Jeremia 32:17 - KITABU KITAKATIFU

¹⁷ O Mwami Yahova henza, ive u lombi ligulu nelirova nobunyali bubwo bunene nomukono gugwo gwa nyirwa; si ha veye nekindu kidinyu kuguuta ive,

Jeremia 32:17 ပူးပေါင်းရင်းမြစ်များ

Litanga 18:14

Ha veye nekindu ku vyosi ki nyala kutama Yahova? Ku inyinga ya lagwa ndirana ku ive, lwa tsinyinga tsi duka, na Sara a la nyola mwana muyai.

2 Avami 19:15

Na Hezekia ya saala Yahova, na a vola, O Yahova, Nyasaye wa Israeli, ive wikalanga igulu wa vakerubi, ive u veye Nyasaye, ive weng'ine, wobwami bwosi bwelirova; na ive wa lomba ligulu nelirova.

2 Avami 3:18

Na inkuva yiyi i veye inyangu imbiri wa Yahova: halala na yaga a la vika Vamoabu mu makono genyu.

Nehemia 9:6

Ive u veye Yahova, ive weng'ine; ive wa lomba ligulu, ligulu lyemigulu, halala nelihe lyalyo lyosi, lirova yili nevindu vyosi vi veye kulyo, tsinyanza nevindu vyosi vi veye mutsyo na ive u vi lindanga vyosi; nelihe lyomigulu li sigamiranga ive.

Ayubu 42:2

Mmanya ive u nyala kukola vindu vyosi Kandi lisaavira lilyo lyosi si li nyala kugaywa.

Zaburi 102:25

Kale wa lomba muse gwelirova; Kandi magulu ga veye miyinzi gyamakono gogo.

Zaburi 136:12

Nomukono gwetsingulu, nomu kono gwa nyirwa; Kigira tsimbabasi tsitsye tsi veye ho mihiga nemihiga:

Kutwula 20:11

kigira mu madiku gatano na lilala, Yahova ya lomba ligulu na lirova, na inyanza, na vyosi vi veye muvyo, na a sosa ku lidiku lya gatano na gaviri: kigira yaga Yahova ya gasidza lisabato, na a li takasa.

Isaya 42:5

Nyasaye Yahova a vola, uyu wa lomba ligulu, nokulivagala; uyu wa vambula lirova na vyosi vi twulanga mulyo; uyu u haananga mwika ku avandu vosi va veye kulyo, nokuhaana roho kuvo ava gendanga kulyo:

Isaya 44:24

Yahova Mutungiri wowo, wa ku lomba kutwula munda, a vola ndi: Inze mbeye Yahova, u lombanga vindu vyosi; u vagalanga ligulu, inze tsyeng'ine u vambulanga lirova (ni bwaha u veye halala na inze?);

Isaya 45:12

Nda lomba lirova, nokulomba mundu kulyo: inze, yee, makono gange gaali ligulu; namahe galyo gosi ndagi.

Isaya 59:1

Henza, mukono gwa Yahova si gu gehanga ubutambi bwagwo, gu vule kuhonnya; kandi ugutu gwigwe si gu veye muliduhu, gu vule kuhulira:

Jeremia 1:6

Hene yaho nda vola, Ai, Mwami Nyasaye henza, si nyala kuvola; kigira mbeye mwana.

Jeremia 14:13

Hene yaho nda vola, Ai, Mwami Nyasaye henza, avaprofeti va va volera, Mwinye si mu la lola kivavi, kandi si mu la va nenzala mba; navutswa nda mu ha mirembe gya dinyeridzwa hano.

Jeremia 21:2

Mwadza, u ku tevere Yahova; kigira Nebukadirezaru mwami wa Babuloni u duki kuleta ubulwani ku kwinye: namusia Yahova a la ku kolera kuli miyinzi gyigwe gyosi gyokugenya, a duke kwanegira kutwula ku kwinye.

Jeremia 27:5

Inze nda lomba lirova, navandu netsinyama tsi veye mmoni mwelirova, netsingulu tsyange tsinene nomukono gwange gwa nyirwa; na nda ha yavo ava nda lola bulahi kuvaha.

Jeremia 32:27

Henza, inze mbeye Yahova, Nyasaye wa vemibiri vosi: ha veye nekindu kidinyu ki nyala kuguuta inze?

