Jeremia 31:3 - KITABU KITAKATIFU

³ Yahova ya loleka ku inze ku matsyambiri, ni ya mbolera, Yee, nku yanzi nobuyanzi bwemihiga nemihiga: kigira yaga mali kukukwesa netsimbabasi tsyo ubuyanzi bwange.

Jeremia 31:3 ပူးပေါင်းရင်းမြစ်များ

1 Avami 10:9

A gasidzwe Yahova Nyasaye wowo, wa ku yanza, na ya ku vika ku intebe yobwami ya Israeli: kigira Yahova ya yanza Israeli kazozo, kigira yaga ya kola ive u ve mwami, kukola likalaga nobulungi.

Zaburi 103:17

Na ha zana si ha li ki manya kandi mba. Navutswa tsimbabasi tsya Yahova kutwula mihiga nemihiga kuduka mihiga nemihiga tsi veye ku yavo ava mu tidzanga, Na ubulungi bwibwe bu veye ku avana va avana vavo;

Zaburi 25:6

O Yahova, widzulitse tsimbabasi tsitsyo, na ubuyanzi bubwo Kigira vi veye ho kutwula kale.

Lwimbu lwa Solomoni 1:4

U nkwese; na ku la ku londa: tsimbiru inyima wowo: Mwami u ndeti mu tsinyumba tsitsye; Ku la yanza nokusangala ligali ku ive; Ku la twulidza makuva gobuyanzi bubwo kuvita makuva gewaini: Liyanza lya va ku yanza ni lilungi.

Isaya 43:4

Kigira ive u veye wobuguli budinyu mbiri wetsimoni tsyange, no welidzominywa, na nku yanzi; kunangwa kigira yaga nda haana avandu mu bugono bubwo, netsihiri nda haana mu bugono bwelivamwoyo lilyo.

Isaya 45:17

Narutswa Yahova a la honnya Israeli nelihonywa lyemihiga nemihiga: na si mu la va isoni, kinga kugenya kuduka mihiga nemihiga.

Isaya 49:14

Navutswa Zioni lya vola, Yahova u mali kusyuva inze, na Mwami u nziviriye.

Hosea 11:1

Lwa Israeli ya li mwana, nda mu yanza, na nda langa mwana wange kutwula Egepeti.

Hosea 11:4

Nda va kwesa nemigoye gyomundu, mu liboha lyobuyanzi; na nda li kuvo kuli yavo ava twulidza inira ku tsisaya tsyavo; na nda vika vyokulia imbiri wavo.

Malaki 1:2

Inze nyanza mwinye, Yahova a vola. Navutswa mu vola, U ku yanzira kuliha? Esau si ya li amwavo Yakobo? Yahova a vola: navutswa nda yanza Yakobo;

Varumi 8:30

Kandi yava ava yaahla ya va langa: kandi ava ya langa, ya va ha ubulungi: kandi ava ya ha ubulungi, ya va ha ubukumi kandi.

Varumi 9:13

Kuli ga ng'odwa, Nda yanza Yakobo, navutswa Esau nda mbihirirwa.

Kwidzulitsa 10:15

Navutswa Yahova ya li nobuyanzi ku vaguga vovo kuvayanza, na a tovola kisukululwi kyavo inyima wavo, nakyo ki veye mwinye, ku tsihiri tsyosi, kuli ga veye lero.

Kwidzulitsa 33:26

Si ha veye nofwanana na Nyasaye, O Jeshurun, Udzanga u nini igulu migulu ku likonywa lilyo, Noku malesi mu ubukumi bwibwe.

Kwidzulitsa 33:3

Ligali a yanza tsihiri tsyavandu; Avatakatifu veve vosi va veye mmukono gugwo; Navo vikala ha virenge vivyo; Sa mulala va la vugula amakuva gogo.

Kwidzulitsa 4:37

Na kigira ya yanza vaguga vovo, kunangwa ya tovola visukululwi vyavo inyima wavo, ya ku twulidza Egepeti, halala neliva lyomwene, netsingulu tsitsye tsinene;

2 Timoteo 1:9

wa honnya kwinye na a ku langa nelilanga litakatifu, si ga li kuli miyinzi gyetu navutswa kuli ubulaliri bwibwe nelivererera lilye lya kwa hebwa mu Kristo Yesu imbiri wetsinyinga tsya kale,

Yakobo 1:18

Ku liyanza lilye mwene u kwivuye nelikuva lyeligali, ku duke kuva kuli ubuhya bwevilombe vivye.

1 Petro 1:3

A gasidzwe Nyasaye Dada wo Mwami wetu Yesu Kristo, u kwivuye hali kaviri, kuli tsimbabasi tsitsye tsinene, ku duke ku lisuuviridzwa li veye mwoyo, ku lisimugukidzwa lya Yesu Kristo kutwula mu vakudzu,

1 Yohana 4:19

Kwinye ku yanza kigira ya tanga kukuyanza.