Jeremia 32:20 - KITABU KITAKATIFU

²⁰ wa vika vilolekidzu na vyokugenya mu kivala kya Egepeti, kuduka ku lidiku lya lero, mu Israeli, na hagati na vandu vandi; nokwelombera lieta kuli ga veye lero;

Jeremia 32:20 ပူးပေါင်းရင်းမြစ်များ

2 Samweli 7:23

Kandi ni ihiri ki mu lirova i veye kuli avandu vovo, kuli Israeli, ava Nyasaye ya tsia kwegulira va ve avandu veve, nokwenyolera lieta, nokumukolera vindu vinene, vindu vyokutihidza kigira kivala kikyo, imbiri wavandu vovo, ava wa gula va ve avovo kutwula Egepeti, kutwula mu tsihiri nomu vanyasaye vavo?

1 Kyetsinyinga 17:21

Ka ndi ha veye na ihiri ki mu lirova i veye kuli avandu vovo Israeli, ava. Nyasaye ya tsia kutungira va ve avandu veve mwene, a duke kukulo mbera lieta ku vindu vinene vyoku tihidza, ku likunga tsihiri tsi twule imbiri wavandu vovo, va ive wa tu ngira kuvatwulidza Egepeti?

Nehemia 9:10

wa lolekidza vilolekidza vinyingi nevyokugenya ku Farao, noku vatumekiri veve vosi, noku avandu vosi avekivala kikye; kigira ive u manya va va kolera nobwigingiri na wenyolera lieta, kuli li veye lero.

Nehemia 9:11

Na watannya inyanza imbiri wavo, kuduka va vita hagati henyanza mu kivala kyumu; na yavo ava va londerera wa va ta mu luliva, kuli ligina mu madzi manene.

Zaburi 135:9

Wa hila lilolekidza na vyokugenya hagati hoho, O Egepeti, Noku Farao, noku vatumekiri veve vosi;

Kutwula 10:2

kandi u duke kuvola mu matu gomwana wowo, nomu agevisukulu vovo, vya nkoli ku Egepeti, na vilolekidzu vyange vya nkoli hagati havo; mwinye mu duke kumanya inze mbeye Yahova.

Kutwula 3:20

Kandi inze nda nyira mukono gwange, nokuduya Egepeti na vyokugennya vyange vyosi vya ndi kola hagati hakyo: na inyima wa yaga a la mu ha munwa kutsia.

Kutwula 7:3

Na nda dinyeridza mwoyo gwa Farao na nda meda vilolekidzu vyange na vyokugenya vyange mu kivala kya Egepeti.

Kutwula 9:16

navutswa na geligali nda singeridza ive kigira yaga, nduke kulang'aminya ku ive tsingulu tsyange, na kandi lieta lyange li landidzwe mu lirova lyosi.

Isaya 63:12

Uyu wa gendidza mukono gwigwe gwobukumi ku mukono mulungi gwa Musa? Uyu watannya amadzi imbiri wavo a duke kwelombera mwene lieta lyemiihiga nemihiga?

Isaya 63:14

Kuli tsing'ombe tsi sulungutanga kutsia mivona, Roho wa Yahova ya va sosidza: ni ndiyo wimirira avandu vovo u duke kwelombera ive mwene lieta iyobukumi.

Jeremia 13:11

Kigira ga veye kuli musipi gu hambana nekikenge kyomundu, ni ndiyo inze ndehambannya inyumba yosi ya Israeli nenyumba yosi ya Yuda, Yahova a vola; va duke kuva ku inze avandu nelieta, nelidzominywa, nobukumi, navutswa si va bugirira kuhulira mba.

Danyeli 6:28

Ma Danyeli uyu ya menya bulahi mu lyameha lya Dario, nomu lya Kiru Mupersia.

Danyeli 9:15

Na kalunu, O Mwami wetu, Nyasaye wa twulidza avandu vovo mu kivala kya Egepeti nomukono gwetsingulu, nokwenyolera ubukumi, kuli bu veye lero; kwinye kwoni, kandi ku koli ubudamano.

Vikolwa 7:36

Mundu uyu ya vimirira kutwula, inyima wa ya kola vyokugenya nevilolekidzu mu Egepeti, nomu Inyanza Inzakanyu, kandi mu kyangalangwi imihiga amakumi gane.

Kwidzulitsa 11:3

nevilolekidzu vivye, nemiyinzi gyigye, gya ya kola ku Farao mwami wa Egepeti, nekivala kikye kyosi hagati ha Egepeti;

Kwidzulitsa 4:34

Kinga inyinga ki Nyasaye ya tsia kwevugulira ihiri hagati hehiri yindi, neligeridza, nelilolekidza, nevyokugennya, nobulwani, nomukono gwetsingulu, nomukono gwanyirika, nelitihidza linene, kuleng'ana navyosi vya Yahova Nyasaye wenyu ya mu kolera Egepeti imbiri wetsimoni tsyenyu?

Kwidzulitsa 6:22

Yahova ya lolekidza vilolekidzu nevyokugennya, vinene neviliduhu, ku Egepeti, noku Farao, noku inyumba yeye yosi, imbiri wetsimoni tsyetu;

Kwidzulitsa 7:19

mageridzo manene getsimoni tsitsyo tsya lola, nevilolekidzu, nevyokugennya, nomukono gwetsingulu, nomukono gwanyirika, gwa Yahova Nyasaye wowo ya ku twulidzira: na ndiyo Yahova Nyasaye wowo a la kolera tsihiri tsyosi tsyo u tidzanga.