Jeremia 32:40 - KITABU KITAKATIFU

⁴⁰ na nda kola navo lilagana li tsitsagil'la mihiga nemihiga, kuva si nda girunkana kuvaleka mba, nduke kuvakolera ubulahi; na nda vika litibwa lyange mu myoyo gyavo, va vule kuleka inze.

Jeremia 32:40 ပူးပေါင်းရင်းမြစ်များ

2 Samweli 23:4

A la ra kuli ubulavu bwomugamba, lwa liuva li tonganga, Mugamba gu ta li namalesi, Lwa bunyasi budoto bu sebukanga mu kivala, Ku ling'ereng'ana lyabwo inyima yembula.

Zaburi 80:19

O Yahova Nyasaye wa mahe, u kwirannye; U kole mmoni mumwo kung'ereng'ana, na kwinye ku la bonywa.

Isaya 24:5

Lirova lyononnyeywi isi wa va menyanga kulyo: kigira vononnya lilaga, nokugirunkannya amalago, nokwononnya lilagana lyemihiga nemihiga.

Isaya 55:3

Mu tegidze matu genyu, mudze ku inze; mu hulire, na myoyo gyenyu gyi la va mwoyo: na nda kola lilagana nemwinye li hongeranga mihiga nemihiga, nalyo li veye ubugasu bwa Daudi bu veye nobusuuvirifu.

Isaya 61:8

Kigira inze, Yahova, nda yanza likalaga lilungi, ndunyira bunuuli nobudamano; nda va tunga litungwa lyavo mu geligali, na nda lomba lilagana lyemihiga nemihiga halala navo.

Jeremia 24:7

Nda va ha myoyo gyokumanya inze, mbeye Yahova: va la va avandu vange, na inze nda va Nyasaye wavo; kigira va lirana ku inze nemyoyo gyavo gyosi.

Jeremia 31:34

Navo va la vula kwegidzana mundu sa mulala nowakye, kandi mundu sa mulala namwavo wewe, kuvola, Mu manye Yahova; kigira va la manya inze vosi, kutwula ku muke wavo kuduka ku munene wavo, Yahova a vola: kigira nda sameha ubudamano bwavo, nobwoni bwavo si nda bwidzulitsa kandi mba.

Jeremia 50:5

Va la teveridza ku makuva ga Zioni nommoni mwavo mu la yeka yo, ni va uola, Hambi, ku tsie kwehambannya ku Yahova mu lilagana lye mihiga nemihiga li li vula kwivirirwa.

Ezekieli 36:26

Kandi nda mu ha mwoyo muhya, na nda vika mu mwinye roho muhya; nda twulidza umwoyo gweligina gu veye mu mubiri gwenyu, na nda mu ha mwoyo gwenyama.

Ezekieli 36:27

Na nda vika Roho wange mu mwinye, na nda mu gendidza mu amalago gange, na mu la gumira miima gyange nokugyikola.

Ezekieli 37:26

Kandi nda kola lilagana lyemirembe halala navo; li la va lila gana lyemihiga nemihiga halala navo; nda va vika bulahi, nokuvameda, nda singeridza hatakatifu hange hagati havo mihiga nemihiga.

Ezekieli 39:29

kandi si nda visa mmoni mwange kuvo kandi mba; kigira mmali kutsuka Roho wange ku inyumba ya Israeli, Mwami Nyasaye a vola.

Mika 4:5

Kigira avandu vosi va genda sa mulala mu lieta lyomunya saye wewe; navutswa kwinye ku la genda mu lieta lya Yahova Nyasaye wetu mihiga nemihiga.

Kwidzulitsa 31:6

Mu ve avagulu navaluviriri, mu ta va nobutii, kandi mu ta va tia: kigira Yahova Nyasaye wowo, niye u tsitsanga halala nive; si a la ku gehera, kandi si a la ku leka mba.

Kwidzulitsa 31:8

Na Yahova, niye u kwimiriranga; a la va halala nive, si a la ku gehera, kandi si a la ku leka mba: u ta tia, kinga u ta henda mwoyo.

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,

Vahebraina 4:1

Kunangwa, lwa lisuuviridza lyelingira mu bwelemeridza bwibwe li tigala, ku tie, gasi mbula, mulala ku mwinye a vula kwingira.

Vahebraina 7:24

navutswa uyu, kigira a hindiranga mihiga nemihiga, a veye nobusalisi bwibwe bu ta girunkanywa.

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.

1 Petro 1:5

ava lindangwa netsingulu tsya Nyasaye, kigira lisuuvira kuduka ku buhonnyi, bwetegeki kulang'aminywa mu inyinga yekiheri.