Jeremia 31:18 - KITABU KITAKATIFU

¹⁸ Ligali mbuliye Efiraim ni yesyomeranga kuvola, Ive u mbeye amageli na inze mbeveywi amageli, kuli kimoli ki kikiri kunala inira: u ngirunkannye, na inze nda girunkanywa; kigira ive u veye Yahova Nyasaye wange.

Jeremia 31:18 ပူးပေါင်းရင်းမြစ်များ

Ayubu 5:17

Henza, a veye nobugasu mwldu wa Nyasaye a hedzanga mageli: Kigira yaga u ta lega amageli go Wanyala Vyosi.

Zaburi 118:18

Yahova u mbeye amageli ligali; Navutswa si ya mbika mu likudza mba.

Zaburi 119:67

Lwa nkikiri kusaliridzwa nda gendagenda; Navutswa kalunu ng'umiranga likuva lilyo.

Zaburi 119:75

Mmanya, O Yahova, likalaga lilyo li veye lilungi, Na u nsaliridzi mu busuuvirifu.

Zaburi 31:15

Tsinyinga tsyange tsi veye mmukono gugwo: U mbonnye mmukono gwa vasigu vange, na mmukono gwa yavo ava dambidzanga.

Zaburi 32:9

Mu ta va kuli iparasi, kinga kuli inyumbu, tsi ta ii nelimanya; Tsyeminwa gyatsyo gyi dukirwa kugayidzwa nelijamu na ulu kova, Tsi la duka himbi ku ive.

Zaburi 80:19

O Yahova Nyasaye wa mahe, u kwirannye; U kole mmoni mumwo kung'ereng'ana, na kwinye ku la bonywa.

Zaburi 80:3

O Nyasaye, u kwirannye U kole mmoni mumwo kung'ereng'ana, na kwinye ku la honywa.

Zaburi 80:7

U kwirannye kandi, O Nyasaye wa mahe; U kole mmoni mumwo kung'ereng'ana, na ku la honywa.

Zaburi 85:4

U kwirannye, O Nyasaye wobuhonnyi bwetu, Nokuheridza ubutima bubwo ku kwinye.

Zaburi 94:12

A veye nobugasu mundu wa ive u hedzanga amageli, O Yahova, Na wa wegidzanga amalago gogo;

Tsing'ano 26:3

Lusala ku iparasi, na lijamu ku isukiri, Na impimbo ku mugongo gwavasiru.

Tsing'ano 29:1

Uyu weligondokirwa linyingi naa dinyeridza ligoti lilye A lononnywa nonoho na si ba veye nobuhonnyi.

Tsing'ano 3:11

Mwana wange, u ta lega ligondoka lya Yahova; Kandi u ta lola ubuliduhu ku amageli gege:

Isaya 1:5

Kigira ki mu kyenyanga likuywa kandi, kuduka kumeda bwebaali? Mutwe gwosi gu lwala, nomwoyo gwosi gu kudzi.

Isaya 51:20

Avayai vovo va kudza myoyo, va gonanga mu viheri vyamahasi gosi, kuli imboongo mu mutego; vizuye ubutima bwa Yahova, ligondoka lya Nyasaye wowo.

Isaya 53:7

Ya dambidzwa, navutswa lwa ya saliridzwa si ya kunula munwa gwigwe; kuli mwana weligondi ya hilwa kwiitwa, kandi kuli ligondi li kiring'ana imbiri wa yavo ava kalaganga bwoya, si ya kunula munwa gwigwe mba.

Isaya 63:16

Kigira ive u veye Dada wetu, kali Abrahamu na a vula kukumanya, na Israeli na a vula kukubugirira: ive, O Yahova, u veye Dada wetu; Mutungiri wetu kutwula mihiga nemi higa li veye lieta lilyo.

Isaya 9:13

Navutswa avandu va vula kugi runkana ku uyu wa va kuya, kandi va vula kwenya Yahova wa mahe.

Jeremia 17:14

U mbonnye, O Yahova, na nda hona; u mbonnye, na nda hona: kigira ive u veye lidzominywa lyange.

Jeremia 2:30

Likuya lya nda kuya avana venyu ni lya vutswa; si va bugirira kuhebwa mageli mba: kivavi kikyo ive mwene ki liye vaprofeti vovo, kuli king'ang'a kyononyanga.

Jeremia 3:25

Ku gone hasi mu tsitsoni tsyetu, na lileganywa lyetu li ku kunike; kigira ku koleye Yahova Nyasaye wetu ubwoni, kwinye navaguga vetu, kutwula busoleli bwetu kuduka lidiku lya lero yili; kwa vula kuhulira mwoyo gwa Yahova Nyasaye wetu.

