Jeremia 33:11 - KITABU KITAKATIFU

¹¹ gu la hulirwa kandi mwoyo gwobuyanzi nomwoyo gwobusangali, nomwoyo gwa usereye nomwoyo gwomwiha, nemyoyo gya yavo ava volanga, Mu santidze Yahova wa mahe kigira uyu Yahova a veye mulahi kigira tsimbabasi tsitsye tsi tsitsagil'langa mihiga nemihiga; nemyoyo gya avahaananga vihaanwa vyelisantidza mu inyumba ya Yahova. Kigira ndirannya lyadikidzwa lyekivala kuli matsyambiri, Yahova a vola.

Jeremia 33:11 ပူးပေါင်းရင်းမြစ်များ

1 Kyetsinyinga 16:34

O santidza Yahova; kigira a veye mulahi; Kigira tsimbabasi tsitsye tsi veye ho mihiga nemihiga.

1 Kyetsinyinga 16:8

O santidze Yahova, wanire lieta lilye; U vuulire vikolwa vivye mu tsihiri.

2 Kyetsinyinga 20:21

Na lwa ya mala kuvolerana navandu, ya vika yavo avimbira Yahova, nokwidzominya ubukumi bwobutakatifu, lwa va twula imbiri welihe, ni va vola, Mu santidze Yahova; kigira tsimbabasi tsitsye tsi veye tsyemihiga nemihiga.

2 Kyetsinyinga 29:31

Hene yaho Hezekia ya va volera, Kalunu kuli mwivika ku Yahova; ku miyinzi mitakatifu, mwisunde ahimbi mu lete kihaanwa nekihaa nwa kyokusantidza mu inyumba ya Yahova. Ma livugana lya leta kihaanwa, nevihaanwa vyokusantidza; na vosi ava li nomwoyo gwokuyanza ua leta vihaanwa vyokusambwa.

2 Kyetsinyinga 5:13

na ga duka, lwa vakupi vevisiliva na avimbi va li kuli mulala, kukola guhu lirwe muhumu mulala mu lidzomi nya Yahova nokusantidza; nokuginga myoyo gyavo halala nevisiliva nevi kuli neviju vyokwimba, nokwidzo minya Yahova, kuvola, Kigira a veye mulahi; kigira tsimbabasi tsitsye tsya li tsyemihiga nemihiga; inyinga yeyo inyumba yizula lilesi, kali inyumba ya Yahova,

2 Kyetsinyinga 7:3

Avana va Israeli vosi va henza, lwa muliru gwika, nobu kumi bwa Yahova bwa li ku inyumba; na vinama avene matung'ama ku magina galwo, ni va sigamira, na va santidza Yahova, ni va vola, Kigira a veye mulahi; kigira tsimbabasi tsi tsye tsi veye tsyemihiga nemihiga.

Ezara 6:22

nokulomba lisavo lyobukima bu ta li namamera nobu sangali, madiku gatano na gaviri: kigira Yahova ya va sangalidza, nokugirunkannya mwoyo gwomwami wa Asuria gu yeke kuvo, a duke ku dinyeridza makono gavo ku miyinzi gyenyumba ya Nyasaye, Nyasaye wa Israeli.

Nehemia 12:43

Navo va haana vihaanwa vinene lidiku yili, na va sangala; kigira Nyasaye ya va sangalidza nobusa ngali bunene; kandi avakali navana va sangala ligali: kuduka busangali bwa Yerusalemi bwa hulirwa ihale ligali.

Nehemia 8:12

Navandu yavo vosi va tsia va duke kulia, nokunwa, nokullaanirana vidieli, nokukola isango ligali, kigira va manya makuva aga vilwadzirwa.

Zaburi 106:1

Mwidzominye Yahova. Mu santidze Yahova; kigira a veye mulahi; Kigira tsimbabasi tsitsye tsi veyeho mihiga nemihiga.

Zaburi 107:1

O mu santidze Yahova; kigira a veye mulahi; Kigira tsimbabasi tsitsye tsi veye ho mihiga nemihiga.

