Jeremia 32:15 - KITABU KITAKATIFU

¹⁵ Kigira Yahova wa mahe, Nyasaye wa Israeli, a vola: Tsinyumba, nemilimi nemilimi gyemizabibu, vi la gulwa kandi mu kivala yiki.

Jeremia 32:15 ပူးပေါင်းရင်းမြစ်များ

Isaya 44:26

u dinyiridzanga likuva lyomutumekiri wewe, nokudukidza makuva gavatumwa veve; u voleranga ku makuva ga Yerusalemi, Li la menywa: noku madala ga Yuda, Ga lombakwa, nda singeridza tsing'anye;

Jeremia 30:18

Yahova a vola: Henza, ndirannya kandi lyadikidzwa lya mahema ga Yakobo, na nda vererera ubumenyo bwibwe; nelidala li lombakwa ku vyanyi vyalyo vyene, nenyumba yobwami i la menywa ku lilonda mwimagwayo.

Jeremia 31:12

Na va ladza nokwimba mu hadiguluku ha Zioni, na va la londekana halala va tsie ku bulahi bwa Yahova ubuswage, newaini, namaguta, noku avana vamagondi, noku vimoli: nomwoyo gwavo gu la va kuli mulimi gwa samwa; na si va la vererera kandi mba.

Jeremia 31:24

Na Yuda namadala gakyo ga la menya mu halala, avalimi, na yavo ava vodonkananga nevyayo.

Jeremia 31:5

Kandi u la taga milimi gyemizabibu mu vigulu vya Samaria; avatagi va la taga, na va la sangalira amakuyu gagyo.

Jeremia 32:14

Yahova wa mahe, Nyasaye wa Israeli, a ku volera: vugula tsibaruwa yitsi, ibaruwa yobuguli yiyi ya kupwa ku muhuri, neyindi inzalamu yiyi, u tsi vike tsyombi mu inyingu; tsi duke kumenya madiku manyingi.

Jeremia 32:25

Na ive, O Mwami Nyasaye, u mali kumbolera, Wegulire mulimi nefetha, nokulanga avaloli; halala na yaga lidala li vikeywi mmakono ga Vakalidei.

Jeremia 32:37

Henza, nda va vungidza nokuvatwulidza mu vivala yivi vyosi, vya nda va kunga ni va tsia yo mu livihirirwa lyange, nomu likendeka lyange, nomu butima bwange bunene; na nda va leta kandi vadze hano, nda va vika va menye nemirembe.

Ezekieli 28:26

Na va la menya nemirembe mukyo; yee, va lombaka tsinyumba, nokusimika milimi gyemizabibu, na va la menya nemirembe, lwa inze mmali kukalaga ku yavo ava va leganga ava va kumbiridza; na va la manya inze mbeye Yahova Nyasaye wavo.

Zekaria 3:10

Mu lidiku yilyo mu la langa sa mulala mutende wewe isi womuzabibu, na isi womukuyu, Yahova wa mahe a vola.