Jeremia 31:7 - KITABU KITAKATIFU

⁷ Kigira Yahova a vola ndi, Mwimbire Yakobo nobusangali, mu gingire umunene wetsihiri tsyosi mwoyo: mu landidze makuva, mwidzominye, mu vole, O Yahova u honnye avandu vovo, litigala lya Israeli.

Jeremia 31:7 ပူးပေါင်းရင်းမြစ်များ

Zaburi 106:47

U ku honnye, O Yahova Nyasaye wetu, U ku vungidze kutwula mu tsihiri, Ku santidze lieta lilyo litakatifu, Na ku guute mu lidzominywa lilyo.

Zaburi 126:2

Hene yaho munwa gwetu gwizula liseka, Nolulimi lwetu lwizula liyimba tsinyimbu: Hene yaho va vola hagati hetsi hiri, Yahova u va koleye vindu vinene.

Zaburi 14:7

Nkano ubuhonyi bwa Israeli bwa twula Zioni Lwa Yahova yirannya lilanywa lya avandu veve, Hene yaho Yakobo a la sangala, na Israeli a la yanza.

Zaburi 28:9

U honnye avandu vovo, na u gasidze miyandu gyigyo: Kandi u ve mwayi wavo, na u va ginge kazozo.

Zaburi 67:1

Nyasaye, u ku vere tsimbabasi, na u ku gasidze Nokwaakidza ku kwinye ubulavu bwommoni mumwo; [Selaha

Zaburi 69:35

Kigira Nyasaye a la honnya Zioni, nokwombaka madala ga Yuda; Na va la menya ho, nokulinyola kuva miyandu gyavo.

Isaya 1:9

Yahova wa mahe ni i va a vula kukulekera litigala likekeke ligali, nkano kwa ka va kuli Sodoma, nokufwanana na Gomora.

Isaya 11:11

Ga la va ku lidiku yilyo, Yahova a la hila mukono gwigwe hali kaviri a duke kandi kunyola avandu veve va tigala, kutwula Asuria, nokutwula Egepeti, nokutwula Pathrosi, nokutwula Kushi, nokutwula Elam, nokutwula Shinaru, nokutwula Hamathu, nokutwula mu visulu vyomu inyanza.

Isaya 37:31

Na va tigala ava hona venyumba ya Yuda va likidza tsimiri hasi, nokwama ma kuyu.

Isaya 37:4

Namusia Yahova Nyasaye wowo a la hulira makuva ga Rabi shake, womwami wa Asuria munene wewe ya tuma a duke kunyega Nyasaye u veye mwoyo, nokugondokira amakuva aga Yahova Nyasaye wowo u huliye: kunangwa, kigira yaga u gingire avatigaye lisaala lilyo.

Isaya 44:23

Mwimbe, mwinye ligulu, kigira Yahova u lombi inkuva yiyi; mu kupe lwanga, mwinye isi welirova; mu lete tsinyimbu, mu imbe mwinye vigulu, O mulitu, na misala gyosi gyi veye mugwo: kigira Yahova u tungiye Yakobo, na a lekuminya mwene mu Israeli.

Isaya 52:8

Mwoyo gwa valindi vovo va ginga myoyo gyavo, vimba halala; kigira va la lola moni na moni, inyinga Yahova yirana Zioni.

Isaya 61:9

Na kisukululwi kyavo ki la manyekana mu tsihiri, na lwivulu lwavo lu la manyekana mu vetsihiri: vosi ava va lola va la va bugirira, kuva kisukululwi kya Yahova ya gasidza.

Jeremia 20:13

Mwimbire Yahova, mwidzominye Yahova; kigira a honnyi mwoyo gwomudambi ku mukono gwa yava ava kolanga ubudamano.

Jeremia 23:3

Na nda vungidza li tigala lyekyavo kyange kutwula vivala vyosi ha mba hili, na nda va leta kandi mu kego kyavo, na va livulana nokumedeka.

