Jeremia 33:10 - KITABU KITAKATIFU

¹⁰ Yahova a vola ndi: Kali kandi ga la hulirwa hano, ha mu volanga Ha veye ahere, ha tsi ta veye nomundu kinga inyama, kali mu madala ga Yuda, nomu tsinzira tsya Yerusalemi, tsi veye hatswa, tsi ta li ku nomundu kinga avamenyi kinga inyama

Jeremia 33:10 ပူးပေါင်းရင်းမြစ်များ

Zaburi 147:13

Kigira u dinyiridzi miluguyu gyeviribwa vivyo; A gasidzanga avana vovo mu ive.

Zaburi 85:7

U ku mannye tsimbabasi tsitsyo, O Yahova Na u ku he ubuhonnyi bubwo.

Jeremia 26:9

Kigira ki wa profeta mu lieta lya Yahova, kuvola, Inyumba yiyi i la va kuli Shilo, nelidala yili li la va lyere, si li la va ho nomundu u menya mulyo? Navandu vosi va li ni va vuganiye Jeremia mu inyumba ya Yahova.

Jeremia 32:36

Kunangwa kigira yaga Yahova, Nyasaye wa Israeli, a vola, ku makuva gelidala yili, lya mwinye mu volanga kulyo amakuva yago, Li vikeywi mu mukono gwomwami wa Babuloni nekivavi, nenzala, nobulwaye:

Jeremia 32:43

Na milimi gyi la gulwa mu kivala yiki, kya mu volanga, Ki veye kyere, si ki veye nomundu kinga inyama; ki vikeywi mmakono ga Vakalidei.

Jeremia 34:22

Henza, nda laga, Yahova a vola, nda va leta kandi virane mu lidala yili: na va la lwana nalyo, nokulivugula, nokulisamba nomuliru: na nda kola madala ga Yuda kuva hatswa, ga vule kuva nomundu kumenya mugo.

Ezekieli 37:11

Hene yaho ya mbolera, Ive mwana womundu, vigumba yivi vi veye inyumba yosi ya Israeli: henza va vola, Vigumba vyetu vi veye viyumu, na lisuuviridzwa lyetu li goti; ku dividzwi ligali.

Kyavalevi 26:32

Na nda kola kivala ki duke kuva vutswa; na avasigu ava menya mukyo va la genya.

Haggai 1:4

Inyinga yiyi i dukiranga mwinye kumenya mu tsinyumba tsyenyu tsya vikwa tsimbao nenyumba yiyi i menyanga mu lisambuka?