Kandi nda singeridza lilagana lyange hagati hange na ive na visukululwi vivyo inyima wowo, mu visukululwi vyavo li ve lilagana lyemihiga nemihiga, nduke kuva Nyasaye ku ive noku visukululwi vivyo inyima wowo.
Kigira inze mmu manyi, kuduka a lage avana veve nevenyumba yeye inyima wewe, va duke kugumira inzira ya Yahova, kukola ubulungi nelikalaga lilungi; Yahova a duke kuleta ku Abrahamu aga ya vola kuye.
Naye ya vola, U ta hila mukono gugwo ku mwana, kandi u ta kola kindu kuye; kigira kalunu mmanya ive u tidzanga Nyasaye, kigira si u nyimi mwana wowo, mwana muderwa wowo.
Na ha zana ha la va lihasi, nenzira, na i la langwa Inzira yobutakatifu; ava ta li avanifu si va li genda kuyo; navutswa i la va ya yavo: avandu volugendo, kali ni va veye avasiru, si va li hyolera kuyo.
Navutswa lilagana lya nda kola nenyumba ya Israeli inyima wa madiku yago, Yahova a vola, ni yili: Nda vika lilaga lyange mugati mwavo, nda li ng'oda mu myoyo gyavonda va Nyasaye wavo, navo va la va avandu vange.
na nda kola navo lilagana li tsitsagil'la mihiga nemihiga, kuva si nda girunkana kuvaleka mba, nduke kuvakolera ubulahi; na nda vika litibwa lyange mu myoyo gyavo, va vule kuleka inze.
Yahova a vola yaga, Mu singire mu tsinzira mu lole, mu teveridze tsinzira tsya kale, inzira indahi i veye haliha; mu gende kuyo, na mu la nyola ubusosi ku myoyo gyenyu: navutswa va vola, Si ku la genda kutsyo mba.
na nda va kola kuva ihiri indala mu kivala yikyo, ku vigulu vya Israeli; na mwami mulala a la va mwami kuvo vosi: na si va la va tsihiri tsiviri kandi mba, kandi si va lavukana kuva ubwami buviri kandi mba kuduka mihiga nemihiga;
Na mutumekiri wange Daudi a la va mwami kuvo; na vosi va la va nomwayi mulala: kandi va la genda mu miima gyange, na va la gumira amalago gange ku ga kola.
Va la menya mu kivala kya nda ha mutumekiri wange Yakobo, kya vaguga venyu va menya mu; navo va la me nya mukyo, yava, na avana vavo, na visukulu vavo, kazozo: na mutumekiri wange Daudi a la va munene wavo madiku gosi, kuduka mihiga nemihiga.
vosi va duke kuva kindu kilala; kuli ive, Dada, u veye mu inze, na inze mu ive, kandi navo va duke kuva mu kwinye: avomkivala va duke kusuuvira ive wa ntuma.
kuli Nyasaye ya dukidza lisuuriridza zana ku vana vetu, ku lisimugukidza lya Yesu; kuli ga ng'odwa kandi mu zaburi yetsiviri, Ive u veye Mwana wange, lero mmali kukwivula.
Kandi kiduma kya yava va suuvira va li nomwoyo mulala na roho mulala: si ha li nomulala kuvo wa vola kindu kya ya li nakyo, ni kyange; navutswa va sanga vindu vyosi.
Kunangwa mavugana mu Buyuda, na Galilaya, na Samaria ga li nemirembe ni lyombakwa; ni ga genda mu butii bwo Mwami, nomu lileminywa lya Roho Mutakatifu, ni li dasika.
Kigira musatsa u ta suuvira a takasangwa kigira mukali wewe, kandi mukali u ta suuvira a takasangwa kigira musatsa. Ni ga ta li ndiyo, nkano avana venyu navadamano; navutswa kalunu va veye avalungi.
Inyima, avamitu, mu gase. Mu dukire; mu leme mwoyo; mu ve nomwoyo mulala; mu menye mu mirembe: kandi Nyasaye wobuyanzi nemirembe a la va nemwinye halala.
Na Yahova ya ku laga kukola amalago yaga gosi, nokutia Yahova Nyasaye wetu, bu duke kuva ubulahi ku kwinye madiku gosi, a ku honnye ku ve mwoyo, kuli ga veye lero.