Jeremia 31:14 - KITABU KITAKATIFU

¹⁴ Na ndigutidza myoyo gyavasalisi nevinolu, navandu vange va liguta ku bulahi bwange, Yahova a vola.

Jeremia 31:14 ပူးပေါင်းရင်းမြစ်များ

2 Kyetsinyinga 6:41

Kunangwa ka lunu vuka, O Yahova Nyasaye, wingire hokusosa hoho, ive, nelisa nduku lyetsingulu tsitsyo: na vasalisi vovo, O Yahova Nyasaye, u vike ubuhonnyi, na vatakatifu vovo va sa ngale mbulahi.

Nehemia 10:39

Kigira avana va Israeli navana va Levi va la leta vihaanwa vyokudigululwa vyo buswage, na vyewaini impya, na vyamaguta, mu tsinyumba, ha viju vyahatakatifu vi veye, navasalisi va tumekira, navalindi veviribwa navo avokwimba: na kwinye si ku la leka inyumba ya Nyasaye wetu mba.

Zaburi 107:9

Kigira yigutidza mwoyo gu veye nelyenya, Na umwoyo gu veye nenzala a gwizulitsa ubulahi.

Zaburi 132:16

Kandi avasalisi va ha zana nda va vika ubuhonnyi; Na avatakatifu va ha zana va la kupa isango yobuyanzi.

Zaburi 132:9

Avasalisi vovo vevike ubulungi; Avatakatifu vovo va kupe isango yobuyanzi.

Zaburi 17:15

Na inze, nda lola mumoni mumwo mu bulungi; Ndiguta neligondo lilyo, lwa mbuka mu lifwanana lilyo.

Zaburi 36:8

Va liguta ligali nobunetu bwenyumba yoyo; Na ive u la va nwehidza ku mugera gwobuyanzi bubwo.

Zaburi 63:2

Na ndiyo nku henzi mu hatakatifu, Kulola tsingulu tsitsyo na ubukumi bubwo.

Zaburi 63:5

Mwoyo gwange gu liguta kuli gu veye nobuhaali na maguta Munwa gwange gu la kwidzominya neminwa gyobusangali;

Zaburi 63:6

Lwa ndidzulitsa ive ku kitali kyange, Na nganagananga ive inyinga yobudiku.

Zaburi 65:4

A veye nobugasu uyu wa u tovola, nokumuleta himbi ku ive A duke kumenya hango hoho: Ku liguta ubulahi bwenyumba yoyo, Litempeli lilyo litakatifu.

Zaburi 85:13

Ubulungi bu la mwimirira, Nokulombera ligenda lilye, inzira.

Zaburi 90:14

Mugamba u kwigutidze tsimbabasi tsyobuyanzi tsitsyo, Ku duke kuyanza nokusangala madiku getu gosi.

Lwimbu lwa Solomoni 5:1

Mmali kwingira mmulimi gwange, mubotso wange, mukana mugima wange: Mmali kwagula manamane gange halala nevifunyanga mwayu vyange; Mmali kulia kemenye kyobwuki kyange halala nobwuki bwange; Mmali kunwa iwaini yange halala namaveere gange. Avalina vange, mu lie; Mu nwe, yee, mu nwe ligali, O vayanze vange.

Isaya 25:6

Kandi mu kigulu yiki Yahova wa mahe a la lombera avandu vosi lilia lyevinolu, lilia lyewaini halala na maseke gayo, lilia lyevinolu vizula buhali, lilia lyewaini ku maseke ya lombwa bulahi,

Isaya 61:6

Navu tswa mwinye mu la langwa avasalisi va Yahova; avandu va la langa mwi nye avatumekiri va Nyasaye wetu: mu la lia ubutugi bwa vetsihiri, rnu leyidzominya nobukumi bwavo.

Jeremia 31:25

Kigira mmali kwigutidza mwoyo gwa li ni gu luhi, nemyoyo sa mulala ugwa li ni gu vereranga mmali kugwirannya kuva umuhya.

Jeremia 33:9

Lidala yili li la va lieta lyobuyanzi ku inze, kuva lidzominya nobukumi irnbiri wavetsihiri tsyosi tsyomu lirova, yitsi tsi li hulira amakuva gobulahi yibwo bwosi bwa mba kolera, va la tia nokudegera kigira ubulahi yibwo bwosi, kandi kigira mirembe yigyo gyosi gya ndi nyolera lidala yilt.

Jeremia 50:19

Na nda leta kandi Israeli mu kya yiru kikye, naye a laya ku Karimeli na Bashan, nomwoyo gwigwe gu li guta mu vigulu vya Efiraim nomu Gileadi.

Ezekieli 34:14

Nda gaya ubwayi bulahi; na kego kyago ki la va ku vigulu vyobutambi bwa Israeli: ga la gona yo mu kego kilahi, nomu kyayiru kyokukomeridza; ga laya ku vigulu vya Israeli.

Haggai 2:19

Bugutsa bu kikiri mu kyagi? Yee, muzabibu, na mukuyu na makomamanga, na muzeituni, vi kikiri kwama; kutwula lidiku yili nda mu gasidza.

Matayo 5:6

Va veye nobugasu ava veye nenzala nobuluhu bwobulungi: kigira va ligutidzwa.

Vafeso 1:3

Nyasaye a gasidzwe, kandi niye Dada wo Mwami wetu Yesu Kristo, wa ku gasidza nobugasu bwosi bwa roho obwomigulu mu Kristo:

Vafeso 3:19

nokumanya ubuyanzi bwa Kristo obu vita limanya, mu duke kwizulitswa kali kuduka ku lizula lyosi lya Nyasaye.

Kwidzulitsa 33:23

Noku Nafitali ya vola O Nafitali, wiguti ubuyanzi, Na wizuye ubugasu bwa Yahova, U gumire madioli nekusini.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya:

Likunula 5:10

nokuvakola ubwami navasalisi ku Nyasaye wetu; kandi va lameha ku lirova.