Jeremia 32:21 - KITABU KITAKATIFU

²¹ na wa twulidza avandu vovo Israeli kutwula mu kivala kya Egepeti nevyokulolekidza nevyokugenya nomukono gwetsingulu, nomukono gwa nyirwa, nelitihidza linene;

Jeremia 32:21 ပူးပေါင်းရင်းမြစ်များ

2 Samweli 7:23

Kandi ni ihiri ki mu lirova i veye kuli avandu vovo, kuli Israeli, ava Nyasaye ya tsia kwegulira va ve avandu veve, nokwenyolera lieta, nokumukolera vindu vinene, vindu vyokutihidza kigira kivala kikyo, imbiri wavandu vovo, ava wa gula va ve avovo kutwula Egepeti, kutwula mu tsihiri nomu vanyasaye vavo?

1 Avami 8:42

(kigira va la hulira gusuma gwelieta lilyo linene, nogwomukono gugwo gwetsingulu, nogwomukono gugwo gwa nyirwa); lwa yadza noku saala nelihenza ku inyumba yiyi;

1 Kyetsinyinga 17:21

Ka ndi ha veye na ihiri ki mu lirova i veye kuli avandu vovo Israeli, ava. Nyasaye ya tsia kutungira va ve avandu veve mwene, a duke kukulo mbera lieta ku vindu vinene vyoku tihidza, ku likunga tsihiri tsi twule imbiri wavandu vovo, va ive wa tu ngira kuvatwulidza Egepeti?

Zaburi 105:37

Ya va leta kyova, na va li nefetha na ithahabu Na si ha li nomudedekere kali mulala mu tsihiri tsitsye.

Zaburi 105:43

Naye ya twulidza avandu veve nelisangala Avatovole veve netsinyimbu.

Kutwula 13:14

Kandi ga la va, lwa mwana wowo a la ku teva inyinga yidzanga, na a vola, Ni kindu ki yiki?Ive u la mu volera, Yahova ya ku twulidza mu kivala kya Egepeti nomukono gwetsingulu, mu inyumba yobutugwa.

Kutwula 13:9

Kandi li la va lilolekidza ku ive ku mukono gugwo, na kyokwidzulitsa hagati hetsimoni tsitsyo, lilaga lya Yahova li duke kuva mu munwa gugwo: kigira Yahova u ku twulidzi mu kivala kya Egepeti nomukono gwteingulu.

Kutwula 3:20

Kandi inze nda nyira mukono gwange, nokuduya Egepeti na vyokugennya vyange vyosi vya ndi kola hagati hakyo: na inyima wa yaga a la mu ha munwa kutsia.

Kutwula 6:1

Na Yahova ya volera Musa, Kalunu u la lola kya nkolera Farao: kigira ku mukono gwetsingulu a la va lakula va tsie, kandi ku mukono gwetsingulu a la va kunga va twule mu kivala kikye.

Kutwula 6:6

Kunangwa u volere avana va Israeli, Inze mbeye Yahova, na nda twulidza mwinye mu twule ku misigo gya Avaegepeti, na nda mu honnya ku butugwa bwavo, nda mu boholola nomukono gwa nyirwa, nelikalaga linene:

Isaya 63:12

Uyu wa gendidza mukono gwigwe gwobukumi ku mukono mulungi gwa Musa? Uyu watannya amadzi imbiri wavo a duke kwelombera mwene lieta lyemiihiga nemihiga?

Kwidzulitsa 11:3

nevilolekidzu vivye, nemiyinzi gyigye, gya ya kola ku Farao mwami wa Egepeti, nekivala kikye kyosi hagati ha Egepeti;

Kwidzulitsa 26:8

na Yahova ya ku twulidza Egepeti nomukono gwetsingulu, nomukono gwanyirika, nelitihidza linyingi, nelilolekidza, nevyokugennya;

Kwidzulitsa 4:34

Kinga inyinga ki Nyasaye ya tsia kwevugulira ihiri hagati hehiri yindi, neligeridza, nelilolekidza, nevyokugennya, nobulwani, nomukono gwetsingulu, nomukono gwanyirika, nelitihidza linene, kuleng'ana navyosi vya Yahova Nyasaye wenyu ya mu kolera Egepeti imbiri wetsimoni tsyenyu?

Kwidzulitsa 7:19

mageridzo manene getsimoni tsitsyo tsya lola, nevilolekidzu, nevyokugennya, nomukono gwetsingulu, nomukono gwanyirika, gwa Yahova Nyasaye wowo ya ku twulidzira: na ndiyo Yahova Nyasaye wowo a la kolera tsihiri tsyosi tsyo u tidzanga.