Jeremia 33:3

Wanire inze, na inze nda ku tivulira, na nda ku mannya vindu vinene ni vidinyu, vya ive u ta manya.

Jeremia 4:10

Hene yaho nda vola, Ai, Mwami Nyasaye ligali ive u gadi avandu yavo ligali na Yerusalemi, lwa wa vola, Mwinye mu la va nemirembe; navutswa kivavi ki duki kali mu myoyo.

Jeremia 51:15

A lombi lirova yili nobunyali bwibwe, a dinyiridzi lirova nobugeeri bwibwe, kandi avambuye ligulu nelimanya lilye.

Jeremia 51:19

Kidieli kya Yakobo si ki veye kuli kyavyo; kigira uyu a veye mulombi wevindu vyosi; Israeli i veye ihiri yemiyandu gyigye: Yahova wa mahe nilyo lieta lilye.

Ezekieli 11:13

Na ga duka, lwa nda profeta, Pelatia mwana wa Benaia ya kudza. Hene yaho nda gwa hasi mammama, na nda hanzuka nomwoyo munene, ni mbola, O, Mwami Nyasaye u la heridza ligali litigala lya Israeli?

Ezekieli 9:8

Na ga duka, inyinga yeyo lwa va va kuya, nda lekwa ha zana, nonoho nda gwa hasi mammama, ni ndira, nokuvola, O Mwami Nyasaye u la dividza litigala lyosi lya Israeli mu litsuka ubutima bubwo ku Yerusalemi?

Danyeli 2:22

a vuulanga ivindu vi veye mu luliva nomu liviswa; a manyanga vi veye mu kisundi, na ubulavu bu menyanga halala naye.

Danyeli 6:20

Na lwa yisunda himbi ha luhangaywa lwa Danyeli ya li mu, ya hanzuka nomwoyo gwobuvereri; mwami ya moloma na a volera Danyeli, O Danyeli, mutumekiri wa Nyasaye u veye mwoyo, Nyasaye wowo, wa u tumekira kazozo, a nyala kukuhonnya u twule mu ving'ang'a?

Zekaria 12:1

Yibu nobuliduhu bwelikuva lya Yahova ku Israeli. Yahova a vola, uyu u vambula lugulu, uyu u temanga mise gyelirova, nokulomba umwoyo gwomundu muye:

Zekaria 8:6

Yahova wa mahe a vola. Ni li va ni li veye likuva lyokugenya imbiri wetsimoni tsyavo avatigala ku avandu yavo mmadiku yago, ga dukanga kuva likuva lyokugenya imbiri wange? Yahova wa mahe a vola.

Livalidza 11:23

Na Yahova ya volera Musa, Mukono gwa Yahova gwimbihidzwa? Kalunu ive u la lola likuva lyange ni li va ni li duka ku ive, naho li la vula kuduka.

Matayo 19:26

Yesu ya va henza na a va volera, Ku vandu si ki nyalika mba; navutswa ku Nyasaye vindu vyosi vi nyalika.

Marko 10:27

Yesu ya va henza, na a vola, Ku vandu si ga nyalika mba, navutswa si ga veye ndi ku Nyasaye: kigira vindu vyosi vi nyalika ku Nyasaye.

Luka 1:37

Kigira ku Nyasaye si ki li ho kindu ki ta nyalika.

Luka 18:27

Navutswa ya vola, Vindu vi ta nyalika ku vandu, vi nyalika ku Nyasaye.

Vikolwa 14:15

ni va vola, Mwinye avasatsa, kigira ki mu kola vindu yivi? Kwinye ku veye avandu kuli mwinye, kwinye ku mwilwadzira amakuva malahi, mu leke vindu yivi vyavutswa, mu tumekire Nyasaye welivamwoyo, naye wa lomba ligulu nelirova nenyanza nevindu vyosi vi veye mu.

Vikolwa 15:18

Mwami a vola, wa kola vindu yivi vi manyekar e kutwula kale.

Vikolwa 17:24

Nyasaye uyu wa lomba lirova nevindu vyosi vi veye mu, uyu, kigira a veye Mwami weligulu nelirova, si a menya mu matempeli gombakwa namakono;

Likunula 4:11

Ive u dukani, Mwami wetu na Nyasaye wetu, kuhebwa ubu kumi yibu nelidzominywa yili nelinyala yili: kigira ive wa lomba vindu vyosi, kandi kigira ubulaliri bubwo vya li ho, kandi vya lombwa.