Jeremia 3:23

Ligali ubukonyi yibu nobwa vutswa bu henzangwa kutwula mu vigulu, muliviti gu veye mu vigulu: ligali ubukonyi bwa Israeli bu veye mu Yahova Nyasaye wetu.

Jeremia 31:12

Na va ladza nokwimba mu hadiguluku ha Zioni, na va la londekana halala va tsie ku bulahi bwa Yahova ubuswage, newaini, namaguta, noku avana vamagondi, noku vimoli: nomwoyo gwavo gu la va kuli mulimi gwa samwa; na si va la vererera kandi mba.

Lisyoma lya Jeremia 1:1

Lya duka ndi lidala kumenya lyeng'ine, lya li lizulira avandu Lya duka ndi kuva kuli mukunzakali, yili lya li linene ligali mu tsihiri Mukana womwami hagati hevivala yivyo ya duka ndi kunigwa ku lisolola

Ezekieli 6:8

Navutswa nda tigalidza litigala, li vola li veye mu la va na valala va li hona ku kivavi mu tsihiri, lwa mu li salannywa mu vivala ihale nehale.

Hosea 1:7

Navutswa nda vererera inyumba ya Yuda, nda va honnya ku Yahova Nyasaye wavo, na si nda va honnya nobuta, kinga nekivavi, kinga nobulwani, kinga netsiparasi, kinga navanina ku tsiparasi.

Joeli 2:32

Na ga la va, ku vosi u lyanira ku lieta lya Yahova a la honnywa: kigira mu kigulu kya Zioni, na mu Yerusalemi, va la va ho yavo avalala ava hona, kuli Ya hova ya vola, na mu yava ava tigaye va la va ho ava Yahova a langa.

Amosi 5:15

Mu dunyire budamano, mu yanze ubulahi, nokusingeridza likalaga mu kiribwa: namusia Yahova, Nyasaye wa mahe, a la kolera yavo va tigala ku Yosefa, tsimbabasi.

Mika 2:12

Ligali nda vungidza mwinye vosi, O Yakobo; ligali nda vungidza va tigala va Israeli; nda va vika halala kuli magondi ga Bozra, kuli kyayo hagati hekyairu; va la kola liyoga ligali kigira ubunyingi bwavandu.

Mika 7:18

Ni bwaha a veye Nyasaye kuli ive, u samehanga ubudamano, na u vitanga ku mahyolo gavatigala vemiyandu gyigye? Si ya vihirirwa madiku gosi, kigira a yanza tsimbabasi.

Zefania 2:9

Kunangwa kuli inze mbeye mwoyo, Yahova wa mahe a vola Nyasaye wa Israeli, Ligali Moabu a la va kuli Sodoma, navana va Amon va la va kuli Gomora, ha la va miyandu gyelitambadza, nobogo bwo munyu, na hatswa kazozo: navandu vange va eigala va la va lanya, na va tigala ve ihiri yange va la va nyola kuva miyandu.

Varumi 11:5

Kunangwa na ndiyo kandi inyinga ya kalunu va veho avatigaye mulitovola lyetsimbabasi.

Varumi 9:27

Kandi Isaya a kupa lwanga ku Vaisraeli ndi, Hesabu ya vana va Israeli ni i va ni i veye kuli muyeke gwomu inyanza, li veye litigala lyavo li li honnywa:

Kwidzulitsa 28:13

Yahova a la ku kola kuva umutwe, u la vula kuva mkira; na u la va igulu yeng'ine, na u la vula kuva hasi; nu u va nu u k hulira malago ga Yahova Nyasaye a wowo, ga nku laganga lero ndi, noku gahenza nokugakola,

Kwidzulitsa 32:43

Mwinye tsihiri, mwidzominye, halala navandu veve: Kigira a la vanza kisalya kyavatumekiri veve, A la vanza kisalya ku vasigu veve, Kandi a la lomba kyokukunika ubwoni ku kivala kikye, ku avandu veve.