u la mu nyola, inyinga u mwenya nomwoyo gugwo gwosi na roho gugwo gwosi.

Kwidzulitsa 4:7

Kigira ha veye nehiri ki yindi i veye inene, ava veye na Nyasaye u veye himbi navo, kuli Yahova Nyasaye wetu a veye lwa ku mwaniranga hosi?

Likunula 2:17

Uyu u veye nogutu, a hulire likuva lya Roho a voleranga mavugano. Uyu u guutanga nda mu ha mana i viseywi, kandi nda mu ha ligina lilavu, li ng'odeywi ku lieta lihya, lya u vula ho mundu u manyi, na a ta li uyu u hebeywi.