Jeremia 31:6

Kigira li la va ho lidiku lilala, mu lidiku yilyo mulindi u veye mu tugulu twa Efiraim a la kupa lwanga, a la Dola, Mu vuke, ku tsie kwanegire Zioni ku Yahova Nyasaye wetu.

Jeremia 31:9

Va ladza nelilira; na nda vimirira nelisaala: nda va gendidza himbi nemigera gyamadzi, ku inzira inungi ya va la vula kwikigitala ku; kigira inze mbeye dada wa Israeli, na Efiraim a veye wokutanga kwivulwa wange.

Jeremia 5:3

O Yahova, tsimoni tsitsyo si tsi henzanga ageligali? U va kuyi, navutswa si va vereranga mba; u va heridzi, navutswa va suye lihebwa mageli va kolanga mmoni mwavo kuva mudinyu kuvita lwanda; va suye kwirana kandi.

Lisyoma lya Jeremia 5:21

U ku girunkannye ku ive, O Yahova, na ku la girunkannywa; Wirannye ubuhya ku madiku getu kuli ga matsyambiri.

Ezekieli 20:43

Na mu lidzulitsa tsinzira tsyenyu ha zana, nevikolwa vyenyu vyosi vya mweyononnyera mu; mu levihirirwa mwinye avene mu tsimoni tsyenyu avene navene, kigira ubudamano bwenyu bwosi bwa mwa kola.

Danyeli 9:13

Kuli ga ng'owa mu malago ga Musa, kivi yiki kyosi ki duki ku kwinye: navutswa si ku saala liverererwa lya Yahova Nyasaye wetu, kweganire kuleka ubudamano bwetu, nokuva nelimanya mu ageligali gogo.

Hosea 10:11

Efi raim a veye iroli yegidzwa, i yanzanga kuhuula ubuswage; navutswa nda vitidza inira kwigoti lyayo linifu: nda nyinnya u ninanga ku Efiraim; Yuda a la lima, Yakobo a la kupa makindi gege.

Hosea 4:16

Kigira Israeli u koli bwibaali, kuli iroli yobwibaali: kalunu Yahova a la va lihidza kuli mwana weligondi mu ubwiyangu bunene.

Hosea 5:15

Nda tsia kwirana hango hange, kuduka lwa veyama mahyolo gavo, nokwenya mmoni mwange: mu kivi kyavo va la nyenya ligali.

Jona 3:10

Na Nyasaye ya lola likola lyavo, kuli va girunkana nokuleka inzira yavo indamano; na Nyasaye yeganira ku kivi kya ya vola a la va kolera; na si ya ki kola mba.

Zefania 3:2

Si ya hulira mwoyo yigu; si ya bugirira kwegidzwa; si ya suuvira ku Yahova; si yisunda himbi ku Nyasaye wewe.

Malaki 3:16

Kunangwa avatidzanga Yahova va volerana avene na avene. Na Yahova ya tegidza gutu, na a hulira, kandi kitabu kyelidzulitsa kya ng'oderwa imbiri wewe, kya yavo avatidzanga Yahova, nokuganagana lieta lilye.

Malaki 4:6

Naye a la girunkannya myoyo gya vadada gyi yeke ku avana, na myoyo gya avana gyi yeke ku vadada vavo; gase ndadza ku kuya lirova nevilaamo.

Livalidza 2:18

Ku luvega lwemadioli, ha la va nebendera ya hokusosa ha Efiriam, kuli amahe gavo: na munene wa avana va Efiraim a la va Alishama mwana wa Amihudu.

Luka 1:17

A limira imbiri wewe mu mwoyo nomu tsingulu tsya Elija, a giru nkannye myoyo gyavadada ku vana, kandi a vike avatingu mu bugeeri bwavalungi; kutegekera Mwami ava ndu avalombwa.

Luka 15:20

Ya twula na a tsia ku ise. Navutswa lwa ya li na a kikiri hale, ise ya mu lola na a mu vererera, na a nyagula na a mu kumberera mu ligoti, na a mu busabusa.

Vikolwa 3:26

Ku mwinye Nyasaye ya tanga kusingeridza Mutumekiri wewe na a mu tuma kumuha ubugasu, kuhunzula mwinye vosi mu twule mu budamano bwenyu.

Vafilipi 2:13

Kigira a veye Nyasaye u kolanga mu mwinye lyenva nelikola, kigira liyanzidzwa lilye.

Vahebraina 12:5

kandi mwiviriye limannywa li volerana nemwinye kuli navana, Mwana wange, u ta ganagana liha amageli lyo Mwami ni likekeke, Kinga u ta kudza mwoyo lwa a ku gondekera;

Likunula 3:19

Ku vosi ava nyanzi, mba gayanga nokuvaha amageli: kunangwa u ve nobugulu nokweganira.