Jeremia 31:20 - KITABU KITAKATIFU

²⁰ Efiraim a veye mwana wange muyanze? Aveye mwana wokuyanzidza? Kigira tsinyinga tsyosi lwa mmu gondokiranga, ma mbongera kumwidzulitsa: kunangwa ligali mmu vererera, Yahova a vola.

Jeremia 31:20 ပူးပေါင်းရင်းမြစ်များ

Litanga 43:30

Na Yosefa ya genda bwangu; kigira mwoyo gwigwe gwa ng'uswa ku amwavo wewe: naye yenya hokulilira; na yingira ubuliri, na a lilira yo.

1 Avami 3:26

Hene yaho mukali mwene mwana u veye mwoyo ya volera mwami, kigira tsimbabasi tsitsye tsya samba mwoyo kigira mwana wewe, ya vola, O, munene wange, ha uyu mwana u veye mwoyo, u ta mwiita mba. Navutswa wundi uyu ya vola, Si a la va wange kinga wowo; yatanywe.

Zaburi 103:13

Kuli dada a vererera avana veve, Ni ndiyo Yahova a verereranga ava mu tidzanga.

Tsing'ano 3:12

Kigira wa Yahova a yanza, a mu hedzanga amageli, Kali kuli dada a hedzanga mwana wa a yanza.

Lwimbu lwa Solomoni 5:4

Muyanze wange yingeridza mukono gwigwe mu mwanzu gwekiliango, Nomwoyo gwange gwa demadema kigira uyu.

Isaya 16:11

Kigira yaga mutima gwange gu twulidzira Moabu lihirigana kuli ubukana, ne vyanda vyange vi lilira Kiriherezu.

Isaya 30:18

Kigira yaga Yahova a la lindirira, a duke kumuvera tsimbabasi; kandi kigira yaga a la kuminywa, a duke kuvererera mwinye: kigira Yahova a veye Nyasaye welikalaga; va veye nobugasu vosi ava mu lindiriranga.

Isaya 55:7

mudamano a leke inzira yeye, nomundu u ta li mulungi a leke tsi ganagani tsitsye; yirane ku Yahova, naye a la mbererera; yirane ku Nya saye wetu, naye a la mu sameha ligali.

Isaya 63:15

Henza hasi kutwula migulu ha u veye, u lole kufwula ubumenyo bwo butakatifu bubwo nobukumi bubwo: ubugulu bubwo nelikola lyetsingulu lilyo li veye haliha? Lyenya lyomwoyo gugwo nelivererera lilyo ku inze li gayeywi li vula kuduka ku inze.

Jeremia 3:12

Tsia, wilwadze makuva yaga ku luvega lwa kasikasini, u vole, Wirane, O Israeli yirani inyima, Yahova a vola; si nda henza mwinye nobutima mba; kigira mbeye netsimbabasi, Yahova a vola, si ntsitsagil'la nobutima madiku gosi mba.

Jeremia 3:19

Navutswa nda vola, Nyala ndi kuvika ive halala na avana, nokuha ive kivala ki yanzidzanga miyandu milahi gyamahe ge tsihiri? Na nda vola, Mu la nanga Dada Wange, na si mu la girunkana kuleka kulonda inze.

Jeremia 31:9

Va ladza nelilira; na nda vimirira nelisaala: nda va gendidza himbi nemigera gyamadzi, ku inzira inungi ya va la vula kwikigitala ku; kigira inze mbeye dada wa Israeli, na Efiraim a veye wokutanga kwivulwa wange.

Jeremia 33:26

hene yaho nda ta kisukululwi kya Yakobo, nekya Daudi mutumekiri wange, nduhe mbule kuvugula ku kisukululwi kikye ava lyameha ku kisukululwi kikye kya Abrahamu, na Isaka, na Yakobo; kigira ndirannya lyadikidzwa lyavo, na nda va vererera.

Jeremia 48:36

Kigira yaga mwoyo gwange gu kupira Moabu lwanga kuli lilere, mwoyo gwange gu kupira avandu va Kiriheresi lwanga kuli lilere: kigira yaga ubunyingi bwa yenyolera bu goti.

Lisyoma lya Jeremia 3:22

Ga veye ku tsimbabasi tsya Yahova tsi kiranga ni ku vula kuheridzwa, kigira tsimbabasi tsi tsye si tsi gehanga mba.

Ezekieli 33:11

U va volere Kuli mbeye mwoyo, Mwami Nyasaye a vola, Inze si nsangalira likudza lyomudamano; navutswa nobulahi mudamano yeganire nokuleka inzira yeye nokuhindira a ve mwoyo; mweganire, mweganire mu leke tsinzira tsyenyu tsindamano; kigira ki mwenya kukudza, mwinye avenyumba ya Israeli?

Hosea 14:4

Inze nda honnya lirana inyima Ivavo, nda va yanza nomwoyo gwosi; kigira livihirirwa lyange li twuli kuye.

Kyavalevi 26:44

Navutswa ku yaga gosi, lwa va veye mu kivala kya vasigu vavo, inze si nda va sula ligali, kandi si nda va lega, kuduka va dividzwe ligali, nokwononya lilagana lyange navo; kigira inze mbeye Yahova Nyasaye wavo;

Luka 15:24

kigira mwana uyu ya li ya kudza, a veye mwoyo kandi; kandi ya li ya gota, u nyoleki. Navo va tanga kusangala.

Luka 15:32

Navutswa nu bulahi ku kole isango kandi ku yanze; kigira uyu amwavo wowo ya li ya kudza, a veye mwoyo; kandi ya li ya gota, u nyoleki.

Kwidzulitsa 32:36

Kigira Yahova a la kalagira avandu veve, A la vererera avatumekiri veve; Inyinga a lola tsingulu tsyavo tsi twuli kuvo, Kandi si ha tigala nomundu, wa bofwa kinga wa bohololwa.

Vafilipi 1:8

Kigira Nyasaye a veye mulolekidzi wange, kuli wa nkayi rangwa mwinye mwosi mu tsimbabasi tsya Kristo Yesu.

Vakalagi 10:16

Navo va twulidza vanyasaye vageni ava li hagati havo, na va tumekira Yahova: nomwoyo gwigwe gwa verera kigira kivi kya Israeli.