Jeremia 31:13 - KITABU KITAKATIFU

¹³ Hene yaho mukana mugima a la sangala mbukino, navayai vasoleli navakulundu halala; kigira nda girunkannya lisyoma lyavo kuva ubusangali, nokuleminya myoyo gyavo, nokuvasangalidza va leke ubuvereri bwavo.

Jeremia 31:13 ပူးပေါင်းရင်းမြစ်များ

Ezara 6:22

nokulomba lisavo lyobukima bu ta li namamera nobu sangali, madiku gatano na gaviri: kigira Yahova ya va sangalidza, nokugirunkannya mwoyo gwomwami wa Asuria gu yeke kuvo, a duke ku dinyeridza makono gavo ku miyinzi gyenyumba ya Nyasaye, Nyasaye wa Israeli.

Nehemia 12:27

Kandi lwa vidikira lidigi lya Yerusalemi venya Valevi mutsingo mwavo mwosi, kuvaleta Yerusalemi, kulomba lidiku lyelidikira nobusangali, nelisantidza, netsinyimbu, nevi kuli, nobukana, nobukana bwemigoye.

Nehemia 12:43

Navo va haana vihaanwa vinene lidiku yili, na va sangala; kigira Nyasaye ya va sangalidza nobusa ngali bunene; kandi avakali navana va sangala ligali: kuduka busangali bwa Yerusalemi bwa hulirwa ihale ligali.

Esther 9:22

kigira ga veye ma diku ga Vayuda va nyolera lisosa kuvasigu vavo, nomweli gwa girunka nywa kuvo kuleka buvereri kuva nobusangali, nokuleka lisyoma kuva lidiku lilahi; va lombe madiku yago ga ve madiku gelilia na gokusangala, nokuhaanirana vihaanwa sa mulala nowakye, nokuha avadaka vihaanwa.

Zaburi 126:5

Yavo ava midza namaliga va la gesa nesango yobuyanzi.

Zaburi 148:12

Avasoleli na avakana vagima; Avasakulu na avana:

Zaburi 149:3

Vidzominye lieta lilye mu bukino: Va mwimbire lidzominya na inangoli no ubukana.

Zaburi 30:11

U ngirunkannyeye ubuvereri bwange kuva lisangala U navuye ingubo yange yeligunia, na u mbiki ingubo yobusangali;

Isaya 12:1

Na mu lidiku yilyo u la vola, Inze nda santidza ive, O li Yahova; kigira kali wa vihirirwa na inze, ubutima bubwo bu mali kugirunkanywa kutwula ku inze, na u neminyanga mwoyo gwange.

Isaya 35:10

na avahonnywa va Yahova va lirana na va la duka Zioni, nokwimba; ubusangali bwemihiga ne mihiga bu la va ku mitwe gyavo: va la nyola ubusangali nobuyanzi, ubuvereri nelikenya vi la twulidzwa li'gali.

Isaya 51:11

Ava Yahova ya tungira va lirana, nokuduka Zioni nokwimba; ubusangali bwemihiga nemihiga bu la va ku mitwe gyavo: va la nyola ubuyanzi nobusangali; na livererera nelikenya va la tsiraligali.

Isaya 51:3

Kigira Yahova u leminyi Zioni mwoyo; u leminyi mwoyo ha lekwa vutswa hehe hosi, na u koli ligendanyama lilye kuva kuli mulimi gwa Edeni, na kyangalangwi kyikye kuva kuli mulimi gwa Yahova, ubuyanzi nelisangala bu la loleka mu lisantidza, nomwoyo gwelyembirana.

Isaya 60:20

Liuva lilyo si li la yera kandi mba, kinga mweli gugwo si gu livisa kandi; kigira Yahova a la va bulavu bubwo ubu hongeranga mihiga nemihiga, na madiku gelisyoma lilyo ga la vita.

Isaya 61:2

kulandidza muhiga gwa Yahova gwa bugirirwa, nelidiku lyo kuvanze kisalya kya Nyasaye wetu; kuleminya myoyo gya vosi ava syo manga;

Isaya 61:3

kutovolera yavo ava syomanga mu Zioni, kuvaha igudwa yekimuli mbugono bweligoke, amaguta gobuyanzi mbugono bwelisyoma, tsingubo tsyelidzominywa mbugono bwomwoyo muliduhu; va duke kulangwa misala gyobulungi, gya Yahova ya simika, a duke kukuminywa.

Jeremia 31:4

Hali kaviri nda kwombaka, na ive u lombakwa ive mukana mugima wa Israeli kandi u la syafwa netsisugudi tsitsyo, na u la twulira mbukino bwa yavo ava kinanga.

Jeremia 33:11

gu la hulirwa kandi mwoyo gwobuyanzi nomwoyo gwobusangali, nomwoyo gwa usereye nomwoyo gwomwiha, nemyoyo gya yavo ava volanga, Mu santidze Yahova wa mahe kigira uyu Yahova a veye mulahi kigira tsimbabasi tsitsye tsi tsitsagil'langa mihiga nemihiga; nemyoyo gya avahaananga vihaanwa vyelisantidza mu inyumba ya Yahova. Kigira ndirannya lyadikidzwa lyekivala kuli matsyambiri, Yahova a vola.

Zekaria 8:19

Yahova wa mahe a vola: Lihonga lilia lyomueli gwe gyine nelihonga lilia mu mweli gwe gyitano, nomu mweli gwe gyitano na gyiviri, nomu mweli gwelikumi, ga la va ubuyanzi nobusangali bwenyumba ya Yuda, na malia gokuleminya mwoyo; kigira yaga mu yanza geligali nemire mbe.

Yohana 16:22

Kandi mwinye kalunu mu veye nobuvereri: navutswa nda mu lola kandi, ne myoyo gyenyu gyi la yanza, nobuyanzi bwenyu mundu si a nyala kumunyaga.

Vakalagi 21:21

na mu la lola, henze, avakana va Shilo ni va va ni va twula va duke kukina mu bukino, hene yaho mu twule mu milimi gyemizabibu, na sa mulala a gumire mukali wewe ku avakana va Shilo; ma mwirane mkivala kya Benjamini.