Jeremia 32:37 - KITABU KITAKATIFU

³⁷ Henza, nda va vungidza nokuvatwulidza mu vivala yivi vyosi, vya nda va kunga ni va tsia yo mu livihirirwa lyange, nomu likendeka lyange, nomu butima bwange bunene; na nda va leta kandi vadze hano, nda va vika va menye nemirembe.

Jeremia 32:37 ပူးပေါင်းရင်းမြစ်များ

Zaburi 106:47

U ku honnye, O Yahova Nyasaye wetu, U ku vungidze kutwula mu tsihiri, Ku santidze lieta lilyo litakatifu, Na ku guute mu lidzominywa lilyo.

Jeremia 12:14

Yahova a vola ndi ku vakye vange vadamano vosi, ava diranga miyandu gya nda ha vandu vange Israeli kugumira: Henza, nda viha va twule mu kivala kyavo, kandi ndiha inyumba ya Yuda i twule hagati havo.

Jeremia 16:14

Kigira yaga, henza, madiku gadza Yahova a vola, mmadiku gene yago iikuva yili si li la volwa kandi mba, Kuli Yahova a veve mwoyo, wa leta avana va Israeli kwanegira kutwula mu kivala kya Egepeti;

Jeremia 16:15

navutswa, likuva yili li la volua, Kuli Yahova a veye mwoyo wa leta avana va Israeli kutwula ku kivala kya kasikasini, nokutwula mu vivala vyosi vya ya vadikidzira mu. Na nda va leta kandi mu kivala kyavo avene, kivala kya nda ha avaguga vavo.

Jeremia 21:5

Na inze mwene nda lwana na mw inye nomukono gwa nyirwa nomukono gwetsingulu, mu livihirirwa, nomu bululu, nomu butima bunene.

Jeremia 23:3

Na nda vungidza li tigala lyekyavo kyange kutwula vivala vyosi ha mba hili, na nda va leta kandi mu kego kyavo, na va livulana nokumedeka.

Jeremia 23:6

Mmadiku gege Yuda a la hona, na Israeli a menya mu mirembe; na lieta lilye lya a li gulikwa ni yili: YAHOVA BULUNGI BWETU.

Jeremia 23:8

navutswa va la vola, Kuli Yahova a veye mwoyo wanegiridza nokwimirira kisukululwi kyenyumba ya Israeli kutwula mu kivala kya kasikasini, nokutwula mu vivala vyosi vya nda va hila mu. Na va la menya mu kivala kyavo avene.

Jeremia 24:6

Kigira nda vumika nobulahi, na nda va leta vingire mu kivala yiki kandi; na nda vombaka, si nda va sambula mba; nda va simika, si nda viha mba.

Jeremia 29:14

Kandi nda nyoleka ku mwinye, Yahova a vola, nda girunkannya ubuhambe bwenyu, nda vungidza mwinye, mu twule mu tsihiri yitsyo tsyosi, nokutwula hosi ha nda mwadikidzira, Yahova a vola; nda mu leta kandi ha nda mu kola kutwula ho kuhilwa mbuhambe.

Jeremia 30:18

Yahova a vola: Henza, ndirannya kandi lyadikidzwa lya mahema ga Yakobo, na nda vererera ubumenyo bwibwe; nelidala li lombakwa ku vyanyi vyalyo vyene, nenyumba yobwami i la menywa ku lilonda mwimagwayo.

Jeremia 31:10

Mu hulire likuva lya Yahova O mwinye avetsihiri tsyosi, nokulilandidza mu visulu vye ihale; mu vole, Uyu wa salannya Israeli a la mu vungidza, nokumulinda, kuli mwayi a lindanga kyayo kikye.

Jeremia 32:15

Kigira Yahova wa mahe, Nyasaye wa Israeli, a vola: Tsinyumba, nemilimi nemilimi gyemizabibu, vi la gulwa kandi mu kivala yiki.

Jeremia 33:16

Mmadiku yago Yuda a la honnywa, na Yerusalemi li la menye mmirembe: na lieta lilue lya a li langwa ni yili: YAHOVA ubulungi bwetu.

Jeremia 33:7

Na ndirannya lyadikidzwa lya Yuda nelyadikidzwa lya Israeli, nokuvonbaka, kuli matsyambiri.

Ezekieli 11:17

Kunangwa, u vole, Mwami Nyasaye a vola ndi: Nda mu vungidza mu twule mu avandu, nda mu vugannya halala mu twule mu vivala vya mwa salannywa mu, na nda mu ha kivala yiki kya Israeli.

Ezekieli 20:34

Nda mu twulidza mu avandu, nokumuvungidza mu twule mu vivala vya mwa salannywa mu, nomukono gwobunyali, nomu kono gwa nyirwa nobutima bwa tsukwa;

Ezekieli 28:25

Mwami Nyasaye a vola ndi: Lwa mmala kuvungidza inyumba ya Israeli kutwula ku avandu va va sa lanywa mu, nokutakaswa muvo imbiri wetsihiri, hene yaho va la menya mu kivala kyavo kya nda ha mutumekiri wange Yakobo.

Ezekieli 28:26

Na va la menya nemirembe mukyo; yee, va lombaka tsinyumba, nokusimika milimi gyemizabibu, na va la menya nemirembe, lwa inze mmali kukalaga ku yavo ava va leganga ava va kumbiridza; na va la manya inze mbeye Yahova Nyasaye wavo.

Ezekieli 36:24

Kigira nda vugula mwinye hagati hetsihiri, na nda mu vungidza kutwula mu vivala vyosi, na nda mu leta mu kivala kyenyu avene.

Hosea 1:11

Na avana va Yuda na avana va Israeli va la vungidzwa halala, na va levikira avene mutwe mulala, na va lanegira kutwula mkivala yikyo, kigira lidiku lya Jezireeli li la va linene.

Hosea 3:5

na lwenyima avana va Israeli va la galuka, nokwenya Yahova Nyasaye wavo, na Daudi mwami wavo, na va ladza nobutii ku Yahova noku bulahi bwibwe mmadiku gekiheri.

Joeli 3:20

Navutswa Buyuda ki la menya mihiga nemihiga, na Yerusa lemi li la menya kuduka makula na makula.

Zefania 3:20

Inyinga yeyo nda leta mwinye ku mwingeridza, inyinga yeyo nda mu vungidza halala; kigira nda mu kolera lieta nelidzominywa mu avandu vetsihiri tsyosi tsyomu lirova, lwa ngalukidza lyadikidzwa lyenyu imbiri wetsimoni tsyenyu, Yahova a vola.

Zekaria 14:11

Avandu va la menya mu, si ha la va nelilaama kandi mba; navutswa Yerusalemi li la menya nemirembe.

Zekaria 3:10

Mu lidiku yilyo mu la langa sa mulala mutende wewe isi womuzabibu, na isi womukuyu, Yahova wa mahe a vola.