Zaburi 107:22

Va lete tsisadaka tsyelisantidza, Na va landidze makuva gemiyinzi gyigye mu lwimba.

Zaburi 116:17

Nda ku letera kihaanwa kyelisa ntidza Ndanira lieta lya Yahova.

Zaburi 147:13

Kigira u dinyiridzi miluguyu gyeviribwa vivyo; A gasidzanga avana vovo mu ive.

Zaburi 85:7

U ku mannye tsimbabasi tsitsyo, O Yahova Na u ku he ubuhonnyi bubwo.

Isaya 35:10

na avahonnywa va Yahova va lirana na va la duka Zioni, nokwimba; ubusangali bwemihiga ne mihiga bu la va ku mitwe gyavo: va la nyola ubusangali nobuyanzi, ubuvereri nelikenya vi la twulidzwa li'gali.

Isaya 51:11

Ava Yahova ya tungira va lirana, nokuduka Zioni nokwimba; ubusangali bwemihiga nemihiga bu la va ku mitwe gyavo: va la nyola ubuyanzi nobusangali; na livererera nelikenya va la tsiraligali.

Isaya 51:3

Kigira Yahova u leminyi Zioni mwoyo; u leminyi mwoyo ha lekwa vutswa hehe hosi, na u koli ligendanyama lilye kuva kuli mulimi gwa Edeni, na kyangalangwi kyikye kuva kuli mulimi gwa Yahova, ubuyanzi nelisangala bu la loleka mu lisantidza, nomwoyo gwelyembirana.

Isaya 52:8

Mwoyo gwa valindi vovo va ginga myoyo gyavo, vimba halala; kigira va la lola moni na moni, inyinga Yahova yirana Zioni.

Isaya 52:9

Mu twulidze tsinyimbu tsyobuyanzi, mwimbe halala, mwinye aha li hatswa ha Yerusalemi; kigira Yahova a leminya myoyo gyavandu veve, u tungiye Yerusalemi.

Jeremia 16:9

Kigira Yahova wa mahe, Nyasaye wa Israeli, a vola: Henza, imbiri wetsimoni tsyenyu, nomu madiku genyu, inze nda heridza hano mwoyo gwobusangali, nomwoyo gwesango, mwoyo gwa u sereye nomwoyo gwomwiha.

Jeremia 17:26

Na va la twula mu madala ga Yuda, nokutwula hosi ku tsimbega tsya Yerusalemi, nokutwula mu kivala kya Benjamini, nokutwula mu kivala kyekereremu, nokutwula mu kivala kyevigulu, nokutwula ku luvega lwa Kusini, va letanga vihaanwa vyokusambwa, na visyuviriru, na vihaanwa vyelisantidza, va vi leta kuduka mu inyumba ya Yahova.

Jeremia 25:10

Kandi kuvita yaga, nda va nuula mwoyo gwobusangali, nomwoyo gwobuyanzi, mwoyo gwa u seriye nomwoyo gwomwiha mwoyo gwetsing'ina, nobulavu bwolumuli.

Jeremia 29:14

Kandi nda nyoleka ku mwinye, Yahova a vola, nda girunkannya ubuhambe bwenyu, nda vungidza mwinye, mu twule mu tsihiri yitsyo tsyosi, nokutwula hosi ha nda mwadikidzira, Yahova a vola; nda mu leta kandi ha nda mu kola kutwula ho kuhilwa mbuhambe.

Jeremia 30:19

Kandi kuvo lisantidzwa li la hulirwa, na mwoyo gwa yavo ava sangalanga: na nda va meda, na si va la va avakekeke rnba; kandi nda va kuminya, navo si va la va avake mba.

Jeremia 30:3

Kigira, henza amadiku gadzanga, Yahova a vola mu madiku yago nda girunkannya kandi lyadikidzwa lyavandu vange Israeli na Yuda, Yahova a vola; nda virannya virane mu kivala kya nda ha avaguga vavo, na va li ki gumira.

