Jeremia 31:11 - KITABU KITAKATIFU

¹¹ Kigira Yahova u tungiye Yakobo, nokumuboholola a twule mmukono gwa uyu wetsingulu kuvita mwene.

Jeremia 31:11 ပူးပေါင်းရင်းမြစ်များ

Zaburi 142:6

U hulire lilira lyange; Kigira ngehidzwa ligali: U mbonnye ku yavo ava nkupidzanga kivi; Kigira va veye netsingulu kuvita inze.

Kutwula 15:16

Litihidzwa nobutii bu va gumiye; Ku bunene bwomukono gugwo, va kiring'ana kuli ligina; Kuduka avandu vovo vambuka, O Yahova, Kuduka avandu ava wa gula, vambuka.

Isaya 44:23

Mwimbe, mwinye ligulu, kigira Yahova u lombi inkuva yiyi; mu kupe lwanga, mwinye isi welirova; mu lete tsinyimbu, mu imbe mwinye vigulu, O mulitu, na misala gyosi gyi veye mugwo: kigira Yahova u tungiye Yakobo, na a lekuminya mwene mu Israeli.

Isaya 48:20

Mu twule Babuloni, mwiruke mu twule ku Vakalidei; mwilwadze nomwoyo gwokwimba, mu landidze makuva yaga, mu ga vole kuduka kiheri kyelirova; mu vole, Yahova u tungiye mutumekiri wewe Yakobo

Isaya 49:24

Hene muluviriri a la nyagwa vilanye vivye, naho ava hambwa buhambe bweligali va la bohololwa?

Isaya 49:25

Navutswa Yahova a vola, Kali avahambe vomuluviriri va la twulidzwa, nevilanye vya yavo ava tihidzanga vi la honywa; kigira inze nda hing'ana na uyu u hing'ana nive, na nda honnya avana vovo.

Isaya 51:11

Ava Yahova ya tungira va lirana, nokuduka Zioni nokwimba; ubusangali bwemihiga nemihiga bu la va ku mitwe gyavo: va la nyola ubuyanzi nobusangali; na livererera nelikenya va la tsiraligali.

Jeremia 15:21

Na nda honnya ive kutwula mmukono gwavadamano, na nda tungira ive kutwula mmukono gwa uyu u tihidzanga.

Jeremia 50:33

Yahova wa mahe a vola ndi: Avana va Israeli navana va Yuda va dambidzeywi halala; na vosi ava va hila avahambe va va gumira ligali; va sula kuvaha munwa va tsie.

Jeremia 50:34

Mutungi wavo nowetsingulu; Ya hova wa mahe ni lieta lilye: uyu a la vera makuva gavo ligali, a duke kusosidza lirova, nokunyangidza yavo ava menyanga mu Babuloni.

Lisyoma lya Jeremia 3:58

O Yahova, u veri amakuva gomwoyo gwange; u tungiye livamwoyo lyange.

Hosea 13:14

Inze nda va honnya kutwula ku tsingulu tsyekihadisi; nda va honnya kutwula ku likudza: O likudza, ma duya gogo ga veye haliha? O Kihadisi, lidividza lilyo li veye haliha? Lyeganira li la viswa ku tsimoni tsyange.

Zekaria 9:16

Na Yahova Nyasaye wavo a la va honnya mu lidiku yilyo kuli kyayo kyavandu veve; kigira va la va kuli magina getaji ga gingwa igulu ligali ku kivala kikye.

Matayo 12:29

Mundu a nyala ndi kwingira mu inyumba yowetsingulu kumunyaga vindu vivye, na a ta tangi kuboha wetsingulu? Kunangwa a la mu nyaga inyumba yeye.

Matayo 20:28

kuli Mwana wa Adamu si yadza kutumekirwa, navutswa kutumekira, nokuhaana liva mwoyo lilye li ve litungira lya vanyingi.

Matayo 22:29

Yesu ya tivula na a va volera, Mu kosanga, kigira si mu manya mang'oda, kandi tsingulu tsya Nyasaye.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.