Jeremia 32:24 - KITABU KITAKATIFU

²⁴ Henza, vitumi, vya dukidzwa ku lidala va duke ku li vugulanelidala lya vikwa mmakono ga Vakalidei va lwananga nalyo, kigira kivavi, nenzala, nobulwaye; na ga wa vola ga dukidzeywi; henza, ive u ga lolanga.

Jeremia 32:24 ပူးပေါင်းရင်းမြစ်များ

2 Samweli 20:15

Na va duka ni va mu kumberidzira mu Abeli lya Bethmaaka, ni va kola kitumi imbiri welidala, ni ki singira nokuduka ku lidigi lyempinga; navandu ava li halala na Joabu va sasugula lidigi va duke kulitsoma hasi.

Isaya 37:33

Kunangwa kigira yaga Yahova a vola ndi ku makuva gomwami wa Asuria, Si a lingira mu lidala yili mba, kandi si a la lasa ho mbano, kandi si a ladza mmugidzi gwelidala yili nengavo, kandi si a la kola kitumi kyalyo.

Jeremia 16:4

Va la kudza nelikudza lidamano ligali; va la vula kusyomirwa, kandi va la vula kutebwa; va la va kuli amandu ku mmoni mwelirova; va la dividzwa nekivavi, nenzala; na mibiri mikudzu gyavo gyi la va vyokulia vyamanyonyi gombwerefu, nevyetsinyama tsyelirova.

Jeremia 20:5

Kuvita yaga nda haana ubutugi bwosi bwelidala yili, nevyambeti vyalyo vyosi, nevindu vyalyo vyosi vyobuguli budinyu, yee, tsikiba tsyosi tsya avami va Yuda nda ha avasigu vavo mmakono gavo; yavo ava li va lanya, nokuvavugula, nokuvahila va tsia navo Babuloni.

Jeremia 24:10

Na nda tuma kivavi, nenzala, nobulwaye, hagati havo, kuduka va dividzwe ligali mu kivala kya nda va ha na vaguga vavo.

Jeremia 29:17

Yahova wa mahe a vola: Henza, nda tuma kuvo kivavi, nenzala, nobulwaye, na nda va kola kuva kuli makuyu madamano, ga ta libwa, ku liva lya ga veye madamano.

Jeremia 29:18

Nda va londerera nekivavi, nenzala, nobulwaye, nda va twulidza va sigiswe yiyi neyiyi mu bwami bwosi bwelirova, va duke kuva lilaamwa, neligenyerwa, nelikunukirwa, nelinyegwa, mu tsihiri yitsyo tsyosi tsya nda va hila mu;

Jeremia 32:25

Na ive, O Mwami Nyasaye, u mali kumbolera, Wegulire mulimi nefetha, nokulanga avaloli; halala na yaga lidala li vikeywi mmakono ga Vakalidei.

Jeremia 32:28

Kunangwa Yahova a vola ndi: Henza, nda vika lidala yili mmukono gwa Vakalidei, nommukono gwa Nebukadirezaru mwami wa Babuloni, naye a la li vugula:

Jeremia 32:3

Kigira Zedekia mwami wa Yuda ya mu boha, na a vola, Kigira ki u profeta, nokuvola, Yahova a vola, Henza, nda vika lidala yili mmukono gwomwami wa Babuloni, naye a la li vugula;

Jeremia 32:36

Kunangwa kigira yaga Yahova, Nyasaye wa Israeli, a vola, ku makuva gelidala yili, lya mwinye mu volanga kulyo amakuva yago, Li vikeywi mu mukono gwomwami wa Babuloni nekivavi, nenzala, nobulwaye:

Jeremia 32:5

na a la hila Zedekia Babuloni, na a la va yo kuduka lwa nduka kuye, Yahova a vola: kali ni mu lwana na Vakalidei, si mu la gasidzwa?

