Jeremia 32:31 - KITABU KITAKATIFU

³¹ Kigira lidala yili li gwiye kyokumbika livihiriridza nekyobutima bwange bwomuliru kutwula ku lidiku lya va lyombaka kuduka lidiku lya lero; nduke ku li twulidza li vule kuva imbiri wetsimoni tsyange:

Jeremia 32:31 ပူးပေါင်းရင်းမြစ်များ

2 Avami 21:16

Kandi Manase ya tahidza masahi manyingi ga ta li nekindu, kuduka ya gizulitsa Yerusalemi kutwula luvega yilu kuduka luvega lundi; kuvita bwoni bwibwe bwa ya kola bwa ya gotidzira ku Yuda, ku likola budamano imbiri wa Yahova.

2 Avami 23:15

Kandi ubwali bwa li ha Betheli, na hadiguluku ha Jeroboam mwana wa Nebati yombaka, uyu wa gotidza Israeli, bwali bwa hadiguluku, ya bu sambula; na a samba hadiguluku, na a ha swaga kuduka ha gwa ulugukyi, na a samba misala gyemisambwa.

2 Avami 23:27

Yahova ya vola Nda twulidza Yuda kandi a twule imbiri wetsimoni tsyange, kuli nda twulidza Israeli, na nda ta lidala yili lya nda tovola, Yerusalemi, nenyumba ya nda vola makuva gayo, Lieta lyange li la va ho.

Jeremia 23:39

kigira yaga, henza, ndivirira mwinye ligali, na nda mu ta ihale, halala nelidala lya nda ha mwinye navaguga venyu, mu twule imbiri wommoni mwange:

Jeremia 27:10

kigira va mu profeteranga ububehi, va duke kumutwulidza mu tsie ihale nekivala kyenyu, kandi inze mmu twulidze, mu dive.

Lisyoma lya Jeremia 1:8

Yerusalemi ya kola ubwoni ligali; kigira yaga u gwiye kuli kindu kidamano; Yavo ava li ni va mwidzominya va mu lega, kigira va loli kyahonyo kikye: Yee, a kenyanga, nokwegirunkannya a tsie inyima.

Danyeli 9:16

O Mwami, kuli ubulungi bubwo bwosi nku saalanga ligali, u leke ubutima bubwo nelivihirirwa lilyo vi girunkanywe kutwula ku lidala lilyo Yerusalemi, kigulu kikyo kitakatifu; kigira ku bwoni bwetu, noku mahyolo gavaguga vetu, Yerusalemi na avandu vovo va gwiye amanyego ku vosi ava menya ku tsindulu tsyetu tsyosi.

Matayo 23:37

O Yerusalemi, Yerusalemi, lidala liita avaprofeti, nokulasa magina avatumwa kulyo Kuduka tsinyinga hali kanga ni nyenya kuvungidza avana vovo kuli inyavuli i vungidza viminyo vyayo mu mwetsimbaha tsyayo, navutswa mwambakana