Jeremia 32:44

Avandu va la gula milimi nefetha, nokung'oda ameta ku tsibaruwa, nokutsivika mihuri nokulanga avaloli, mu kivala kya a Benjamini, na hosi kutsimbega tsya Yerusalemi, nomu madala ga Yuda, nomu madala gekivala kyevigulu, nomu madala gekivala kyekereremu, nomu madala ga Kusini: kigira inze ndirznnya lyadikidzwa lyavo, Yahova a vola.

Jeremia 33:26

hene yaho nda ta kisukululwi kya Yakobo, nekya Daudi mutumekiri wange, nduhe mbule kuvugula ku kisukululwi kikye ava lyameha ku kisukululwi kikye kya Abrahamu, na Isaka, na Yakobo; kigira ndirannya lyadikidzwa lyavo, na nda va vererera.

Jeremia 33:7

Na ndirannya lyadikidzwa lya Yuda nelyadikidzwa lya Israeli, nokuvonbaka, kuli matsyambiri.

Jeremia 7:34

Inyinga yeyo nda heridza mu madala ga Yuda, nomu tsinzira tsye Yerusalemi, mwoyo gwobusangali, mwoyo gwesango, nomwoyo gwosereye, nomwoyo gwo mwiha; kigira kivala ki la va vutswa.

Amosi 9:14

Na nda galukidza kandi lyadikidzwa lyavandu vange Israeli, navo va lombaka madala aga ng'anywa, nokumenya mugo; na va la taga milimi gyemizabibu, na va la nwa iwaini yagyo; na va la lomba milimi, na va la lia makuyu gagyo.

Jona 2:9

Navutswa nda letera ive kihaanwa nomwoyo gwelisantidza; Nda tunga aga nda lagana. Ubuhonnyi bu veye bwa Yahova.

Nahum 1:7

Yahova a veye mulahi, a veye impinga ku lidiku lyekivi; a manya yava ava suuvira kuye.

Zefania 3:14

Wimbe, O mukana wa Zioni; kupa lwanga, O Israeli; u yanze nokusangala nomwoyo gwosi, mukana wa Yerusalemi.

Zekaria 10:7

Na yavo va Efiraim va la va kuli mundu wobunyali, myoyo gyavo gyi la sangala kuli gyi veye newaini; yee, avana vavo va la lola inkuva yiyi, na va la sangala; myoyo gyavo gyi la sangala mu Yahova.

Zekaria 8:19

Yahova wa mahe a vola: Lihonga lilia lyomueli gwe gyine nelihonga lilia mu mweli gwe gyitano, nomu mweli gwe gyitano na gyiviri, nomu mweli gwelikumi, ga la va ubuyanzi nobusangali bwenyumba ya Yuda, na malia gokuleminya mwoyo; kigira yaga mu yanza geligali nemire mbe.

Zekaria 9:17

Bu duka kuli ndi ubunene bwobugasu bwibwe na bu duka kuli ndi ubulahi bwibwe ubuswage bu la gasidza avayai, na iwaini impya i la gasidza avakana.

Yohana 3:29

U veye nomukana mwiha niye woserereywi: navutswa mulina woserereywi, u singira na a hulira mwoyo gwowoserereywi, a yanza muno kigira mwoyo gwowoserereywi: kunangwa ubuyanzi yibwo bwa mbeye nabwo bu duki.

Vahebraina 13:15

Kunangwa ku hilire Nyasaye ku uyu, kisyuviriru kyelidzominya kazozo, livola li veye makuyu geminwa gyeyamanga lieta lilye.

Likunula 18:23

kandi ubulavu bwetaya si bu lyaaka mu ive kandi mba; nomwoyo gwosereye nogwomwiha si gu li hulirwa mu ive kandi mba; kigira ava kirannyanga mu ive va li avanene velirova; kigira tsihiri tsyosi tsya gadwa nobukumu bubwo.