Jeremia 33:4

Kigira Yahova, Nyasaye wa Israeli, a vola, ku makuva getsinyumba tsyelidala yili, noku makuva getsinyumba tsyavami va Yuda, itsya sambulwa kuduka kulolomba lugaga lwevitumi nekivavi;

Jeremia 34:17

Kigira yaga Yahova a vola: Mwinye si mu huliye inze mba, kulandidzanira makuva gelibohololwa, mundu sa mulala namwavo wewe, na sa mulala nowakye: henza, inze nandidzira mwinye amakuva gelibohololwa, Yahova a vola, li veye libohololwa lyekivavi, nobulwaye, nenzala; na nda kola mwinye ku sigiswa yiyi neyiyi mu bwami bwosi bwomu lirova.

Jeremia 52:4

Na ga duka mu muhiga gwa gyitano na gyine gwelyameha lilye mu mweli gwelikumi, ku lidiku lyelikumi lyomweli, Nebukadirezaru mwami wa Babuloni yadza uyu nelihe lilye lyosi, ku Yerusalemi, na ya singeridza amahema gege kulyo; navo vombaka tsimpinga ku li kumbiridza.

Jeremia 52:6

Mu mweli gwa gyine, ku lidiku lya gatano na gane gyomweli, inzala ya kira ligali mu lidala, kuduka ubukima ni bu vula kuva ho ku avandu vekivala.

Jeremia 6:6

Kigira Yahova va mahe a vola, Tema misala, mu lombe kitumi kuhing'ana ku Yerusalemi: yili ni lidala lyokulutwa; li veye nelidambidza lyere mulyo.

Ezekieli 14:21

Kigira Mwami Nyasaye a vola ndi: Ga la va kuvita kuli ndi lwa ndeta gokukalaga gange gane yaga bululu ku Yerusalemi, kivavi, nenzala, netsinyama tsindamano, nobulwaye, kuduka kutwulidza ku kivala avandu nemitugu

Ezekieli 21:22

Mu mu kono gwigwe mulungi ya li nobusegetiri bwa Yerusalemi, kuvika vindu vyokusambula, kukunula munwa mu liita, nokuginga mwoyo mu lihanzuka, kuvika vindu vyokusambula imbiri weviribwa, kukola vitumi, kwombaka tsimpinga.

Ezekieli 21:27

Inze nda tung'aminya, tung'ami nya, tung'aminya kya zana: yiki si ki la va ho mba, kuduka a luhe yadze uyu wa ki veye kikye; na nda ha uyu.

Ezekieli 26:8

A liita nekivavi avakana vovo va veye mu mulimi: na a la lomba tsimpinga ku ive, nokulomba kitumi ku ive, nokuginga ingavo ku ive.

Ezekieli 4:2

na u li kumbiridze, nokwombaka tsimpinga kulyo, nokulomba kitumi kinene imbiri walyo; u singeridze mahema imbiri walyo, u vike viduyiru vyokusambula kulikumbiridza tsimbega tsyosi.

Habakuk 1:10

Yee, va kolera avami kihenyahenye, navanene va gwiye lilega lilye; a leganga tsimpinga tsyosi; kigira a vungidzanga lugukyi nokulugumira.

Zekaria 1:6

Navutswa makuva gange na malago gange, ga nda laga avaprofeti avatumekiri vange, si ga nyola avadada venyu yavo? Navo va girunkannya nokuvola, Kuli Yahova wa rnahe ya saavira kukukolera, kuli tsinzira tsyetu, kuli vikolwa vyetu, ni ndiyo ya ku kolera.

Matayo 24:35

Ligulu nelirova li la vita, navutswa amakuva gange si ga li vita mba.

Kwidzulitsa 4:26

nda langa ligulu nelirova kulolekidza ku mwinye lero, mu la duka kudividzwa ligali bwangu ku kivala ha mwambuka Yordani kukigumira; si mu la nyola madiku genyu kuva manyingi kukyo, mu lononywa ligali.