Jeremia 31:16 - KITABU KITAKATIFU

¹⁶ Yahova a vola ndi: U gaye mwoyo gugwo gu vule kulira, netsimoni tsitsyo tsi vule kwidoola maliga; kigira miyinzi gyigyo gyi la tungwa amadanyi gagyo, Yahova a vola; va ladza kandi kutwula mu kivala kyavasigu.

Jeremia 31:16 ပူးပေါင်းရင်းမြစ်များ

Litanga 43:31

Ma yisava mumoni, na a tsia kyova; na yigalira, na a vola, Mu lete vyokulia.

Litanga 45:1

Kunangwa Yosefa si ya nyala kwigalira imbiri wavo vosi ava singira himbi naye; na ya hanzuka, na a vola, Vosi va twule imbiri wange. Na si ha tigala nomundu wa singira halala naye, lwa Yosefa yevuula ku avamwavo veve.

2 Kyetsinyinga 15:7

Navutswa mu ve avanyala, makono genyu ga ta va madedekere; kigira miyinzi gyenyu gyi la va na madanyi.

Zaburi 126:5

Yavo ava midza namaliga va la gesa nesango yobuyanzi.

Zaburi 30:5

Kigira ubutima bwibwe bu veye bwedagika indala vutswa Tsimbabasi tsitsye tsi veye tsyamadiku gosi gelivamwoyo; Namusia lilira li la va ho ubudiku Navutswa mugamba ubusangali bulavaho.

Kohelethu 9:7

Tsia ku inzira yoyo, lia vyokulia vivyo nobuyanzi, kandi u nwe iwaini yoyo nomwoyo gwobusangali; kigira Nyasaye u mali kubugirira miyinzi gyigyo.

Isaya 25:8

Naye u mali kumira likudza li vule kuva ho kandi mihiga nemihiga; Yahova Nyasaye a leya maliga mu mmoni mwosi; nelinyegwa lyavandu veve a la li twulidza mu lirova lyosi: kigira Yahova a vola yaga.

Isaya 30:19

Kigira avandu va la menya mu Zioni ha Yerusalemi; si u la lira kandi mba; ligali a la ku vererera ku mwoyo gwelilira lilyo; lwa a li hulira, a la ku tivulira.

Isaya 40:10

Henza, Mwami Nyasaye a ladza kuli Wanyala, na mukono gwigwe gu leyamehira mwene: Henza, madanyi gege a veye nago halala, na litunga lilye li veye imbiri wewe.

Jeremia 23:3

Na nda vungidza li tigala lyekyavo kyange kutwula vivala vyosi ha mba hili, na nda va leta kandi mu kego kyavo, na va livulana nokumedeka.

Jeremia 29:14

Kandi nda nyoleka ku mwinye, Yahova a vola, nda girunkannya ubuhambe bwenyu, nda vungidza mwinye, mu twule mu tsihiri yitsyo tsyosi, nokutwula hosi ha nda mwadikidzira, Yahova a vola; nda mu leta kandi ha nda mu kola kutwula ho kuhilwa mbuhambe.

Jeremia 30:18

Yahova a vola: Henza, ndirannya kandi lyadikidzwa lya mahema ga Yakobo, na nda vererera ubumenyo bwibwe; nelidala li lombakwa ku vyanyi vyalyo vyene, nenyumba yobwami i la menywa ku lilonda mwimagwayo.

Jeremia 30:3

Kigira, henza amadiku gadzanga, Yahova a vola mu madiku yago nda girunkannya kandi lyadikidzwa lyavandu vange Israeli na Yuda, Yahova a vola; nda virannya virane mu kivala kya nda ha avaguga vavo, na va li ki gumira.

Jeremia 33:11

gu la hulirwa kandi mwoyo gwobuyanzi nomwoyo gwobusangali, nomwoyo gwa usereye nomwoyo gwomwiha, nemyoyo gya yavo ava volanga, Mu santidze Yahova wa mahe kigira uyu Yahova a veye mulahi kigira tsimbabasi tsitsye tsi tsitsagil'langa mihiga nemihiga; nemyoyo gya avahaananga vihaanwa vyelisantidza mu inyumba ya Yahova. Kigira ndirannya lyadikidzwa lyekivala kuli matsyambiri, Yahova a vola.

Jeremia 33:7

Na ndirannya lyadikidzwa lya Yuda nelyadikidzwa lya Israeli, nokuvonbaka, kuli matsyambiri.

Ezekieli 37:21

U va volere, Mwami Nyasaye a vola ndi: Henza, nda vugula avana va Israeli va twule hagati hetsihiri, tsya va tsia mu, na nda va vungidza tsimbega tsyosi, noku va leta nokuvavika mkivala kyavo avene:

Hosea 1:11

Na avana va Yuda na avana va Israeli va la vungidzwa halala, na va levikira avene mutwe mulala, na va lanegira kutwula mkivala yikyo, kigira lidiku lya Jezireeli li la va linene.

1 Vatesalonike 4:14

Kigira ni ku va ni ku suuvira Yesu ya kudza ma na a simuguka, ga veye kandi ndiyo ava gonanga mu Yesu, Nyasaye a la va leta halala naye.

Vahebraina 11:6

kandi bugira lisuuvira si ga nyalika kuyanzeka kuye; kigira uyu uudzanga ku Nyasaye ga mu dukira kusuuvira a veye ho, kandi niye muhaani wa madanyi ga yavo ava mwenyanga.

Vahebraina 6:10

Kigira Nyasaye si a li nobudamano kuduka kwivirira miyinzi nobuyanzi bwenyu bwa mwa lang'aminya ku lieta lilye, ku litumekira avatakatifu, kandi mu va tumekiranga.

Ruth 2:12

Ku miyinzi gyigyo Yahova a ku he madanyi madukanu, Nyasaye wa Israeli wa wadzira mu tsimbaha tsitsye u duke kunyola lisuuvira.