Jeremia 32:32 - KITABU KITAKATIFU

³² kigira ubudamano bwosi bwavana va Israeli navana va Yuda, bwa va kola kumbihiriridza, yava, navami vavo, navaneni vavo, navasalisi vavo, navaprofeti vavo, navasatsa va Yuda, na va menyanga Yerusalemi.

Jeremia 32:32 ပူးပေါင်းရင်းမြစ်များ

Ezara 9:7

Ku twula ku madiku gavaguga vetu ku gwiye avamahyolo ligali kuduka lero; kandi kigira ubudamano bwetu, kwi nye, navami vetu, navasalisi vetu, kwa li ni kwa vikwa mmakono gavami vevivala, nekivavi, nokuhilwa ava hambe, nokuhilwa valanye, noku tsisoni tsyommoni mwetu, kuli ga veye lero.

Isaya 1:23

Avanene vovo vebaaye, va veye avakye va avivi; sa mulala a yanza vikukula, nokulonda litungwa: si va kalagira avabisandu bulungi mba, kinga makuva ga vakunzakali si ga dukanga kuvo mba.

Isaya 22:1

Ubuliduhu bwelivona lya malola. U veye na ki kalunu, kuduka wanegiye kutsia ligali ku visegese vyetsinyumba?

Jeremia 2:26

Kuli umwivi a veye isoni lwa a nyoleka, ni ndiyo inyumba ya Israeli i veye isoni; y avo, na avami vavo, navanene vavo, navasalisi vavo, na avaprofeti vavo;

Jeremia 44:17

Navutswa ligali kwinye ku la dukidza likuva sa lilala li twulanga mu minwa gyetu, kuvuyidzira mwami wekikali womi gulu vimuli, nokumutsukira vihaanwa vyevyokunwa, kuli kwa kola, kwinye na vaguga vetu, navami vetu, navane ne vetu, mu madala ga Yuda, nomu mahasi ga Yerusalemi; kigira inyinga yeyo kwa li nevyokulia vinyingi, kandi kwa li nobulamu bwetu, na si kwa lola budamano.

Jeremia 44:21

Vimuli vya mwa vuyidza mu madala ga Y uda, nomuhasi ga Yerusalemi, mwinye na vaguga venyu, navami venyu, navanene venyu navandu vekivala Yahova si yidzulitsa avandu yava, na inkuva yiyi si yingira mu mwoyo gwigwe?

Jeremia 7:17

Ive si u lola aga va kolanga mmadala ga Yuda nokutsinzira tsya Yerusalemi?

Ezekieli 22:6

Henza avanene va Israeli, sa mulala kuli tsingulu tsitsye tsi veye va li mu ive kutahidza masahi.

Danyeli 9:16

O Mwami, kuli ubulungi bubwo bwosi nku saalanga ligali, u leke ubutima bubwo nelivihirirwa lilyo vi girunkanywe kutwula ku lidala lilyo Yerusalemi, kigulu kikyo kitakatifu; kigira ku bwoni bwetu, noku mahyolo gavaguga vetu, Yerusalemi na avandu vovo va gwiye amanyego ku vosi ava menya ku tsindulu tsyetu tsyosi.

Danyeli 9:6

kandi si kwa hulira avatumiki vovo avaprofeti, ava volera avami vetu, na avanene vetu, na avaguga vetu, na avandu vosi vekivala, mu lieta lilyo.

Danyeli 9:7

O Mwami, ubulungi bu veye bubwo, navutswa ubweluliri bwommoni bu veye bwetu, kuli ga veye lero; ku avandu ve Buyuda, noku avamenya mu Yerusalemi, noku Vaisraeli vosi, ava veye himbi na ava veye ihale, mu vivala vyosi ava ive wa ku kunga kuduka muvyo, kigira mahyolo gavo ga va hyola ku ive.

Danyeli 9:8

O Mwami, ubweluliri bwomoni bu veye bwetu, nobwa avami vetu, nobwa vanene vetu, nobwa avaguga vetu, kigira kwoni ku ive.