Jeremia 33:12 - KITABU KITAKATIFU

¹² Yahova wa mahe a vola ndi Kali ga la va ho kandi hano, aha veye hatswa, ha ta li nomundu kinga inyama, nommadala gaho gosi, ubumenyo bwa avayi ava gonnyanga mu kivala magondi gavo.

Jeremia 33:12 ပူးပေါင်းရင်းမြစ်များ

Lwimbu lwa Solomoni 1:7

U mbolere, O ive, womwoyo gwange gu yanza, Wayanga kyayo kyamagondi ha liha, U mbolere ho u sosidzanga inyinga yombasu hagati, ni haliha: Kigira ki inze kuva kuli mulala u kunikiywi ubwasasu Himbi nevyayo vyamagondi aga vakyo?

Isaya 65:10

Na Sharon ki la va kego kyevyayo, nelivona lya Akori ha la va hetsing'ombe tsi gona, kigira avandu vange va nyenyi.

Jeremia 17:26

Na va la twula mu madala ga Yuda, nokutwula hosi ku tsimbega tsya Yerusalemi, nokutwula mu kivala kya Benjamini, nokutwula mu kivala kyekereremu, nokutwula mu kivala kyevigulu, nokutwula ku luvega lwa Kusini, va letanga vihaanwa vyokusambwa, na visyuviriru, na vihaanwa vyelisantidza, va vi leta kuduka mu inyumba ya Yahova.

Jeremia 31:12

Na va ladza nokwimba mu hadiguluku ha Zioni, na va la londekana halala va tsie ku bulahi bwa Yahova ubuswage, newaini, namaguta, noku avana vamagondi, noku vimoli: nomwoyo gwavo gu la va kuli mulimi gwa samwa; na si va la vererera kandi mba.

Jeremia 31:24

Na Yuda namadala gakyo ga la menya mu halala, avalimi, na yavo ava vodonkananga nevyayo.

Jeremia 32:15

Kigira Yahova wa mahe, Nyasaye wa Israeli, a vola: Tsinyumba, nemilimi nemilimi gyemizabibu, vi la gulwa kandi mu kivala yiki.

Jeremia 36:29

Ka ndi ku makuva ga Jehoiakim mwami wa Yuda u la vola, Yahova a vola: Ive u sambi lilinga lyekitabu yikyo, nokuvola, Kigira ki ive u ng'odi mu kyo, kuvola, Mwami wa Babuloni ligali a ladza nokudividza kivala yiki nokuheridza avandu netsinyama?

Jeremia 50:6

Avandu vange va li amagondi ga gota: avayi vago va ga gotidzi; ga tsie kugendagenda; va ga girunkannyi ga tsie mu vigulu: ga tsiye kutwula mkigulu kuduka mu kagulu; giviriye hango hago hokusosa.

Jeremia 51:62

na u vole, O Yahova, ive wa vola ku makuva ga hano, u la twulidza, ha vule kuva nekindu ki menya ho, mundu kinga inyama, navutswa ha la va hatswa mihiga nemihiga.

Ezekieli 36:35

Na va la vola. Kivala yiki kya li hatswa ki gwiye kuli mulimi gwa Edeni; namadala aga li vyanyi na hatswa nokudividzwa, gombakeywi tsingaga nokumenywa navandu.

Haggai 1:4

Inyinga yiyi i dukiranga mwinye kumenya mu tsinyumba tsyenyu tsya vikwa tsimbao nenyumba yiyi i menyanga mu lisambuka?